شي جينپيڭ مالايزيانىڭ جاڭادان تاعايىندالعان ەڭ جوعارى مەملەكەت باسشىسى يبىراھيمگە قۇتتىقتاۋ تەلەگرامماسىن جولدادى
2024.02.01 15:53 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 31 – كۇنى، بەيجيڭ. 1 - ايدىڭ 31 - كۇنى مەملەكەت ءتوراعاسى شي جينپيڭ يبىراھيم يسگانداعا تەلەگرامما جولداپ، ونىڭ مالايزيانىڭ ەڭ جوعارى مەملەكەت باسشىسى بولعانىن قۇتتىقتادى.
شي جينپيڭ مىنالاردى اتاپ كورسەتتى: جۇڭگو مەن مالايزيا − اراسىن تەڭىز ءبولىپ جاتقان دوس كورشىلەر، ەكى ەلدىڭ دوستىعى ارىدان باستاۋ الادى. 1974 - جىلى ديپلوماتيالىق قارىم - قاتىناس ورناتقاننان بەرى ەكى جاق ءوزارا قۇرمەت ەتۋدە، تەڭدىك، ءوزارا تيىمدىلىك، سەلبەسىپ تەڭ يگىلىككە كەنەلۋدە تاباندى بولىپ، ءار سالاداعى سەلبەستىكتە ماڭىزدى تابىستارعا قول جەتكىزىپ، ەكى جاقتى قارىم - قاتىناس تاماشا دامۋ جاعدايىن ساقتادى. 2023 - جىلى مەن ءانۋار زۇڭليمەن جۇڭگو - مالايزيا تاعدىرلاس ورتاق تۇلعاسىن بىرگە قۇرۋ جونىندە ماڭىزدى ورتاق تانىمعا كەلىپ، جاڭا داۋىردەگى ەكى ەل قارىم - قاتىناسىنىڭ دامۋىنا جاڭا جوبا جاسادىم. 2024 - جىل − جۇڭگو مەن مالايزيانىڭ ديپلوماتيالىق قارىم - قاتىناس ورناتقانىنىڭ 50 جىلدىعى جانە ”جۇڭگو - مالايزيا دوستىق جىلى“، مالايزيا جۇڭگو - شىعىس وڭتۇستىك ازيا ەلدەرى وداعى قارىم - قاتىناسىن سايكەستىرۋشى ەل مىندەتىن ۇستىنە الادى، جۇڭگو - مالايزيا قارىم - قاتىناسىنىڭ دامۋى جاڭا ماڭىزدى ورايعا ءدوپ كەلەدى. مەن ەڭ جوعارى باسشى يبىراھيممەن دوستىق بارىس - كەلىس جاساپ، جۇڭگو مەن مالايزيانىڭ تاعدىرلاس ورتاق تۇلعاسى قۇرىلىسىندا ۇزدىكسىز تىڭ تابىستارعا قول جەتكىزۋگە جەتەكشىلىك ەتىپ، ەكى ەل حالىقتارىنا اناعۇرلىم كوپ ىرىس - قۇت جاراتىپ، ءوڭىردىڭ گۇلدەنۋى مەن ورنىقتىلىعىنا اناعۇرلىم زور ۇلەس قوسۋدى قالايمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
