حان جىڭ ناۋرۋدىڭ سىرتقى ىستەر مينيسترى انگەمينمەن كەزدەستى
2024.01.26 16:25 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 25 – كۇنى، بەيجيڭ. مەملەكەت ءتوراعاسنىڭ ورىنباسارى حان جىڭ 1 - ايدىڭ 25 - كۇنى حالىق سارايىندا ناۋرۋدىڭ سىرتقى ىستەر مينيسترى انگەمينمەن كەزدەستى.
حان جىڭ مىنالاردى ءبىلدىردى: ناۋرۋ ۇكىمەتىنىڭ دەربەس، ءوز - وزىنە قوجا بولا وتىرىپ جۇڭگومەن ديپلوماتيالىق قارى - قاتىناستى قالپىنا كەلتىرۋ ساياسي شەشىمىن جاساۋى ادەاڭ زۇڭتۇڭنىڭ ستراتەگيالىق كورەگەندىگىن تولىق ايگىلەدى. تاريح مۇنىڭ دۇرىس شەشىم ەكەنىن، سونداي - اق ءبىر جۇڭگو پرينسيبىنىڭ جۇرت جۇرەگىنە تەرەڭ ۇيالاعانىن تاعى ءبىر رەت دالەلدەدى. جۇڭگو جاق ناۋرۋ جاقپەن ءار دارەجەلى بارىس - كەلىس پەن سەلبەستىكتى بەلسەنە ورىستەتىپ، ەكى ەل قارىم - قاتىناسىنىڭ تىڭ پاراعىن اشۋدى قالايدى. حان جىڭ جۇڭگونىڭ سىرتقى ساياسات ۇستانىمىن پايىمداپ، جۇڭگونىڭ ناۋرۋدىڭ ءوز مەملەكەت جاعدايىنا ۇيلەسەتىن وسىزامانداندىرۋ جولىمەن ءجۇرۋ جونىندە ىزدەنىس جاساۋىن قولدايتىنىن، ءوزارا قۇرمەت ەتۋ، تەڭ تۇرعىدا مامىلە جاساۋ، سەلبەسىپ تەڭ يگىلىككە كەنەلۋ، اشىق، سيىسىمدى بولۋ نەگىزىندە، ناۋرۋدىڭ دامۋدى جۇزەگە اسىرۋىنا مۇمكىندىكتىڭ بارىنشا كومەكتەسۋدى قالايتىنىن، ناۋرۋدىڭ دۇنيە جۇزىلىك دامۋ باستاماسىنا، دۇنيە جۇزىلىك حاۋىپسىزدىك باستاماسىنا، دۇنيە جۇزىلىك وركەنيەت باستاماسىنا بەلسەنە ات سالىسىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋىن قارسى الاتىنىن ءبىلدىردى.
انگەمين مىنانى ءبىلدىردى: جۇڭگومەن ديپلوماتيالىق قاتىناس ورناتۋ ارقىلى ناۋرۋ تاريحتىڭ دۇرىس جاعىندا تۇردى، جۇڭگومەن سەرىك بولۋ ناۋرۋدىڭ دامۋ بولاشاعىن اناعۇرلىم نۇرلاندىرىپ، حالىققا اناعۇرلىم كوپ ىرىس - قۇت جاراتادى. ناۋرۋ جاق جۇڭگو جاقپەن اۋىس - كۇيىستى، سەلبەستىكتى كۇشەيتۋدى، ”ءبىر بەلدەۋ، ءبىر جولدى“ بىرگە قۇرۋعا جانە 3 ۇلكەن دۇنيە جۇزىلىك باستاماعا بەلسەنە ات سالىسۋدى ءۇمىت ەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
