ورتالىق قازىنا جوعارى ولشەمدى ەگىنجاي قۇرىلىسىنا قوسىمشا قاراجات بەرۋ دەڭگەيىن لايىقتى جوعارىلاتادى
2024.02.02 16:36 كەلۋ قاينارى : حالىق تورابى
2023 - جىلى ەلىمىز استىق وندىرىسىنەن تاعى دا مول ءونىم الىپ، ءۇرتىس كوپ جىل بويى ارتۋدى ساقتادى. وسى ءبىرقىدىرۋ تاماشا ناتيجە مەملەكەتتىڭ قازىنالىق قارجىسىنىڭ قولداۋىنان قول ۇزە المايدى. اۋىل شارۋاشىلىعى جونىنەن العاندا، بيىل قازىنا ساياساتىنىڭ قولداۋى جاعىندا قانداي جاعىمدى جاڭالىقتار بار؟
بۇگىن تۇستەن بۇرىن مەملەكەتتىك كەڭەستىڭ اقپارات كەڭسەسى 2023 - جىلعى تۇتاس جىلدىق قازىنالىق كىرىس - شىعىس جاعدايى جونىندەگى اقپار جاريالاۋ ماجىلىسىندە بىلاي دەپ تانىستىردى: ورتالىق قازىنا مەملەكەتتىڭ استىق حاۋىپسىزدىگىن باستان - اياق قازىنانىڭ اۋىل شارۋاشىلىعىن قولداۋ ساياساتىنىڭ ەڭ ماڭىزدى ءتۇيىنى ەتىپ كەلەدى. 2023 – جىلى ساياساتتىق قامداۋ جاعىندا ورتالىقتىڭ اۋىل شارۋاشىلىعىنا قاتىستى اۋدارىپ تولەۋ ساياساتى ساپالىلاندىرىلىپ، رەتتەلدى، استىق، ماي ءوندىرىسىن قامتاماسىزداندىرۋ قارجىسى تىڭنان قۇرىلدى. سونىمەن بىرگە، قازىنالىق قارجىنىڭ نەگىزگى ارنالىق رولىن ساۋلەلەندىرىپ، 92 ميلليارد يۋان قارجى ورنالاستىرىپ، 80 ميلليون مۋ جوعارى ولشەمدى ەگىس اتىزىن جاڭادان سالۋعا جانە جاڭالاۋعا قولداۋ كورسەتىلىپ، سورتاڭ جەرلەردى جان - جاقتى پايدالانۋدى تۇيىندە سىناق ەتۋ باستالدى. 2023 - جىلى ورتالىق قازىنا تاعى باعا، قوسىمشا قاراجات، قامسىزداندىرۋ سىندى ”ءۇشتى ءبىر تۇلعالاندىرۋ“ ساياساتتىق جۇيەسىن ۇزدىكسىز كەمەلدەندىرىپ، ءبيدايدىڭ ەڭ تومەنگى ساتىپ الۋ باعاسىن جوعارىلاتىپ، ءۇش ءىرى استىق داقىلىنىڭ وزىندىك قۇنىن تولىق قامسىزداندىرۋ جانە ەگىمشىلىك كىرىسىن قامسىزداندىرۋ كولەمىن بۇكىل ەلدەگى استىق وندىرەتىن بارلىق ءىرى اۋداندارعا دەيىن كەڭەيتتى. بۇدان سىرت، قازىنانىڭ جەبەۋ رولىن ساۋلەلەندىرىپ، فينانس، قوعامدىق كاپيتالدى قارجى قوسۋعا بەلسەنە جەتەكتەدى؛ جوعارى ولشەمدى ەگىس اتىزدارىنا قارىز اقشا بەرۋدى تۇيىندە سىناق ەتۋ باستالدى.
ساياساتتى ساپالىلاندىرۋدان سىرت، 2023 - جىلى ورتالىق قازىنا استىق ءوندىرىسىنىڭ شەشۋشى تۇيىندەرىنە قاداعالاي نازار اۋدارىپ، قارجىلاي قولداۋدى كۇشەيتتى. كوكتەمگى ەگىس ءوندىرىسىنىڭ شەشۋشى كەزەڭىندە، ناقتى استىق ەگەتىن شارۋالارعا ءبىر جولدا 10 ميلليارد يۋان اۋىل شارۋاشىلىق ءوندىرىس قۇرال - جابدىقتارى قوسىمشا قاراجاتىن بەردى، جازعى استىق پەن ءبيدايدى دەرت - دەربەزدەن، زياندى جاندىكتەردەن، قۇرعاق ىستىق جەلدەن، جاپىرىلۋدان ساقتاۋ ءۇشىن، ءبىر ميلليارد 600 ميلليون يۋان ورنالاستىرىپ، ءبيداي وندىرەتىن نەگىزگى رايونداردىڭ ”ءبىردى بۇركۋ، ءۇشتىڭ الدىن الۋىن“ قولدادى؛ حىنان قاتارلى جەرلەردە “ويرانداعىش جاڭبىرىنىڭ“ جانە سولتۇستىك جۇڭگونىڭ شىعىس سولتۇستىكتەگى ءبىر ءبولىم رايونداردا تايفيڭ بورانى مەن سەل اپاتىنىڭ اسەرىنە قارسى تۇرۋ ءۇشىن، اپاتتان قۇتقارۋ قاراجاتىن تەزدەن اجىراتىپ، ءبيدايدى تەز جيىپ كەپتىرۋ جانە اپات رايوندارىنىڭ اۋىل شارۋاشىلىق ءوندىرىسىن تەزدەن قالپىنا كەلتىرۋىنە كومەكتەستى؛ كوزگى استىق ءوندىرىسىنىڭ ماڭىزدى قالىپتاسۋ كەزڭىندە 2 ميلليارد 400 ميلليون يۋان ورنالاستىرىپ، سولتۇستىكتەگى ءتۇيىندى رايونداردىڭ جۇگەرى، سويا بۇرشاقتى ”ءبىردى بۇركۋ ارقىلى كوبىن جەبەۋ“ جۇمىسىن قولداپ، كۇزگى استىقتان مول ءونىم الۋعا دەم بەردى.قازىنا مينيسترلىگى مەملەكەت قامباسى مەڭگەرمەسىنىڭ باستىعى لي شيانجۇڭ: 2024 - جىلى ورتالىق قازىنا جوعارى ولشەمدى ەگىنجاي قۇرىلىسىنا ورتالىق پەن ولكە دارەجەلى قارجى قوسۋ كومەك قاراجاتىنىڭ دەڭگەيىن لايىقتى جوعارىلاتىپ، تۇقىم شارۋاشىلىعىن گۇلدەندىرۋ ارەكەتى مەن اۋىل شارۋاشىلىق ماشينالارى جابدىقتارىنىڭ ولقىلىعىن تولىقتاۋ ارەكەتىن، سونداي - اق اۋىل شارۋاشىلىعىنا قوعامدانعان قىزمەت وتەۋدى ۇزدىكسىز قولدايدى، استىق وندىرەتىن، ساتاتىن رايوندارداعى ولكەلەر ارا ەندىك مۇددە تولەمى مەحانيزمىن ورناتۋ جونىندە ىزدەنىس جاساپ، كوپ نەگىزدى قوسىلىم مەحانيزمىن كەمەلدەندىرۋمەن بىرگە، قارجىدان پايدالانۋ مەن ساياساتتىڭ تياناقتانۋىن باقىلاۋدى كۇشەيتىپ، مەملەكەتتىڭ استىق حاۋىپسىزدىگىن اناعۇرلىم ويداعىداي قامتاماسىزداندىرادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
