ورتالىقتىڭ 2024 – جىلعى 1 – ءنومىرلى قۇجاتى جاريالاندى، اۋىل – قىستاقتى جاپپاي گۇلدەندىرۋدى ىلگەرىلەتۋدىڭ ”باعدارلاماسى“ جاريالاندى
2024.02.04 14:35 كەلۋ قاينارى : حالىق تورابى
پارتيانىڭ 18 – قۇرىلتايىنان بەرگى اۋىل شارۋاشىلىعى، اۋىل – قىستاق، شارۋالار قىزمەتىنە جەتەكشىلىك ەتۋدەگى ورتالىقتىڭ 12 – رەتكى 1 – ءنومىرلى قۇجاتىن 2 – ايدىڭ 3 – كۇنى شينحۋا اگەنتتىگى جاريالادى، قۇجاتتا اۋىل – قىستاقتى جاپپاي گۇلدەندىرۋدى پارمەندى دە ءونىمدى ىلگەرىلەتۋدىڭ ”باعدارلاماسى“ جاريالاندى.
بۇل قۇجات «ج ك پ ورتالىق كوميتەتى مەن مەملەكەتتىك كەڭەستىڭ ”مىڭ قىستاق ۇلگى كورسەتۋ، ون مىڭ قىستاقتى جونگە سالۋ“ ينجەنەرياسىنىڭ تاجىريبەسىن ۇيرەنۋ جانە قولدانۋ ارقىلى اۋىل – قىستاقتى جاپپاي گۇلدەندىرۋدى پارمەندى دە ءونىمدى ىلگەرىلەتۋ جونىندەگى پىكىر» تاقىرىبىندا بولىپ، جالپى قۇجات التى بولىمنەن قۇرالعان، مۇندا مىناداي مازمۇندار قامتىلعان: مەملەكەتتىڭ استىق حاۋىپسىزدىگىنە كەپىلدىك ەتۋ، كولەمدى تۇردە قايتا كەدەيلەسۋدىڭ تۋىلماۋىنا كەپىلدىك ەتۋ، اۋىل – قىستاقتاعى كاسىپ سالاسىنىڭ دامۋ ورەسىن جوعارىلاتۋ، اۋىل – قىستاقتى كوركەيتۋ ورەسىن جوعارىلاتۋ، اۋىل – قىستاقتى جونگە سالۋ ورەسىن جوعارىلاتۋ، پارتيانىڭ اۋىل شارۋاشىلىعى، اۋىل – قىستاق، شارۋالار قىزمەتىنە جاپپاي جەتەكشىلىك ەتۋىن كۇشەيتۋ.
قۇجاتتا مىنالار ورتاعا قويىلعان: جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوزسىز، اۋىل شارۋاشىلىعىنىڭ نەگىزىن تاباندىلىقپەن بەكەمدەپ، اۋىل – قىستاقتى جاپپاي گۇلدەندىرۋدى ىلگەرىلەتۋ كەرەك. ”مىڭ قىستاق ۇلگى كورسەتۋ، ون مىڭ قىستاقتى جونگە سالۋ ينجەنەرياسىندا“ قامتىلعان دامۋ تانىمىن، قىزمەت ءادىسىن جانە ىلگەرىلەتۋ مەحانيزمىن ۇيرەنۋ جانە قولدانۋ ارقىلى، اۋىل – قىستاقتى جاپپاي گۇلدەندىرۋدى ىلگەرىلەتۋدى جاڭا داۋىردەگى جاڭا جورىقتاعى اۋىل شارۋاشىلىعى، اۋىل – قىستاق، شارۋالار قىزمەتىنىڭ جالپى تياناعى ەتىپ، حالىقتى وزەك ەتۋ سىندى دامۋ يدەياسىندا تاباندى بولىپ، جاڭا دامۋ تانىمىن تولىق، دۇرىس، جاپپاي دايەكتىلەندىرىپ، جەر – جەردىڭ جاعدايىنا قاراي، تۇرگە ءبولىپ شارا قولدانىپ، بىرتىندەپ ىلگەرىلەتۋ، تالىقپاي ەڭبەك ەتۋ، كۇشتى شوعىرلاندىرىپ، بۇقارا سەزىنە الاتىن، قول جەتكىزە الاتىن ناقتى ىستەردى ويداعىداي ورىنداۋدى مىقتى ۇستاپ، ۇزدىكسىز شەشۋشى ىلگەرىلەۋشىلىككە، كەزەڭدىك جەتىستىكتە قول جەتكىزۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
