كوپ ءتۇرلى جاڭا بەلگىلەمە بۇگىننەن باستاپ اتقارىلادى

بارلىعىمىزدىڭ تۇرمىسىمىزعا ىقپال جاسايدى

2024.02.01 13:11 كەلۋ قاينارى : حالىق تورابى

　　2 – ايدىڭ 1 – كۇنىنەن باستاپ، كوپ ءتۇرلى جاڭا بەلگىلەمە اتقارىلادى. بۇل جاڭا بەلگىلەمەلەر بارلىمىزدىڭ تۇرمىسىمىزعا ىقپال جاسايدى، بىرگە حابارلى بولايىق.

　　«ەڭ جوعارى حالىق سوتى مەكەمەسىنىڭ قالىڭمالعا قاتىستى داۋ – شار دەلوسىن تەكسەرۋدە قولداناتىن زاڭ – تۇزىمدەر جونىندەگى ءبىرقانشا بەلگىلەمەسى» 2 – ايدىڭ 1 – كۇنىنەن باستاپ اتقارىلادى. بەلگىلەمەدە مىنالار اتاپ كورسەتىلگەن: ۇيلەنۋدى جەلەۋ ەتىپ، مال – مۇلىك بەرۋدى تالاپ ەتۋگە تيىم سالىنادى. ءبىر جاق قالىڭمال الۋ دەگەن اتپەن ۇيلەنۋدى جەلەۋ ەتىپ مال – مۇلىك العان جاعدايدا، ەندى ءبىر جاق قايتارىپ بەرۋدى تالاپ ەتسە، حالىق سوتى مەكەمەسى قولداۋ كورسەتۋى قاجەت.

　　«كاسىپ سالاسىنىڭ قۇرىلىمىن رەتتەۋگە جەتەكشىلىك ەتۋ كورسەتكىشى (2024 – جىلعى نۇسقا)» 2 – ايدىڭ 1 – كۇنىنەن باستاپ اتقارىلادى. «كورسەتكىشتىڭ (2024 – جىلعى نۇسقا)» ساياساتتىق جاقتاعى باعدارى: جاساۋ كاسىبىن جوعارى ورەگە جەتكىزۋ، زەردەلىلەندىرۋ، جاسىل تيپتەندىرۋ، باسىمدىققا يە كاسىپ سالاسىنىڭ وزىق ورنىن بەكەمدەۋ، حاۋىپسىز دامۋعا ساياتىن سالالاردا ولقى تۇستاردى تولىقتاۋدى جەدەلدەتۋ، قىزمەت وتەۋ سالاسىندا ساپالى دا جوعارى ءونىمدى جاڭا جۇيەنى ورناتۋ.

　　«تەمىر جول تاسىمالىندا جولاۋشىلاردى تاسىمالداۋ حاۋىپسىزدىگىن تەكسەرۋدى باسقارۋ ءادىسى» 2 – ايدىڭ 1 – كۇنىنەن باستاپ اتقارىلادى. ادىستە مىنالار تالاپ ەتىلگەن: تەمىر جول تاسىمالىمەن شۇعىلداناتىن كاسىپورىندار پويەز بەكەتتەرىندە حاۋىپسىزدىكتى تەكسەرۋ ارنالارىن اشۋ سانىن ءىس جۇزىندىك جاعدايعا ساي رەتتەۋى، جولاۋشىلاردىڭ بەكەتكە ىركىلىسسىز كىرۋىنە كەپىلدىك ەتۋى، جولاۋشىلاردىڭ حاۋىپسىزدىگىن كۇندەلىكتى تەكسەرۋ بارىسىندا جولاۋشىلاردىڭ تەكسەرۋدى كۇتىپ تۇرۋىنا كەتەتىن ۋاقىتى 5 مينۋتتان اسپاۋى كەرەك.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved