ديڭ شۋەشياڭ دۇنيە بانكەسىنىڭ اتقارۋشى جورالارىنىڭ ساپار ۇيىرمەسىندەگىلەرمەن كەزدەستى
2024.01.26 16:24 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 25 – كۇنى، بەيجيڭ (ءتىلشى جىڭ ميڭدان). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 1 - ايدىڭ 25 - كۇنى بەيجيڭدە دۇنيە بانكەسىنىڭ اتقارۋشى جورالارىنىڭ ساپار ۇيىرمەسىندەگىلەرمەن كەزدەستى.
ديڭ شۋەشياڭ مىنانى ءبىلدىردى: جۇڭگونىڭ دۇنيە بانكەسىمەن ۇزاق ۋاقىتتىق تاماشا سەلبەستىگى بار، ەكى جاقتىڭ سەلبەستىك سالاسى كەڭ، تابىسى مول. جۇڭگو جاق دۇنيە بانكەسىمەن بىرگە دۇنيە ءجۇزىنىڭ كەدەيلىكتى ازايتۋىن جانە باياندى دامۋىن بىرگە ىلگەرىلەتىپ، كليمات وزگەرىسىنە توتەپ بەرۋ، ورگانيزمدەردىڭ الۋان تۇرلىلىگى سياقتى سالالارداعى سەلبەستىكتى كۇشەيتىپ، دۇنيە جۇزىلىك سايىستارعا توتەپ بەرۋگە بەلسەندى ۇلەس قوسۋدى قالايدى.
ديڭ شۋەشياڭ بىلاي دەپ اتاپ كورسەتتى: وتكەن ءبىر جىلدا جۇڭگو ەكونوميكاسى قايتا ورلەپ، ساپالى دامۋ تىڭعىلىقتى ىلگەرىلەپ، دۇنيە ءجۇزى ەكونوميكاسىنىڭ ارتۋىنداعى ەڭ ۇلكەن قوزعالتقىش بولدى. جۇڭگو جۇڭگو ۇلگىسىندەگى وسىزامانداندىرۋدى تاباندىلىقپەن ىلگەرىلەتىپ، جوعارى دەڭگەيدەگى سىرتقا ەسىك اشۋدى كەڭەيتىپ، ساۋدا ورتاسىن ساپالىلاندىرىپ، شەتەل قارجىسىنان بەلسەنە پايدالانىپ، دۇنيە ءجۇزى ەكونوميكاسىنىڭ دامۋىنا ۇزدىكسىز قۇدىرەتتى قوزعاۋشى كۇش ازىرلەيدى.
دۇنيە بانكەسىنىڭ اتقارۋشى جورالارىنىڭ ساپار ۇيىرمەسىندەگىلەر مىنانى ءبىلدىردى: دۇنيە بانكەسى جۇڭگومەن دامۋ سەلبەستىگىنە ايرىقشا ءمان بەرەدى، ەكى جاقتىڭ دامۋ سەرىكتەستىك قارىم - قاتىناسىن ونان ارى تەرەڭدەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
