ادام كۇشى بايلىعى جانە قوعامدىق قامتاماسىزداندىرۋ مينيسترلىگى: جەكەلەردىڭ زەينەتاقى ءتۇزىمى جاپپاي اتقارىلادى
2024.01.25 16:14 كەلۋ قاينارى : حالىق تورابى
ءتىلشىنىڭ 1 – ايدىڭ 24 – كۇنى ادام كۇشى بايلىعى جانە قوعامدىق قامتاماسىزداندىرۋ مينيسترلىگى وتكىزگەن اقپار جاريالاۋ ماجىلىسىنەن ۇعىسۋىنشا، 36 قالا مەن رايوندا الدىمەن اتقارىلعان جەكەلەردىڭ زەينەتاقى ءتۇزىمى قازىر ورنىقتى اينالىمعا ءتۇسىپ، الدىمەن اتقارۋ قىزمەتىندە بەلسەندى ونىمدىلىككە قول جەتكىزگەن. كەلەسى قادامدا جەكەلەردىڭ زەينەتاقى ءتۇزىمى جاپپاي اتقارىلادى.
تۇتاس قوعامدىق قامتاماسىزداندىرۋ جاعدايىنان قاراعاندا، 2023 - جىلدىڭ سوڭىنا دەيىن بۇكىل ەل بويىنشا نەگىزگى زەينەتكەرلىك، جۇمىسسىزدىق، جۇمىس ۇستىندە جارالانۋ قامسىزداندىرۋىنا قاتىناسقان ادام سانى جەكە – جەكە ءبىر ميلليارد 66 ميلليون ادام، 244 ميلليون ادام، 302 ميلليون ادام بولىپ، وتكەن جىلدىڭ ۇقساس مەزگىلىندەگىدەن 13 ميلليون 360 مىڭ ادام، 5 ميلليون 660 مىڭ ادام، 10 ميلليون 540 مىڭ ادام ارتقان. تۇتاس جىلدا ءۇش ءتۇرلى قوعامدىق قامسىزداندىرۋ قورى كىرىسى 7 تريلليون 920 ميلليارد يۋان، شىعىسى 7 تريلليون 90 ميلليارد يۋان، جىل سوڭىندا جيىنى 8 تريلليون 240 ميلليارد يۋان بولىپ، قوردىڭ اينالىمى جالپى جاقتان ورنىقتى بولدى.
ادام كۇشى بايلىعى جانە قوعامدىق قامتاماسىزداندىرۋ مينيسترلىگى بىلاي دەدى: كەلەسى قادامدا زەينەتكەرلىك قامسىزداندىرۋىن بۇكىل ەل بويىنشا ءبىرتۇتاس جوسپارلاۋدى بەلسەنە ىلگەرىلەتىپ، زەينەتاقىنىڭ ۋاعىندا، تولىق تاراتىلۋىنا كەپىلدىك ەتىلەدى؛ كاسىپورىنداردىڭ جىلدىق قورىنىڭ قامتۋ كولەمىن ۇزدىكسىز كەڭەيتەدى؛ شارت - جاعدايى بار قىستاق كوللەكتيۆ شارۋاشىلىق ۇيىمدارىنىڭ قالا - اۋىل تۇرعىندارىنىڭ زەينەتكەرلىك قامسىزداندىرۋىنا قاتىناسۋشىلاردىڭ اقى تاپسىرۋىنا كومەك قاراجات بەرۋىن ىلگەرىلەتەدى؛ جەكەلەردىڭ ەسەبىندەگى قور كوبەيتىلەدى؛ يكەمدى جۇمىستانۋشىلار مەن جاڭا جۇمىستانۋ فورماتسياسىنداعى ەڭبەكشىلەردىڭ زەينەتكەرلىك قامسىزداندىرۋعا قاتىناسۋىن جەبەيدى؛ جۇمىس ۇستىندە جارالانعانداردى قامسىزداندىرۋ بويىنشا ولكە اتتاپ باسقا جەردە ەمدەلۋدى تىكەلەي ەسەپتەن كوتەرۋدى تۇيىندە سىناق ەتەدى.
جەكەلەردىڭ زەينەتاقى ءتۇزىمى — ۇكىمەتتىڭ ساياساتتىق قولداۋى، جەكەلەر ەرىكتى قاتىناسۋ، بازارلاندىرىپ اينالىمعا سالۋ سىندى قوسىمشا زەينەتكەرلىك قامسىزداندىرۋ ءتۇزىمى، جىلدىق اقى تاپسىرۋ جوعارى شەگى 12 مىڭ يۋان بولىپ، 3 - تىرەكتى قامسىزداندىرۋدىڭ مەملەكەت ءتۇزىمى ورنالاستىرعان بولەگىنە جاتادى. ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ساندى مالىمەتىندە كورسەتىلۋىنشە، قازىر ەسەپ اشقان ادام سانى 50 ميلليوننان اسقان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
