ءۇرىمجى قالالىق دەنساۋلىق ساقتاۋ كوميتەتى كوكتەم مەرەكەسىندەگى دەنساۋلىق ساقتاۋ ەسكەرتۋىن جاريالادى!
2024.02.01 15:01 كەلۋ قاينارى : حالىق تورابى
بيىلعى كوكتەم مەرەكەسى تاياپ قالدى، 1 – ايدىڭ 30 – كۇنى ءۇرىمجى قالالىق دەنساۋلىق ساقتاۋ كوميتەتى ءۇرىمجى قالالىق اۋرۋدى تىزگىندەۋ ورتالىعىمەن بىرلەسىپ، سالاماتتىق ەسكەرتۋىن جاريالادى: كوكتەم مەرەكەسىنىڭ الدى ـ ارتىندا تۋىس ـ تۋعان، دوس ـ جاراندارىنا امانداسا بارۋ، ساياحاتتاۋ، ءجۇرىس – تۇرىس، باس قوسۋ سياقتىلار بىرتىندەپ كوبەيەدى، كوپشىلىكتىڭ مىنا بىرنەشە ءتۇيىندى ويداعىداي ىستەپ، مەرەكەنى تىنىش، اقاۋسىز وتكىزۋىن تىلەيمىز.
ءبىرىنشى، جەكەلىك قورعانۋ قىزمەتىن جاقسى ىستەۋگە تاباندى بولۋ. ءاربىر ادام ءوزىنىڭ سالاماتتىعىنداعى ءبىرىنشى جاۋاپتى ادام، ماسكىنى عىلىمي تاعۋ، قول جۋۋ، ۇنەمى اۋا الماستىرۋ قاتارلى تاماشا تازالىق ادەتىن ۇزدىكسىز ساقتاۋ كەرەك. جوتەلگەن نەمەسە تۇشكىرگەن كەزدە، جوتەلۋ جول - جوسىنىنا بويسۇنىپ، قاعاز، شىت نەمەسە جەڭىمەن اۋىز - مۇرىندى باسۋ، سونداي - اق قولدى دەرەۋ جۋۋ نەمەسە جۋماي ديزەنفەكسيالاۋ سۇيىقتىعىمەن قولدى ديزەنفەكسيالاۋ كەرەك.
ەكىنشى، اقاۋسىز تۇرمىس ءتاسىلىن قالىپتاستىرۋ. ءىشىپ – جەۋدى، زاڭدىلىقتى ارەكەتتى ۇيلەسىمدى ىستەپ، تەمەكىدەن تيىلىپ، اراقتى تەجەپ، پسيحيكالىق تەپە - تەڭدىكتى ساقتاپ، جاقسى ۇيىقتاپ، ورگانيزمنىڭ يممۋنيتەتتىك قۋاتىن ارتتىرىپ، دەنساۋلىققا كەپىلدىك ەتۋ كەرەك.
ءۇشىنشى، حاۋىپسىز، ءتارتىپتى ساپارعا شىعۋ. سىرتقا شىعىپ ساياحاتتاۋ جوسپارى بار بۇقارا ماسكى، ديزەنفەكسيالاۋ دىمقىل قاعازى قاتارلى قورعانۋ بۇيىمدارىن جاقسى دايىنداۋى، ساپار بارىسىندا پويەز كۇتۋ بولمەسىندە نەمەسە الەۋمەتتىك قاتىناسقا وتىرعاندا جەكەلىك قورعانۋ قىزمەتىن جاقسى ىستەۋى كەرەك. ەگەر قىزۋ، جوتەلۋ سياقتى اۋرۋ بەلگىلەرى بايقالسا، كوللەكتيۆ قيمىلدارعا قاتىناسۋدان نەمەسە ادامدار شوعىرلى ورىندارعا بارۋدان ساقتانۋ، سونىمەن بىرگە وتباسىنداعىلارمەن بارىس - كەلىستى ازايتىپ، دەر كەزىندە ەمدەۋ قۇرىلىمدارىنا بارۋ كەرەك.
ءتورتىنشى، ءتۇيىندى قاۋىمعا قاداعالاي نازار اۋدارۋ. قارتتار، جۇكتى ايەلدەر، بالالار جانە اۋىر نەگىزدىك اۋرۋى بارلار وزدەرىنىڭ دەنساۋلىق جاعدايىنا قاداعالاي نازار اۋدارۋى، ەگەر جايسىزدانسا، دەر كەزىندە ۇيلەسىمدى ەمدەۋلى كەرەك. ادامدار ءجيى ورنالاسقان ورىندارعا مۇمكىندىكتىڭ بارىنشا بارماۋى، ەگەر بارۋعا تۋرا كەلسە، ماسكى تاعۋى كەرەك.
بەسىنشى، ۋاكسينانى بەلسەنە ەگۋ. قىس، كوكتەم ماۋسىمدارى تىنىس جولى جۇقپالى اۋرۋلارى تارالاتىن مەزگىل، كوپ ءتۇرلى تىنىس جولى جۇقپالى اۋرۋلارىنىڭ ورتاق تارالۋ قاتەرى بار، ەگۋ شارت - جاعدايىنا ۇيلەسەتىن بۇقارا جۇقپالى تۇماۋ ۆاكسيناسى، وكپە قابىندىراتىن شارشا باكتەريا ۆاكسيناسى قاتارلىلاردى ەكتىرۋى كەرەك، اسىرەسە قارتتار، سوزىلمالى نەگىزدىك اۋرۋعا شالدىققاندار قاتارلى سالماقتى، قاتەرى جوعارى ادامدار ۋاكسينا ەكتىرۋى كەرەك.
التىنشى، ىشەك جولىنداعى جۇقپالى اۋرۋلار مەن ازىق - تۇلىكتەن بولاتىن اۋرۋلاردان ساقتانۋ. كوكتەم مەرەكەسى كەزىندە باس قوسۋ كوبىرەك بولادى، ازىق - تۇلىك تازالىعىنا كوڭىل ءبولۋ، تاماقتى ابدەن پىسىرۋ، تازا بولماعان تاعامداردى، ساپاسى وزگەرگەن تاعامداردى جەمەۋ كەرەك. ءوزىن - ءوزى باقىلاۋدى جاقسى ىستەۋ، مىسالى، قىزۋ، قۇسۋ قاتارلى اۋرۋ بەلگىلەرى بايقالسا، دەر كەزىندە ەمدەۋ قۇرىلىمدارىنا بارۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
