جەرگىلىكتى ەكى ماجىلىستەن جاڭا اقپارات:
شينجياڭدا ەكى ماجىلىستە تۇڭعىش رەت شەتەلدىك قوناقتاردى سىرتتاي تىڭداۋعا، شەتەلدىك اقپارات قۇرالدارىن ءماجىلىستى حابارلاۋعا ۇسىنىس ەتتى
2024.01.29 13:20 كەلۋ قاينارى : حالىق تورابى
سۋرەتتە: اقپار جاريالاۋ ماجىلىسىنەن كورىنىس. شينحۋا اگەنتتىگىنىڭ ءتىلشىسى يۇي تاۋ فوتوسى
شينحۋا اگەنتتىگىنىڭ ءتىلشىسى يۇي تاۋ، سۇن شاۋشيۇڭ 1 – ايدىڭ 28 – كۇنى ۇرىمجىدەن حابارلايدى. شينجياڭ ۇيعۇر اۆتونوميالى رايوندىق 14 – كەزەكتى حالىق قۇرىلتايى ەكىنشى ءماجىلىسىنىڭ، اۆتونوميالى رايوندىق ساياسي كەڭەس 13 – كەزەكتى كوميتەتى ەكىنشى ءماجىلىسىنىڭ اقپار جاريالاۋ ءماجىلىسى 1 – ايدىڭ 28 – كۇنى اۆتونوميالى رايوندىق ەكى ءماجىلىس اقپارات ورتالىعىندا وتكىزىلدى. ءتىلشىنىڭ اقپار جاريالاۋ ماجىلىسىنەن ۇعىسۋىنشا، اۆتونوميالى رايوندىق ەكى ماجىلىستە تۇڭعىش رەت شەتەلدىك قوناقتاردى سىرتتاي تىڭداۋعا، شەتەلدىك اقپارات قۇرالدارىن ءماجىلىستى حابارلاۋعا ۇسىنىس ەتكەن.
اقپار جاريالاۋ ماجىلىسىندە اۆتونوميالى رايوندىق 14 – كەزەكتى حالىق قۇرىلتايى ەكىنشى ءماجىلىسىنىڭ مالىمدەمەشىسى ماريام سىمايل مەن اۆتونوميالى ساياسي كەڭەس 13 – كەزەكتى كوميتەتى ەكىنشى ءماجىلىسىنىڭ مالىمدەمەشىسى جاڭ شۇي جەكە – جەكە ەلىمىزدىڭ حالىق قۇرىلتايى ءتۇزىمى مەن ساياسي كەڭەس ءتۇزىمىن، اۆتونوميالى رايوندىق حالىق قۇرىلتايى ۋاكىلدەرى مەن ساياسي كەڭەس مۇشەلەرىنىڭ مىندەتىن اتقارۋ جاعدايىن تانىستىردى.
وسى رەتكى ەكى ماجىلىستە اۆتونوميالى رايوندىق سىرتقى ىستەر كەڭسەسى تۇڭعىش رەت شاڭحاي سەلبەستىك ۇيىمىنداعى قاتىستى مۇشە ەلدەردىڭ، باقىلاۋشى ەلدەردىڭ، كەڭەسۋشى سەرىكتەس مەملەكەتتەردىڭ جۇڭگودا تۇراتىن ءمانساپتىلارىن، شاڭحاي سەلبەستىك ۇيىمىنىڭ حاتشىلار باسقارماسى، ورتا ازيا وڭىرلىك سەلبەستىك شۋەيۋانى قاتارلى حالىقارالىق ۇيىمداردىڭ ۋاكىلدەرىن سىرتتاي تىڭداۋعا ۇسىنىس ەتكەن.
وسى رەتكى اقپار جاريالاۋ ماجىلىسىنە نەشە ونداعان اقپارات قۇرالى قاتىناسقان، مۇندا ورتالىقتاعى اقپارات قۇرالدارى، شينجياڭداعى اقپارات قۇرالدارى، سونداي – اق، شياڭگاڭداعى، اۋمىنداعى 10 اقپارات قۇرالى مەن شەتەلدەردىڭ 4 اقپارات قۇرالى قامتىلعان.
مالىمدەمەشىنىڭ تانىستىرۋىنشا، اۆتونوميالى رايوندىق 14 – كەزەكتى حالىق قۇرىلتايىنىڭ ەكىنشى ءماجىلىسى 1 – ايدىڭ 30 – كۇنى تۇستەن بۇرىن اشىلادى، ءماجىلىس ۋاقىتى ءتورت كۇن؛ اۆتونوميالى رايوندىق ساياسي كەڭەس 13 – كەزەكتى كوميتەتىنىڭ ەكىنشى ءماجىلىسى 1 – ايدىڭ 29 – كۇنى تۇستەن بۇرىن اشىلادى، ءماجىلىس ۋاقىتى ءۇش جارىم كۇن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
