كوپتەگەن جەرلەر ايقىن تۇراقتاندىردى! بۇل اقشا الدىن الا تاراتىلادى
2024.02.04 14:37 كەلۋ قاينارى : حالىق تورابى
كوكتەم مەرەكەسىنىڭ دەمالىسى كەلۋ قارساڭىندا، بەيجيڭ، تيانجين، شاڭحاي قاتارلى كوپتەگەن جەرلەر كوكتەم مەرەكەسىنىڭ ۇزاق دەمالىسى مەزگىلىندەگى زەينەتكەرلەردىڭ زەينەتاقىسىن الدىن الا تاراتۋ جونىندە ايقىن قۇجات شىعاردى.
2 – ايدىڭ 2 – كۇنى، بەيجيڭ قالالىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى ۇقتىرۋ جاريالادى، قوعامدىق قامسىزداندىرۋعا قاتىستى ءىشىنارا يگىلىك قاراجاتتاردى تاراتۋ ۋاقىتى كوكتەم مەرەكەسىنىڭ دەمالىسىنا تۋرا كەلگەندىكتەن، 2 – ايدىڭ 15 – كۇنى تاراتىلادى دەپ بەلگىلەنگەن قوعامدىق قامسىزداندىرۋ يگىلىك قاراجاتى 2 – ايدىڭ 8 – كۇنى الدىن الا تاراتىلادى، مۇندا كاسىپورىندارداعى جۇمىسشى – قىزمەتكەرلەردىڭ جانە قالا - اۋىل تۇرعىندارىنىڭ 2024 - جىلعى 2 – ايداعى زەينەتاقىسى، جۇمىسسىزدىقتان قامسىزداندىرۋ قاراجاتى، جۇمىس ۇستىندە جارالانۋدان قامسىزداندىرۋ قاراجاتى قامتىلادى.
قازىنا مينيسترلىگى زەينەتاقىنى دەر كەزىندە، تولىق سومادا تاراتۋعا كەپىلدىك ەتە الادى
قازىنا مينيسترلىگىنىڭ 2 – ايدىڭ 1 – كۇنى جاريالاۋىنشا، 2023 – جىلدىڭ سوڭىنا دەيىن، ەلىمىز بويىنشا كاسىپورىندارداعى جۇمىسشى – قىزمەتكەرلەردىڭ نەگىزدىك زەينەتاقى قورىنىڭ جالپى قالدىق سوماسى 6 تريلليون يۋانعا جەتكەن، زەينەتاقىنى دەر كەزىندە، تولىق سومادا تاراتۋعا كەپىلدىك ەتە الادى.
قازىنا مينيسترلىگىنىڭ مال – مۇلىكتى باسقارۋ مەڭگەرمەسىنىڭ باستىعى حوۋ جۇنميڭنىڭ ايتۋىنشا، 2024 – جىلى قازىنا مينيسترلىگى مىناداي ەكى جاقتاعى قىزمەتتى ءتۇيىندى تۇردە ويداعىداي ىستەيدى. ءبىر جاعىنان، ورتالىق قازىنادان كومەك بەرۋ تەبىنىن اناعۇرلىم ارتتىرىپ، زەينەتاقىنى ەلىمىز بويىنشا ءبىرتۇتاس ورنالاستىرۋ ءتۇزىمىن ىشكەرىلەي اتقارادى، قاتىستى تۇزىلىستەر مەن مەحانيزمدەردى كەمەلدەندىرىپ، حالىق بۇقاراسىنىڭ ”قارتايعاندا پايدالاناتىن“ قاراجاتىن ويداعىداي باسقارادى، ويداعىداي قورعايدى. ەندى ءبىر جاعىنان، قارتتاردى كۇتىمدەۋ جاعىندا قىزمەت وتەۋگە قولداۋ كورسەتۋ تەبىنىن اناعۇرلىم ارتتىرىپ، قارتتاردى قۇرىلىمداردا، الەۋمەتتىك اۋماقتاردا جانە وتباسىندا كۇتىمدەۋ تورىن كەمەلدەندىرىپ، قارتتاردى كۇتىمدەۋ ىستەرى مەن قارتتاردى كۇتىمدەۋ كاسىپ سالاسىن سايكەستى دامىتۋدى ىلگەرىلەتىپ، قارتتاردى كۇتىمدەۋ جاعىنداعى قىزمەت وتەۋدىڭ ساپاسىن جوعارىلاتىپ، ونىمدىلىگىن ارتتىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
