«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
جۇڭحۋا ۇلتى ورتاق تۇلعا تانىمىن بەرىك ورناتىپ، جاڭا داۋىردەگى پارتيانىڭ ۇلت قىزمەتىنىڭ ساپالى دامۋىن ىلگەرىلەتەيىك
2024.02.01 15:52 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 31 – كۇنى، بەيجيڭ. 2 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 3 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جۇڭحۋا ۇلتى ورتاق تۇلعا تانىمىن بەرىك ورناتىپ، جاڭا داۋىردەگى پارتيانىڭ ۇلت قىزمەتىنىڭ ساپالى دامۋىن ىلگەرىلەتەيىك» اتتى ماڭىزدى ماقالاسى جاريالانادى.
ماقالادا مىنالار دارىپتەلدى: ەجەلدەن بەرى ەلىمىزدەگى ءار ۇلت حالقى كوز جاۋىن الاتىن جۇڭحۋا وركەنيەتىن بىرگە جاراتىپ، ۇلى جۇڭحۋا ۇلتىن سومدادى. پارتيامىز قۇرىلعان كۇننەن باستاپ ۇلت ماسەلەسىنە، ۇلت قىزمەتىنە ايرىقشا ءمان بەرىپ، ۇلت قاتىناسىن دۇرىس شەشتى. پارتيانىڭ 18 - قۇرىلتايىنان بەرى پارتيامىز جۇڭحۋا ۇلتى ۇلى شاڭىراعى، جۇڭحۋا ۇلتى ورتاق تۇلعاسى، جۇڭحۋا ۇلتى ورتاق تۇلعا تانىمىن بەرىك ورناتۋ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋ سياقتى ۇستانىمداردى دارىپتەپ، جۇڭحۋا ۇلتى ورتاق تۇلعاسى تانىمىن بەرىك ورناتۋدى جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى، ۇلتتىق رايونداردىڭ ءتۇرلى قىزمەتتەرىنىڭ نەگىزگى جەلىسى ەتۋدى ايقىن العا قويىپ، ۇلت ماسەلەسىن شەشۋدىڭ جۇڭگوشا دۇرىس جولىن ونان ارى كەڭەيتىپ، پارتيانىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن قالىپتاستىرىپ، ماركسيزمدىك ۇلت نازارياسىنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشىپ، پارتيانىڭ ۇلت قىزمەتىندە تىڭ تاريحي تابىستارعا قول جەتكىزدى.
ماقالادا مىنالار اتاپ كورسەتىلدى: جۇڭحۋا ۇلتى ورتاق تۇلعا تانىمىن بەرىك ورناتۋدا ءار ۇلت حالقىن بەينەت پەن زەينەتتى بىرگە وتكەرۋ، داڭقتا دا، نامىستا دا بىرگە بولۋ، تاعدىرلاس ورتاق تۇلعا ۇستانىمىن بەرىك ورناتۋعا جەتەكتەۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋدى جاڭا داۋىردەگى پارتيانىڭ ۇلت قىزمەتى مەن ۇلتتىق وڭىرلەردىڭ ءتۇرلى قىزمەتىنىڭ نەگىزگى جەلىسى ەتۋ − پارتيامىزدىڭ ”ەكىنى ۇشتاستىرۋدا“ تاباندى بولىپ، ”ەكى كەلەلى جاعدايدى“ كوزدە ۇستاپ، ەل ءىشى - سىرتىنداعى ۇلت قىزمەتىنىڭ تاجىريبە - ساباقتارىن تەرەڭ قورىتىندىلاپ، جۇڭحۋا ۇلتى ورتاق تۇلعاسىنىڭ دامۋ بەتالىسىن تەرەڭ بارلاپ، قول جەتكىزگەن كەلەلى نازاريالىق جانە امالياتتىق جەتىستىگى.
ماقالادا مىنالار اتاپ كورسەتىلدى: پارتيانىڭ 20 - قۇرىلتايىنان كەيىن بۇكىل ەلدەگى ءار ۇلت حالقى جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ جاڭا جورىعىنا قادام تاستادى، پارتيانىڭ ۇلت قىزمەتى جاڭا جاعداي مەن مىندەتكە ءدوپ كەلدى. جاپپاي سوتسياليستىك وسىزاماندانعان قۇدىرەتتى ەل قۇرۋدا بىردە - ءبىر ۇلتتىڭ قاعىس قالۋىنا بولمايدى. پارتيا 20 - قۇرىلتايىنىڭ ورنالاستىرۋىن جاپپاي دايەكتىلەندىرىپ، پارتيانىڭ ۇلت قىزمەتىنىڭ جاڭا كەزەڭدىك ەرەكشەلىگىن دۇرىس يگەرىپ، تاماشا جاعدايدى بەكەمدەپ، پارتيانىڭ ۇلت قىزمەتىن ۇزدىكسىز كۇشەيتىپ جانە جاقسارتىپ، ۇلتتار ىنتىماعى، العاباسارلىعى ىستەرىن تىڭعىلىقتى ىلگەرىلەتۋ كەرەك.
ماقالادا مىنالار اتاپ كورسەتىلدى: جۇڭحۋا ۇلتىنىڭ ۇزاق تاريحىن تياناق ەتىپ، جۇڭحۋا ۇلتى ورتاق تۇلعاسى نازاريالىق جۇيەسى قۇرىلىسىن كۇشەيتۋ كەرەك. جۇڭحۋا ۇلتىنىڭ وزىندىك ەرەكشە تاريحى بار، جۇڭحۋا ۇلتىنىڭ تاريحىنا تالداۋ جاساعاندا، باتىستىڭ ۇلت نازارياسىن قولدانۋعا بولمايدى. ءسوز جوق، جۇڭحۋا ۇلتىنىڭ ۇزاق تاريحىن تياناق ەتىپ، ماركسيزمدىك ۇلت نازارياسىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرىپ، جۇڭحۋا ۇلتى دامۋىنىڭ تاريحي لوگيكاسىنا، نازاريالىق لوگيكاسىنا بويسۇنىپ، جۇڭحۋا ۇلتىنىڭ قالىپتاسۋى مەن دامۋىنىڭ قاعيداسىن، عىلمي قاعيداسىن، فيلوسوفيالىق قاعيداسىن عىلمي اشىپ كورسەتۋ كەرەك. ۇلت ماسەلەسىن شەشۋدىڭ جۇڭگوشا دۇرىس جولىندا باستان - اياق تاباندى بولىپ، پارتيانىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسى ارقىلى جۇڭحۋا ۇلتى ورتاق تۇلعاسى نازاريالىق جۇيەسى قۇرىلىسىنا ءبىر تۇتاس باسشىلىق ەتۋ جانە جەتەكشىلىك ەتۋ كەرەك.
ماقالادا مىنالار اتاپ كورسەتىلدى: جۇڭحۋا ۇلتىنىڭ وسى زامانعى وركەنيەتىن قۇرۋدى كوزدە ۇستاپ، جۇڭحۋا ۇلتىنىڭ ورتاق رۋحاني مەكەنىن ۇزدىكسىز قۇرۋ كەرەك. جۇڭحۋا ۇلتىنىڭ وسى زامانعى وركەنيەتىن قۇرۋ − ءبىز سياقتى 5 مىڭ جىلدان استام وركەنيەت تاريحىنا يە مەملەكەتتىڭ ايبىندى ارەكەتى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا بولۋعا ءتيىستى مازمۇن. ءسوز جوق، جۇڭحۋا ۇلتىنىڭ تاريحتان بولاشاققا بەت الۋ، داستۇردەن وسىزاماندانۋعا بەت الۋ، كوپ نەگىزدەن ءبىر تۇلعالانۋ سىندى دامۋ جالپى بەتالىسىنا سايكەسىپ، جۇڭحۋا وركەنيەتىنىڭ كورنەكتى ەرەكشەلىگىن تەرەڭ ءتۇسىنىپ، يگەرىپ، جاڭا تاريحي باستامادا جۇڭحۋا ۇلتىنىڭ ورتاق رۋحاني مەكەنىن ۇزدىكسىز قۇرىپ، جۇڭحۋا ۇلتى ورتاق تۇلعا تانىمىن بەرىك ورناتۋعا بەرىك رۋحاني جانە مادەنيەت نەگىزىن قالاۋ كەرەك.
ماقالادا مىنالار اتاپ كورسەتىلدى: ۇلتتاردىڭ كەڭ كولەمدە ارالاسۋىن، ىشتەسۋىن، توعىسۋىن جەبەپ، جۇڭحۋا ۇلتىنىڭ ۇلى ىنتىماعى ارقىلى جۇڭگو ۇلگىسىندەگى وسىزامانداندىرۋدى جەبەۋ كەرەك. جۇڭحۋا ۇلتى ۇلتتاردىڭ ارالاسۋى، ىشتەسۋى، توعىسۋى بارىسىندا سومدالادى، جۇڭحۋا ۇلتىنىڭ ۇلى گۇلدەنۋى دە ۇلتتاردىڭ ارالاسۋى، ىشتەسۋى، توعىسۋى بارىسىندا جۇزەگە اسادى. جۇڭحۋا ۇلتىنىڭ ۇلى ىنتىماعى − جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ العى شارتى جانە نەگىزى، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ بارىسى، ءسوز جوق، ۇلتتاردىڭ كەڭ كولەمدە ارالاسۋ، ىشتەسۋ، توعىسۋ بارىسى، ۇلتتاردىڭ ىنتىماقتاسا كۇرەس جۇرگىزۋ، بىرگە گۇلدەنىپ - كوركەيۋ، دامۋ بارىسى بولىپ تابىلادى. ءسوز جوق، جۇڭحۋا ۇلتىنىڭ ۇلى ىنتىماعى تۋىن بيىك ۇستاپ، ۇلتتاردىڭ جاپپاي سوتسياليستىك وسىزاماندانعان مەملەكەت قۇرۋ جولىندا بىرگە كۇرەس جۇرگىزۋىن ىلگەرىلەتۋدى جاڭا جورىقتاعى پارتيانىڭ ۇلت قىزمەتىنىڭ ماڭىزدى مىندەتى ەتۋ كەرەك.
ماقالادا مىنالار اتاپ كورسەتىلدى: جۇڭحۋا ۇلتى حيكاياسىن جاقسى بايانداپ، جۇڭحۋا ۇلتى ورتاق تۇلعا تانىمىن كۇش سالا ۇگىتتەۋ، تانىستىرۋ كەرەك. ۇلت قىزمەتى − جۇرت تىلەگىن ۇيىستىراتىن، كۇش - قۋات توپتايتىن قىزمەت. ءسوز جوق، ”ءتورت سەنىمدى“ بەكەمدەپ، جۇڭحۋا ۇلتىنىڭ تاريحىن، جۇڭحۋا ۇلتى ورتاق تۇلعا نازارياسىن، جاڭا داۋىردەگى پارتيانىڭ ۇلت قىزمەتىندە قول جەتكەن تاريحي جەتىستىكتەردى، جۇڭحۋا ۇلتىنىڭ دۇنيە جۇزىندەگى ءار ەل حالقىمەن قول ۇستاسا وتىرىپ ادامزاتتىڭ تاعدىرلاس ورتاق تۇلعاسىن قۇرۋداي تاماشا بولاشاعىن بارىنشا ۇگىتتەۋ كەرەك. ۇلتقا ساياتىن ۇگىتتىڭ تاراتۋ تاسىلىندە جاڭالىق اشىپ، جۇڭحۋا ۇلتى ورتاق تۇلعا حيكاياسىن ويداعىداي بايانداپ، جۇڭگو كوممۋنيستىك پارتياسىنىڭ باسشىلىعى مەن سوتسياليستىك ءتۇزىمنىڭ ەلىمىزدەگى ۇلتتاردىڭ بىرگە دامۋىنىڭ، العا باسۋىنىڭ سەنىمدى كەپىلى ەكەنىن، جۇڭحۋا ۇلتىنىڭ قۇدىرەتتى مۇراتتاستىعى مەن ۇيىسقىشتىعى بار تاعدىرلاس ورتاق تۇلعا ەكەنىن، ۇلت ماسەلەسىن شەشۋدىڭ جۇڭگوشا دۇرىس جولىنىڭ كورنەكتى ابزالدىعى ەكەنىن ايقىن ءتۇسىندىرۋ كەرەك.
ماقالادا مىنالار دارىپتەلدى: جۇڭحۋا ۇلتى ورتاق تۇلعا تانىمىن بەرىك ورناتۋ، جاڭا داۋىردەگى پارتيانىڭ ۇلت قىزمەتىنىڭ ساپالى دامۋىن ىلگەرىلەتۋ − بۇكىل پارتيانىڭ، بۇكىل ەلدەگى ءار ۇلت حالقىنىڭ ورتاق مىندەتى. ءار دارەجەلى پارتكومدار مەن ۇكىمەتتەر ۇلت ماسەلەسىن شەشۋدىڭ جۇڭگوشا دۇرىس جولىندا تاباندى بولىپ، پارتيانىڭ ۇلت قىزمەتى جونىندەگى باعىت-ساياساتتارىن مۇقيات دايەكتىلەندىرىپ، تياناقتاندىرىپ، ءوز رايوندارىنىڭ، ءوز ورىندارىنىڭ ۇلت قىزمەتىنە ساياتىن كەلەلى ماسەلەلەرىن دەر كەزىندە اقىلداسىپ شەشۋق كەرەك. ءار دارەجەلى باسشى كادرلار پارتيانىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ۇلت قىزمەتىن ويداعىداي ىستەۋ قابىلەتىن جوعارىلاتىپ، ۇلتتار ىنتىماعى، العاباسارلىعى ىستەرىن ىلگەرىلەتۋگە ءتيىستى ۇلەس قوسۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
