شينجياڭدا قازىنا تاراۋلارى اپاتان قۇتقارۋ قاراجاتىنان 5 ميلليون يۋان ورنالاستىرىپ، جەر سىلكىنىسى اپاتىنان كەيىنگى اۋىل شارۋاشىلىعى وندىرىسىنە قولداۋ كورسەتتى
2024.02.04 16:04 كەلۋ قاينارى : حالىق تورابى
انار بۇلت \ شينجياڭ گازەتىنىڭ ءتىلشىسى ران حۋ حابارلايدى. ءتىلشىنىڭ شينجياڭ ۇيعۇر اۆتونوميالى رايوندىق قازىنا مەڭگەرمەسىنەن ۇعىسۋىنشا، 2 – ايدىڭ 1 – كۇنى شينجياڭ قازىنا تاراۋلارى اۋىل شارۋاشىلىعى سالاسىندا اپاتتان ساقتانۋ، اپاتتىڭ زيانىن ازايتۋ قاراجاتىنان 5 ميلليون يۋان ءبولدى، بۇل قاراجات اقسۋ ايماعى ءۇشتۇرپان اۋدانىنداعى، قىزىلسۋ قىرعىز اۆتونوميالى وبلىسى اقشي اۋدانىنداعى جەر سىلكىنىسى اپاتىنان كەيىنگى ءوندىرىستى قالپىنا كەلتىرۋ قىزمەتىنە قولداۋ كورسەتۋگە پايدالانىلادى.
1 – ايدىڭ 23 – كۇنى، اقسۋ ايماعى ءۇشتۇرپان اۋدانىندا 7.1 بال جەر سىلكىندى، ءۇشتۇرپان اۋدانىنداعى، اقشي اۋدانىنداعى مال شارۋاشىلىعى، ەگىمشىلىك، بالىقشىلىق قاتارلى سالالاردىڭ اپاتقا ۇشىراۋ جاعدايى ءبىرشاما اۋىر بولىپ، اۋىل شارۋاشىلىعى ءوندىرىسىن قالىپتى ورىستەتۋدە بەلگىلى قيىنشىلىقتارعا ۇشىراعان.
ەكى اۋداننىڭ قىس مەزگىلىندەگى اۋىل شارۋاشىلىعى ءوندىرىسىن تارتىپپەن ورىستەتۋىنە كەپىلدىك ەتىپ، اپاتتىڭ زيانىن دەر كەزىندە قالپىنا كەلتىرۋ ءۇشىن، اۆتونوميالى رايوندىق قازىنا مەڭگەرمەسى اۆتونوميالى رايوندىق اۋىل شارۋاشىلىعى جانە اۋىل - قىستاق مەڭگەرمەسىمەن بەلسەندى بايلانىس جاساۋ، قىزمەتتى ۇشتاستىرۋ ارقىلى اۆتونوميالى رايوننىڭ 2024 – جىلعى اۋىل شارۋاشىلىعى ءوندىرىسىن دامىتۋ قاراجاتىنان 5 ميلليون يۋان قاراجات بوساتقان، بۇل قاراجات ءۇشتۇرپان اۋدانى مەن اقشي اۋدانىنىڭ اۋىل شارۋاشىلىعى قۇرىلعىلارى مەن جىلىجايلاردى جوندەۋىنە، مۇز قاتقان بالىق كولشىكتەرىن جوندەۋىنە، اپاتقا ۇشىراعان وتباسىلاردىڭ شاباق ساتىپ الۋىنا قوسىمشا قاراجات بەرۋگە، مالى ولگەن وتباسىلارعا قوسىمشا قاراجات بەرۋگە پايدالانىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
