شي جينپيڭ ج ك پ ورتالىق كوميتەتى ساياسي بيۋروسىنىڭ 11 - رەتكى توپتىق ۇيرەنۋىندە بىلاي دەپ دارىپتەدى
جاڭا ساپالى وندىرگىش كۇشتەردى جەدەل دامىتىپ، ساپالى دامۋدى تىڭعىلىقتى ىلگەرىلەتۋ كەرەك
2024.02.02 16:09 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 1 – كۇنى، بەيجيڭ. ج ك پ ورتالىق كوميتەتىنىڭ ساياسي بيۋروسى 1 - ايدىڭ 31 – كۇنى تۇستەن كەيىن ساپالى دامۋدى تىڭعىلىقتى ىلگەرىلەتۋ جونىندە 11 - رەتكى توپتىق ۇيرەنۋىن وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ دارىپتەدى: ساپالى دامۋ جاڭا داۋىردەگى بۇلجىماس قاعيدا ەكەنىن ەستە بەرىك ساقتاپ، جاڭا دامۋ ۇستانىمىن جاپپاي دايەكتىلەندىرىپ، وسىزاماندانعان ەكونوميكالىق جۇيە قۇرۋدى جەدەلدەتۋ، جوعارى دەڭگەيلى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى ىلگەرىلەتۋ، جاڭا دامۋ جاعدايىن جەدەل ورناتۋ، تەرەڭ قاتپارلى رەفورما مەن جوعارى دەڭگەيلى ەسىك اشۋدى ءبىر تۇتاس ىلگەرىلەتۋ، ساپالى دامۋ مەن جوعارى دەڭگەيلى حاۋىپسىزدىكتى ءبىر تۇتاس جوسپارلاۋ سياقتى ستراتەگيالىق مىندەتتەردى ناقتاپ تياناقتاندىرىپ، ساپالى دامۋدى ىلگەرىلەتۋدىڭ تەكسەرۋ - باعالاۋ جۇيەسىن كەمەلدەندىرىپ، ساپالى دامۋدى ىلگەرىلەتۋگە بەرىك نەگىز قالاۋ كەرەك. جاڭا ساپالى وندىرگىش كۇشتەردى دامىتۋ − ساپالى دامۋدى ىلگەرىلەتۋدىڭ ىشكى تالابى جانە ماڭىزدى كۇش سالۋ ءتۇيىنى، ءسوز جوق، جاڭالىق اشۋ سىندى كەلەلى ءىستى ۇزدىكسىز ويداعىداي ىستەپ، جاڭا ساپالى وندىرگىش كۇشتەردىڭ جەدەل دامۋىن ىلگەرىلەتۋ كەرەك.
ورتالىق كوميتەت ساياسي بيۋروسىنىڭ وسى رەتكى توپتىق ۇيرەنۋىندە ورتالىق كوميتەت ساياسي بيۋروسىنداعى جولداستار وزدىگىنەن ۇيرەندى ءارى قىزمەت اسەرلەرىن اۋىستىردى، ما شيڭرۇي، حى ليفىڭ، جاڭ گوچيڭ، يۋان جياجۇن جولداستار وزدەرى باسقاراتىن سالالارمەن جانە جەرگىلىكتى ورىنداردىڭ قىزمەتىمەن ۇشتاستىرىپ ءسوز سويلەدى، ليۋ گوجۇڭ، چىن مين - ىر جولداستار جازباشا ءسوز تاپسىردى، كوپشىلىك پىكىر اۋىستىردى.
شي جينپيڭ ۇيرەنۋدى باسقارعاندا ماڭىزدى ءسوز سويلەدى. ول بىلاي دەپ اتاپ كورسەتتى: جاڭا داۋىردەن بەرى پارتيا ورتالىق كوميتەتى ءبىرسىپىرا كەلەلى شەشىمدەر مەن ورنالاستىرۋلار جاساپ، ساپالى دامۋدى ىلگەرىلەتۋ بۇكىل پارتيانىڭ، بۇكىل قوعامنىڭ ورتاق تانىمىنا جانە سانالى ارەكەتىنە، ەكونوميكالىق، قوعامدىق دامۋدىڭ نەگىزگى اۋەنىنە اينالدى. تاياۋ جىلداردان بەرى ەلىمىزدىڭ عىلىم - تەحنيكادا جاڭالىق اشۋ جەتىستىكتەرى سۇبەلى تابىستارعا قول جەتكىزىپ، جاڭالىق اشۋ ارقىلى دامۋعا دەم بەرۋدىڭ ونىمدىلىگى كۇن سايىن كورنەكتىلەندى؛ قالا مەن اۋىلدىڭ وڭىرلىك دامۋىنىڭ سايكەسىمدىلىگى، تەپە - تەڭدىگى كورنەكتى كۇشەيدى؛ رەفورما جاساپ، ەسىك اشۋ جاپپاي تەرەڭدەپ، دامۋدىڭ قوزعاۋشى كۇشى، ومىرشەڭدىك كۇشى جارىسا تاسقىندادى؛ جاسىل، تومەن كومىرتەكتى تيپكە بۇرىلىس جاساۋدىڭ ونىمدىلىگى جارىققا شىعىپ، دامۋ تاسىلىندە بۇرىلىس جاساۋ اياق الىسى تەزدەپ، ساپالى دامۋدا كورنەكتى ونىمدىلىككە قول جەتتى. سونىمەن بىرگە، ساپالى دامۋعا تۇساۋ بولاتىن فاكتورلار ءالى دە كوپتەپ ءومىر ءسۇرىپ وتىر، بۇعان ايرىقشا ءمان بەرىپ، شىنايى شەشۋ كەرەك.
شي جينپيڭ بىلاي دەپ دارىپتەدى: ساپالى دامۋ جاڭا وندىرگىش كۇش نازارياسىنىڭ جەتەكشىلىگىنە مۇقتاج، ال جاڭا ساپالى وندىرگىش كۇش اماليات بارىسىندا ساپالى دامۋعا پارمەندى قوزعاۋشى كۇش، تىرەك كۇش قالىپتاستىردى جانە ونى جانە ايگىلەدى، بۇل ءبىزدىڭ نازاريالىق جاقتان قورىتىندىلاپ، جيناقتاپ، جاڭا دامۋ امالياتىنا جەتەكشىلىك ەتۋىمىزدى قاجەت ەتەدى. جيناقتاپ ايتقاندا، جاڭا ساپالى وندىرگىش كۇش جاڭالىق اشۋدا جەتەكشىلىك رول اتقاراتىن، ەكونوميكانىڭ ءداستۇرلى ارتۋ تاسىلىنەن، وندىرگىش كۇشتەردىڭ ءداستۇرلى دامۋ جولىنان ارىلتاتىن، جوعارى عىلىم - تەحنيكا، جوعارى ونىمدىلىك، ساپالىلىق ەرەكشەلىگىنە يە، جاڭا دامۋ ۇستانىمىنا ۇيلەسەتىن وزىق وندىرگىش كۇشتەردىڭ ساپاسى. ول تەحنيكادا قامال الۋدان، ءوندىرىس فاكتورلارىن جاسامپازدىقپەن ورنالاستىرۋدان، كاسىپ سالاسىنىڭ ىشكەرىلەي تيپىن وزگەرتىپ، دارەجەسىن جوعارىلاتۋدان تۋىنداعان، ەڭبەكشىلەردىڭ، ەڭبەك ماتەريالدارىنىڭ، ەڭبەك وبيەكتىلەرىنىڭ جانە ولاردىڭ ساپالى بىرىگۋىنىڭ جوعارىلاۋىن نەگىزگى مازمۇن، جالپى فاكتورلىق ءوندىرىس ونىمدىلىگىنىڭ زور دارەجەدە جوعارىلاۋىن وزەكتى بەلگى ەتكەن، ەرەكشەلىگى − جاڭالىق جاراتۋ، تەتىگى ساپالى بولۋدا، ءمانى − وزىق وندىرگىش كۇش.
شي جينپيڭ بىلاي دەپ اتاپ كورسەتتى: عىلىم - تەحنيكادا جاڭالىق اشۋ جاڭا كاسىپ سالاسىن، جاڭا ۇلگىنى، جاڭا قوزعاۋشى كۇشتى تۋىنداتادى، ول − جاڭا ساپالى وندىرگىش كۇشتى دامىتۋدىڭ وزەكتى فاكتورى. عىلىم - تەحنيكادا جاڭالىق اشۋدى، اسىرەسە، ءتول جاسامپازدىقتى، توڭكەرىس سيپاتتى عىلىم - تەحنيكادا جاڭالىق اشۋدى، ءسوز جوق، كۇشەيتىپ، جوعارى دەڭگەيلى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى جەدەل جۇزەگە اسىرىپ، شەشۋشى، وزەكتى تەحنيكالاردان قامال الۋ شايقاسىن ويداعىداي جۇرگىزىپ، ءتول جاسامپازدىق، توڭكەرىس سيپاتتى عىلىم - تەحنيكالىق جاڭالىق اشۋ جەتىستىكتەرىنىڭ ىركەس - تىركەس جارىققا شىعۋىنا مۇمكىندىك جاساپ، جاڭا ساپالى وندىرگىش كۇشتەردى دامىتۋدىڭ جاڭا قوزعاۋشى كۇشىن جەتىلدىرۋ كەرەك.
شي جينپيڭ بىلاي دەپ دارىپتەدى: عىلىم - تەحنيكادا جاڭالىق اشۋ جەتىستىكتەرىن ناقتى كاسىپ سالاسى مەن كاسىپ تىزبەگىنە دەر كەزىندە قولدانىپ، ءداستۇرلى كاسىپ سالاسىن جاڭالاپ، دارەجەسىن جوعارىلاتىپ، جاڭادان گۇلدەنگەن كاسىپ سالاسىن جەتىلدىرىپ، زورايتىپ، بولاشاق كاسىپ سالاسىن ورنالاستىرىپ، وسىزاماندانعان كاسىپ جۇيەسىن كەمەلدەندىرۋ كەرەك. جاڭا ساپالى وندىرگىش كۇشتەردى دامىتۋدى ارقاۋ ەتىپ، كاسىپ تىزبەگىن ورنالاستىرىپ، كاسىپ تىزبەگى مەن قامداۋ تىزبەگىنىڭ سەرپىمدىلىگى مەن حاۋىپسىزدىك دەڭگەيىن جوعارىلاتىپ، كاسىپ سالاسى جۇيەسىنىڭ دەربەس، مەڭگەرىمدى، حاۋىپسىز، سەنىمدى بولۋىنا كەپىلدىك ەتۋ كەرەك. جاڭاشا ونەركاسىپتەندىرۋدى ىلگەرىلەتۋ مەن جاساۋ كاسىبىندە قۋاتتى ەل، ساپادا قۋاتتى ەل، ينتەرنەتتە قۋاتتى ەل، سيفرلى جۇڭگو جانە اۋىل شارۋاشىلىعىندا قۋاتتى ەل قۇرۋدى جەدەلدەتۋ سياقتى ستراتەگيالىق مىندەتتەردى ارقاۋ ەتىپ، عىلىم - تەحنيكادا جاڭالىق اشۋدى، كاسىپ سالاسىندا جاڭالىق اشۋدى عىلمي ورنالاستىرۋ كەرەك. سيفرلى ەكونوميكانى زور كۇشپەن دامىتىپ، سيفرلى ەكونوميكا مەن ناقتى ەكونوميكانىڭ ىشكەرىلەي توعىسۋىن جەبەپ، حالىقارالىق باسەكەلىك قۋاتقا يە سيفرلى كاسىپ سالاسى شوعىرىن قالىپتاستىرۋ كەرەك.
شي جينپيڭ بىلاي دەپ اتاپ كورسەتتى: جاسىل دامۋ − ساپالى دامۋدىڭ نەگىزى، جاڭا ساپالى وندىرگىش كۇشتىڭ ءوزى − جاسىل وندىرگىش كۇش. دامۋ تاسىلىندە جاسىل بۇرىلىس جاساۋدى، ءسوز جوق، جەدەلدەتىپ، كومىر قىشقىل گازىنىڭ شىعارىلۋىن جوعارى مانگە جەتكىزىپ، كومىر قىشقىل گازىن بەيتاراپتاندىرۋعا دەم بەرۋ كەرەك. تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ جانە امالياتتا ايگىلەپ، ەكولوگيانى الدىمەن ەسكەرۋ، جاسىل دامۋ جولىمەن بۇلجىماي ءجۇرۋ كەرەك. جاسىل عىلىم - تەحنيكادا جاڭالىق اشۋدى جانە وزىق جاسىل تەحنيكانى جالپىلاستىرۋدى، قولدانۋدى جەدەلدەتىپ، جاسىل جاساۋ كاسىبىن كۇشەيتىپ، جاسىل قىزمەت وتەۋ كاسىبىن دامىتىپ، جاسىل ەنەرگيا كاسىبىن زورايتىپ، جاسىل، تومەن كومىرتەكتى كاسىپ سالاسى مەن قامداۋ تىزبەگىن دامىتىپ، جاسىل، تومەن كومىرتەكتى اينالمالى ەكونوميكا جۇيەسىن ورناتۋ كەرەك. جاسىل، تومەن كومىرتەكتى دامۋدى قولدايتىن ەكونوميكالىق ساياسات قۇرال - سايمان ساندىعىن ۇزدىكسىز ساپالىلاندىرىپ، جاسىل فينانستىڭ جەتەكتەۋ رولىن ساۋلەلەندىرىپ، جوعارى ءونىمدى ەكولوگيالىق جاسىل كاسىپ سالاسى شوعىرىن قالىپتاستىرۋ كەرەك. سونىمەن بىرگە، تۇتاس قوعامدا جاسىل، اقاۋسىز تۇرمىس ءتاسىلىن كۇش سالا دارىپتەۋ كەرەك.
شي جينپيڭ بىلاي دەپ دارىپتەدى: وندىرىستىك قاتىناس، ءسوز جوق، وندىرگىش كۇشتىڭ دامۋ تالابىنا ۇيلەسۋى كەرەك. جاڭا ساپالى وندىرگىش كۇشتەردى دامىتۋدا، ءسوز جوق، رەفورمانى ونان ارى جاپپاي تەرەڭدەتىپ، وعان ۇيلەسەتىن جاڭاشا وندىرىستىك قاتىناستى قالىپتاستىرۋ كەرەك. ەكونوميكالىق ءتۇزىلىس، عىلىم - تەحنيكا ءتۇزىلىسى سياقتى رەفورمالاردى تەرەڭدەتىپ، جاڭا ساپالى وندىرگىش كۇشتەردىڭ دامۋىنا تۇساۋ بولاتىن بوگەتتەردى كۇش سالا اشىپ، جوعارى ولشەمدى بازار جۇيەسىن ورناتىپ، ءوندىرىس فاكتورلارىن ورنالاستىرۋ تاسىلىندە جاڭالىق اشىپ، ءتۇرلى وزىق، ساپالى ءوندىرىس فاكتورلارىنىڭ جاڭا ساپالى وندىرگىش كۇشتەردى دامىتۋعا قاراي ىركىلىسسىز اعىلۋىنا مۇمكىندىك جاساۋ كەرەك. سونىمەن بىرگە، جوعارى دەڭگەيدەگى سىرتقا ەسىك اشۋدى كەڭەيتىپ، جاڭا ساپالى وندىرگىش كۇشتەردى دامىتۋعا تاماشا حالىقارالىق ورتا ازىرلەۋ كەرەك.
شي جينپيڭ بىلاي دەپ دارىپتەدى: جاڭا ساپالى وندىرگىش كۇشتەردى دامىتۋ تالابىنا ساي، وقۋ - اعارتۋدىڭ، عىلىم - تەحنيكانىڭ، دارىندىلاردىڭ ءتيىمدى اينالىمىن ىركىلىسسىزدەندىرىپ، دارىندىلاردى باۋلۋ، ەنگىزۋ، پايدالانۋ، ۇيلەسىمدى اۋىستىرۋ قىزمەت مەحانيزمىن كەمەلدەندىرۋ كەرەك. عىلىم - تەحنيكا دامۋىنىڭ جاڭا بەتالىسىنا ساي، جوعارى مەكتەپتەردىڭ پاندەردى ورنالاستىرۋ، دارىندىلاردى تاربيەلەۋ ۇلگىسىن ساپالىلاندىرىپ، جاڭا ساپالى وندىرگىش كۇشتەردى دامىتۋ، ساپالى دامۋدى ىلگەرىلەتۋ ءۇشىن شۇعىل قاجەتتى دارىندىلاردى جەتىلدىرۋ كەرەك. فاكتورلاردىڭ كىرىس بولىسىنە قاتىناسۋ مەحانيزمىن اقاۋسىزداندىرىپ، ەڭبەك، ءبىلىم، تەحنيكا، باسقارۋ، كاپيتال جانە ساندى مالىمەت سياقتى ءوندىرىس فاكتورلارىنىڭ ومىرشەڭدىك كۇشىن تاسقىنداتىپ، ءبىلىم، تەحنيكا، دارىندىلاردىڭ بازار قۇنىن اناعۇرلىم ويداعىداي ايگىلەپ، جاڭالىق اشۋعا دەم بەرەتىن، ساتسىزدىككە كەڭشىلىك ەتەتىن تاماشا ورتا قالىپتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
