”تاعام تىزىمدەمەسىنىڭ“ جاڭا ولشەمى شىعارىلدى، تاعام تىزىمدەمەسىندە اس ماتەريالدارىنىڭ ناقتى مولشەرى مەن سالماعى جازىلۋى كەرەك
2024.02.01 13:36 كەلۋ قاينارى : حالىق تورابى
جۇڭگو ساۋدا شەبەرلەرى بىرلەستىگى جۋىردا ۇيىمدىق ولشەمدەگى «اس – سۋ سالاسىنداعى ولشەمدەندىرىلگەن تاعام تىزىمدەمەسى باعدارناماسىن» جاريالادى. اتالعان ولشەم ارقىلى ”تاعام تىزىمدەمەسىنەن“ باستاپ كىرىسىپ، تاعام تىزىمدەمەسىندە نەگىزگى تاعامدارعا ىستەتىلگەن اس ماتەريالدارىنىڭ مولشەرى قاتارلى ءبىرقىدىرۋ ينفورماتسيالاردى جازۋعا، تۇتىنۋشىلاردىڭ ءوزىنىڭ قانداي تاماققا تاپسىرىس بەرگەنىن ايقىن بىلۋىنە، عىلىمي تاپسىرىس بەرۋىنە شارت – جاعداي ازىرلەپ، وسى ارقىلى تاعامعا تاپسىرىس بەرۋ بارىسىندا تۋىندايتىن اس ماتەريالدارىنىڭ ىسىراپ بولۋىنان ساقتانۋعا شابىتتاندىرادى.
اس – سۋ سالاسى ەلىمىزدەگى اس ماتەريالدارىنىڭ ىسىراپ بولۋىنداعى ”اۋىر اپاتتى ءوڭىر“. زەرتتەۋگە قاراعاندا، ينفورماتسيانىڭ انىق بولماۋى سەبەبىنەن تۇتىنۋشىلاردىڭ تاعامعا ارتىق تاپسىرىس بەرۋى قازىرگى كەزەڭدە اس – سۋ سالاسىنداعى ازىق – تۇلىكتىڭ ىسىراپ بولۋىن كەلتىرىپ شىعاراتىن باستى سەبەپتەردىڭ ءبىرى. قازىرگى تاڭدا، اس – سۋ سالاسىمەن شۇعىلداناتىن ورىنداردىڭ تاعام تىزىمدەمەسىن جاساۋدا قاتىستى بەلگىلەمەلەر كەمشىل، اس – سۋ سالاسىمەن شۇعىلداناتىن كوپ ساندى ورىنداردىڭ تاعام تىزىمدەمەسىندە تەك تاعامداردىڭ اتى مەن سۋرەتى عانا بار. تاعامنىڭ نەگىزگى جانە قوسىمشا ماتەريالى، ونىڭ مولشەرى مەن ەنەرگيالىق ءنارى قاتارلى قاتىستى ينفورماتسيالار كەمشىل، بۇل تۇتىنۋشىلاردىڭ ءوز جاعدايىنا قاراي ۇيلەسىمدى تاپسىرىس بەرۋىنە ءتيىمسىز بولىپ، ازىق – تۇلىكتىڭ ىسىراپ بولۋىن اۋىرلاستىرادى.
تۇتىنۋشىلارعا تاعام تۋرالى ينفورماتسيالاردى اناعۇرلىم دۇرىس جەتكىزىپ، اس – سۋ سالاسىنداعى ازىق – تۇلىكتىڭ ىسىراپ بولۋىن ازايتۋ ءۇشىن، ولشەمدە ”تاعام تىزىمدەمەسىندە تاعامنىڭ اتى، ءتۇرى، باستى ماتەريالدارى، جاساۋ ءتاسىلى، ءدامى، مولشەرى، باعاسى قاتارلى ءبىرقىدىرۋ ينفورماتسيالار بولۋى كەرەك“ دەگەن بەلگىلەمە ورتاعا قويىلعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
