جۇڭگو فۋتبول بىرلەستىگىنىڭ بۇرىنعى ءتوراعاسى چىن شۇييۋاننىڭ پارا الۋى دەلوسىنا ءبىرىنشى رەت سوت اشىلدى
81 ميلليون 30 مىڭ يۋاننان استام پارا الدى دەپ ايىپتالعان
2024.01.30 14:05 كەلۋ قاينارى : حالىق تورابى
2024 – جىلى 1 – ايدىڭ 29 – كۇنى، حۋبەي ولكەسى حۋاڭشى قالالىق ورتا دارەجەلى حالىق سوتى جۇڭگو فۋتبول بىرلەستىگى پارتكومىنىڭ بۇرىنعى ورىنباسار شۋجيى، بۇرىنعى ءتوراعاسى چىن شۇييۋاننىڭ پارا الۋى سىندى دەلوعا ءبىرىنشى رەت اشىق سوت اشىپ، تەرگەۋ جۇرگىزگەن.
حۋاڭشى قالالىق حالىق پروكۋراتۋراسىنىڭ ايىپتاماسى: 2010 – جىلدان 2023 – جىلعا دەيىن، ايىپكەر چىن شۇييۋان ىلگەرىندى – كەيىندى شاڭحاي حالىقارالىق كەمەجاي ىستەرى (توبى) شەكتى جارنا سەرىكتەستىگىنىڭ باس ديرەكتورى، القالار باستىعى، جۇڭگو فۋتبول بىرلەستىگىنىڭ كەزەك الماستىرۋعا دايىندالۋ گرۋپپاسىنىڭ باستىعى، جۇڭگو فۋتبول بىرلەستىگىنىڭ ءتوراعاسى قاتارلى مىندەتتەردى اتقارعان كەزدەگى قولايلىلىقتار مەن قىزمەت ۇقىعىنان، قىزمەتتىك سالاۋاتىنان قالىپتاسقان قولايلى شارت – جاعدايدان پايدالانىپ، قاتىستى ورىندار مەن جەكەلەرگە نىساندى مىندەتكە الۋ، قارجى قوسىپ ساۋدا جۇرگىزۋ، جارىس ورنالاستىرۋ قاتارلى ىستەردە كومەكتەسىپ، باسقالاردان حالىق اقشاسى بويىنشا جيىنى 81 ميلليون 30 مىڭ يۋاننان استام اقشانى زاڭسىز تۇردە قابىلداعان. پروكۋراتۋرا ورگاندارى پارا الۋ قىلمىسى بويىنشا چىن شۇييۋاننىڭ قىلمىستىق ىستەر جاۋاپكەرشىلىگىن قۋزاستىرۋدى ءوتىندى.
سوت بارىسىندا، پروكۋراتۋرا ورگانى قاتىستى ىسپاتتاردى كورسەتتى، ايىپكەر چىن شۇييۋان مەن ونىڭ اقتاۋشىسى دالەل كورسەتىپ اقتالدى، ايىپتاۋشى جاق پەن اقتالۋشى جاق سوتشىنىڭ باسقارۋىندا پىكىرلەرىن تولىق باياندادى، چىن شۇييۋان ەڭ سوڭىندا ءوز ويىن بايانداپ، سوت ۇستىندە قىلمىسىن مويىنداپ، وكىنەتىنىن ءبىلدىردى.
سوت تەرگەۋىنىڭ سوڭىندا سوتشى تەرگەۋدىڭ اياقتاعانىن، قولايلى ساتتە ۇكىم جاريالايتىنىن ايتتى.
حالىق قۇرىلتايى ۋاكىلدەرى، ساياسي كەڭەس مۇشەلەرى، اقپارات قۇرالدارىنىڭ تىلشىلەرى مەن ءار سالاداعى بۇقارا بولىپ، وتىز نەشە ادام سوت تەرگەۋىن سىرتتاي تىڭدادى.
ۇعىسۋعا قاراعاندا، جۇڭگو فۋتبول بىرلەستىگىنىڭ ۇنەمىلىك ىستەرگە جاۋاپتى بۇرىنعى ورىنباسار باس حاتشىسى ءارى مەملەكەتتىك كوماندانى باسقارۋ ءبولىمىنىڭ بۇرىنعى باستىعى چىن يۇڭلياڭنىڭ پارا الۋى، پارا بەرۋى دەلوسىنا، ۋحان بۇكىل حالىقتىق دەنە شىنىقتىرۋ ورتالىعىنىڭ بۇرىنعى ورىنباسار مەڭگەرۋشىسى ليۋ لەيدىڭ پارا الۋى، پارا بەرۋى دەلوسىنا سول كۇنى جەكە – جەكە حۋبەي ولكەسى شياننيڭ قالاسى شياننيىڭ رايوندىق حالىق سوتى مەكەمەسى مەن حۋبەي ولكەسى جيايۇي اۋداندىق حالىق سوتى مەكەمەسى اشىق سوت اشىپ، تەرگەۋ جۇرگىزگەن. (باس ستانسيا ورتالىق تەلەۆيزيا ءتىلشىسى شي دانني، چىڭ چين، ۋ بيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
