شي جينپيڭ جۇڭگو مەن فرانسيانىڭ ديپلوماتيالىق قارىم - قاتىناس ورناتقانىنىڭ 60 جىلدىعىن قۇتتىقتاۋ قوناعاسىنا بەينە ەكران ءسوز سويلەدى
2024.01.26 16:17 كەلۋ قاينارى : حالىق تورابى
 |
1 - ايدىڭ 25 - كۇنى جۇڭگو مەن فرانسيانىڭ ديپلوماتيالىق قارىم - قاتىناس ورناتقانىنىڭ 60 جىلدىعىن قۇتتىقتاۋ قوناعاسى بەيجيڭ مەملەكەتتىك تەاترحاناسىندا وتكىزىلدى، مەملەكەت ءتوراعاسى شي جينپيڭ بەينە ەكران ءسوزىن سويلەدى.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
شينحۋا اگەنتتىگى، 1 - ايدىڭ 25 - كۇنى، بەيجيڭ. 1 - ايدىڭ 25 - كۇنى جۇڭگو مەن فرانسيانىڭ ديپلوماتيالىق قارىم - قاتىناس ورناتقانىنىڭ 60 جىلدىعىن قۇتتىقتاۋ قوناعاسى مەملەكەتتىك تەاترحانادا وتكىزىلدى، مەملەكەت ءتوراعاسى شي جينپيڭ بەينە ەكران ءسوزىن سويلەدى.
شي جينپيڭ مىنالاردى اتاپ كورسەتتى: 60 جىلدىڭ الدىندا جۇڭگو مەن فرانسيانىڭ ديپلوماتيالىق قارىم - قاتىناس ورناتۋى − حالىقارالىق قارىم - قاتىناس تاريحىنداعى ءىرى ءىس. ءتوراعا ماۋ زىدۇڭ مەن دەگولل گەنەرال ەلدەن ەرەك اقىل - پاراساتپەن جانە باتىلدىقپەن جۇڭگو مەن باتىستىڭ بارىس - كەلىس، سەلبەستىك قاقپاسىن اشىپ، قىرعي قاباقتىق سوعىس كۇيىندە تۇرعان دۇنيە جۇزىنە ءۇمىت باعىشتادى. 60 جىلدان بەرى جۇڭگو - فرانسيا قارىم - قاتىناسى باستان - اياق جۇڭگونىڭ باتىس ەلدەرىمەن قارىم - قاتىناسىنىڭ الدىڭعى لەگىندە ءجۇرىپ، ەكى ەل حالىقتارىنا ىرىس - قۇت اكەلىپ، دۇنيە ءجۇزىنىڭ بەيبىتشىلىگىنە، ورنىقتىلىعىنا جانە دامۋىنا ۇلەس قوستى.
شي جينپيڭ بىلاي دەپ دارىپتەدى: جۇڭگو - فرانسيا قارىم - قاتىناسىنىڭ وزگەشە تاريحى دەربەس، ءوز - وزىنە قوجايىن بولۋ، ءوزارا ءتۇسىنىسۋ، بيىكتە تۇرىپ الىسقا كوز جىبەرۋ، ءوزارا پايدا جەتكىزىپ، تەڭ يگىلىككە كەنەلۋ سىندى ”جۇڭگو - فرانسيا رۋحىن“ سومدادى. جاڭا داۋىردەگى اۋمالى - توكپەلى جاعداي الدىندا جۇڭگو مەن فرانسيا ديپلوماتيالىق قارىم - قاتىناس ورناتۋداعى اۋەلگى ماقساتتان جازباي، بولاشاققا بەلسەنە بەت الىپ، باتىلدىقپەن ءىس تىندىرۋى كەرەك. ەكى جاق ەكى جاقتى قارى - قاتىناستى تاباندىلىقپەن دامىتىپ، جۇڭگو - فرانسيا قارى - قاتىناسىنىڭ ورنىقتىلىعى ارقىلى دۇنيە ءجۇزىنىڭ تۇراقسىزدىعىنا توتەپ بەرۋى؛ جۇڭگو - فرانسيا مادەنيەت - ساياحات جىلىن، پاريج وليمپيادا سپورت جارىسىن وراي ەتىپ، گۋمانيتارلىق اۋىس - كۇيىستى كەڭەيتىپ، حالىق تىلەگىنىڭ توعىسۋىن جەبەۋى؛ تەپە - تەڭ، ءتارتىپتى دۇنيە ءجۇزىنىڭ كوپ ۇيەكتەنۋىن، جالپىعا ءتيىمدى، سيىسىمدى ەكونوميكانىڭ جاھاندانۋىن بىرگە دارىپتەپ، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋعا، دۇنيە جۇزىلىك سىن - سايىسقا توتەپ بەرۋگە جۇڭگو مەن فرانسيانىڭ ۇلەسىن ۇزدىكسىز قوسۋى؛ ءوزارا پايدا جەتكىزىپ، تەڭ يگىلىككە كەنەلۋدە تاباندى بولىپ، ءداستۇرلى سەلبەستىكتى تەرەڭدەتۋمەن بىرگە، جاسىل كاسىپ، تازا ەنەرگيا سياقتى جاڭادان گۇلدەنگەن سالالارداعى سەلبەستىكتىڭ كومەسكى كۇشىن بەلسەنە اشىپ، تابىستى زورايتۋدا تاباندى بولىپ، ەسىك اشۋ ارقىلى سەلبەستىك كۇشىن توپتاپ، دامۋ ورايىنان بىرگە يگىلىكتەنۋى كەرەك. كەلەسى 60 جىلدى بەتكە العاندا جۇڭگو مەن فرانسيا قول ۇستاسا سەلبەسسە، ءسوز جوق، تاعى دا شۇعىلالى ناتيجە جاراتادى.
فرانسيانىڭ زۇڭتۇڭى ماكرون دا بەينە ەكران ءسوزىن سويلەدى. ماكرون مىنالاردى ءبىلدىردى: 60 جىلدىڭ الدىندا دەگولل گەنەرال لاگەردىڭ قارسىلاسۋ لوگيكاسىنان اتتاپ ءوتىپ، جۇڭحۋا حالىق رەسپۋبليكاسىمەن ديپلوماتيالىق قارى - قاتىناس ورناتۋ تاريحي شەشىمىن جاسادى. بۇگىنگى تاڭدا ءبىز 1964 - جىلى بەلگىلەنگەن ۇلى نىسانا نەگىزىندە كۇش ۇستىنە كۇش قوسىپ، ەكى ەل حالىقتارىنىڭ قاجەتىن قاناعاتتاندىرۋمەن بىرگە، دۇنيە ءجۇزىنىڭ بەيبىتشىلىگى مەن ورنىقتىلىعىنا دا ءتيىمدى سەرىكتەستىك قارى - قاتىناستى بىرگە قۇرۋعا مىندەتتىمىز. فرانسيا جاق جۇڭگو جاقپەن قول ۇستاسا قۇلشىنىپ، دۇنيە جۇزىلىك سايىستارعا توتەپ بەرىپ، حالىقارالىق داعدارىستىڭ شەشىلۋىن ىلگەرىلەتۋدى قالايدى. 2024 - جىل − سونداي – اق فرانسيا - جۇڭگو مادەنيەت - ساياحات جىلى، ەكى جاق باي مازمۇندى قيمىلدار وتكىزەدى. ءبىز وسىنى وراي ەتىپ، ەكى ەل حالىقتارى، اسىرەسە، جاستارى اراسىنداعى بارىس - كەلىستى جيىلەتىپ، فرانسيا – جۇڭگو قارىم - قاتىناسىنىڭ بولاشاعىنا اناعۇرلىم بەرىك نەگىز قالاۋىمىز كەرەك.
1 – ايدىڭ 31 - كۇنى ەكى ەل پاريج ۆەرسال سارايىندا جۇڭگو مەن فرانسيانىڭ ديپلوماتيالىق قارىم - قاتىناس ورناتقانىنىڭ 60 جىلدىعىن قۇتتىقتاۋ جانە مادەنيەت - ساياحات جىلىنىڭ اشىلۋ قيمىلىن وتكىزىپ، ەكى ەل باسشىلارىنىڭ بەينە ەكران ءسوزىن تاراتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
