سىرتقى ىستەر مينيسترلىگى: مەيلى كىم كەلەسى كەزەكتى امەريكا زۇڭتۇڭى بولىپ سايلانسا دا، امەريكانىڭ جۇڭگومەن ءبىر باعىتتا ءجۇرۋىن ءۇمىت ەتەمىز
2024.02.01 15:09 كەلۋ قاينارى : حالىق تورابى
جۇڭگو سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين 1 – ايدىڭ 31 - كۇنى كەزەكتى تىلشىلەر جينالىسىن باسقاردى. ماجىلىستە شەتەلدىڭ ءبىر ءتىلشىسى بىلاي دەپ سۇرادى: ەگەر ترامپ امەريكانىڭ كەلەسى كەزەكتى زۇڭتۇڭى بولىپ سايلانسا، جۇڭگو امەريكانىڭ جۇڭگوعا قاراتقان ساياساتىندا وزگەرىس بولادى دەپ ەسەپتەي مە؟
ۋاڭ ۋىنبين بىلاي دەدى: امەريكانىڭ زور سايلاۋى امەريكانىڭ ىشكى ءىسى. جۇڭگو جاق باستان ـ اياق وزگە ەلدىڭ ىشكى ىسىنە كيلىكپەۋ پرينسيبىن ۇستانىپ، امەريكا قۇراما شتاتتارىنىڭ زور سايلاۋىنا كيلىكپەيدى. مەن جۇڭگو - امەريكا قاتىناسىن ويداعىداي دامىتۋ ەكى ەلدىڭ جانە ەكى ەل حالقىنىڭ ءتۇبىرلى مۇددەسىنە ۇيلەسەدى، سونداي - اق حالىقارالىق قوعامنىڭ جالپى بەتتىك ءۇمىتى ەكەنىن باسا دارىپتەمەكشىمىن. مەيلى كىم كەلەسى كەزەكتى امەريكا زۇڭتۇڭى بولىپ سايلانسا دا، ءبىز امەريكانىڭ جۇڭگومەن ءبىر باعىتتا ٴجۇرۋىن، ءوزارا قۇرمەت ەتۋ، بەيبىت قاتار تۇرۋ، سەلبەسىپ تەڭ يگىلىككە كەنەلۋ پرينسيبى بويىنشا جۇڭگو - امەريكا قاتىناسىنىڭ ورنىقتى، اقاۋسىز، باياندى باعىتقا قاراي دامۋىن ىلگەرىلەتىپ، ەكى ەلگە اناعۇرلىم ويداعىداي باقىت جاراتۋىن، دۇنيە ءجۇزىن يگىلىككە كەنەلتۋىن ءۇمىت ەتەمىز. سونىمەن بىرگە، ءبىز ءوزىمىزدىڭ يەلىك ۇقىعىمىزدى، حاۋىپسىزدىگىمىزدى، دامۋ مۇددەمىزدى ۇزدىكسىز باتىل قورعايمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
