شي جينپيڭ جياڭشي شينيۇي قالاسى يۇيشۇي رايونىنداعى كوشە بويىنداعى دۇكەندە تۋىلعان ءورت اپاتى جونىندە ماڭىزدى نۇسقاۋ بەردى
ءتۇرلى حاۋىپسىزدىك شىرعالاڭدارىنىڭ كوپ تۋىلۋ، ءۇرتىس تۋىلۋ جاعدايىن باتىل تەجەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە جانە قوعامدىق جالپى جاعدايدىڭ ورنىقتىلىعىنا كەپىلدىك ەتۋدى تالاپ ەتتى
لي چياڭ بەكىتۋ جازدى
2024.01.25 16:56 كەلۋ قاينارى : حالىق تورابى
شينحۋا اگەنتتىگى، 1 – ايدىڭ 24 – كۇنى، بەيجيڭ. 1 - ايدىڭ 24 - كۇنى ساعات 15 تەن 30 مينۋت وتكەندە جياڭشي شينيۇي قالاسى يۇيشۇي رايونىنداعى كوشە بويىنداعى ءبىر دۇكەندە ءورت اپاتى تۋىلدى. قازىرگە دەيىن اپاتتا 39 ادام قازا بولىپ، 9 ادام جارالاندى.
ءورت كەتكەننەن كەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ايرىقشا ءمان بەردى ءارى ماڭىزدى نۇسقاۋ بەردى، جياڭشي شينيۇي قالاسى يۇيشۇي رايونىنداعى كوشە بويىنداعى ءبىر دۇكەندە ءورت اپاتى تۋىلىپ، اۋىر ءولىم - ءجىتىم بولدى. جارالانعانداردى بار كۇشپەن ەمدەپ، قازا بولعانداردىڭ وتباسىنداعىلاردى جۇباتۋ، سوڭعى جۇمىستاردى ىڭعايلاستىرۋ سياقتى قىزمەتتەردى ويداعىداي ىستەۋ كەرەك. بۇل − تاياۋ مەزگىلدە تۋىلعان تاعى ءبىر رەتكى اۋىر ءوندىرىس حاۋىپسىزدىگى ۋاقيعاسى، ونىڭ سەبەبىن تەز ارادا انىقتاپ، زاڭ بويىنشا جاۋاپكەرلىگىن قاتاڭ قۋزاپ، تەرەڭ تولعانۋ كەرەك. شي جينپيڭ بىلاي دەپ دارىپتەدى: جەر - جەر جانە قاتىستى تاراۋلار اشتى ساباق قابىلداپ، سالعىرتسۋ يدەياسى مەن باق سىناۋ پسيحيكاسىن جەڭىپ، ءوندىرىس حاۋىپسىزدىگى جاۋاپكەرلىگىن ونان ارى ناقتىلاندىرىپ، كومەسكى قاتەرلەردى مۇقيات ءبىر - بىرلەپ تەكسەرىپ، قىزمەتتى تياناقتاندىرۋدى مىقتى يگەرىپ، ءتۇرلى حاۋىپسىزدىك شىرعالاڭدارىنىڭ كوپ تۋىلۋ، ءۇرتىس تۋىلۋ جاعدايىن باتىل تەجەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە جانە قوعامدىق جالپى جاعدايدىڭ ورنىقتىلىعىنا شىنايى كەپىلدىك ەتۋى كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، كۇش ۇيىمداستىرىپ، قامالىپ قالعانداردى ىزدەۋ، قۇتقارۋ، جارالىلاردى بار كۇشپەن قۇتقارۋ، ءولىم - ءجىتىمدى مۇمكىندىكتىڭ بارىنشا ازايتۋ، وتباسىنداعىلاردى جۇباتۋ سياقتى سوڭعى جۇمىستاردى ويداعىداي ىستەۋ، سونداي - اق ۋاقيعانىڭ سەبەبىن تەز ارادا انىقتاپ، جاۋاپكەرلىكتى زاڭ بويىنشا قاتاڭ قۋزاۋدى تالاپ ەتتى. جۋىقتان بەرى كوپ جەردە ارت - ارتىنان ءورت اپاتى تۋىلىپ، اۋىر ءولىم - ءجىتىم بولدى، مەملەكەتتىك كەڭەستىڭ ءوندىرىس حاۋىپسىزدىگى كوميتەتى جەر - جەردى، قاتىستى جاقتاردى حاۋىپسىزدىك جاۋاپكەرلىگى مەن شارالارىنىڭ تياناقتانۋىن مىقتى يگەرىپ، ءتۇيىندى سالالارداعى، ءالسىز بۋىندارداعى حاۋىپسىزدىك كومەسكى قاتەرىن تەكسەرۋ، جونگە سالۋدى كۇشەيتىپ، قالتارىس قالدىرماۋعا قۋزاۋى كەرەك.
شي جينپيڭنىڭ نۇسقاۋى مەن لي چياڭنىڭ تالابىنا ساي، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى جاڭ گوچيڭ قاتىستى تاراۋلارداعى جاۋاپتى جولداستاردى باستاپ ناق مايدانعا بارىپ، ۋاقيعانى ءبىر جاقتى ەتۋ قىزمەتىنە جەتەكشىلىك ەتتى. جياڭشي ولكەسى، شينيۇي قالاسى كۇش ۇيىمداستىرىپ، قۇتقارۋ، ەمدەۋ جانە سوڭعى جۇمىستاردى ىڭعايلاستىرۋ قىزمەتىن بار كۇشپەن جاقسى ىستەۋدە. قازىر قاتىستى قىزمەتتەر ورىستەتىلۋدە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
