شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن ءوزارا كوكتەم مەرەكەسىن قۇتتىقتاۋ حاتىن جولدادى
2024.02.04 16:48 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 2 – كۇنى، بەيجيڭ. 2 - ايدىڭ 2 - كۇنى جۇڭگو - ۆيەتنام ەكى ەل حالىقتارى بىرگە قۇتتىقتايتىن ۇلۋ جىلعى كوكتەم مەرەكەسى كەلۋ قارساڭىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن ءوزارا كوكتەم مەرەكەسىن قۇتتىقتاۋ حاتىن جولدادى.
شي جينپيڭ قۇتتىقتاۋ حاتىندا جۇڭگو پارتياسى، ۇكىمەتى، حالقى اتىنان رۋان فۋجۇڭعا جانە ۆيەتنام پارتياسىنا، ۇكىمەتىنە، حالقىنا شىن ىقىلاستى كوكتەم مەرەكەسى قۇتتىقتاۋىن جانە ىزگى تىلەك جولدادى.
شي جينپيڭ مىنالاردى ءبىلدىردى: 2023 - جىل − جۇڭگو - ۆيەتنام قارىم - قاتىناسى تاريحىنداعى ءداۋىر بولگىشتىك مانگە يە ءبىر جىل. ەكى جاقتىڭ جوعارى جىكتەگىلەرىنىڭ بارىس - كەلىسى ءجيى، دۋماندى بولىپ، ساياسي ءوزارا سەنىمدىلىگى بارعان سايىن بەكەمدەلىپ، دامۋ ستراتەگياسى جەدەل ءتۇيىلىسىپ، جان - جاقتى سەلبەستىك قۋاتى كۇشەيىپ، گۋمانيتارلىق اۋىس - كۇيىسى جاندى دا جالىندى بولىپ، ءداستۇرلى دوستىعى ۋاقىت وتكەن سايىن بەكەمدەلە ءتۇستى. ەكى ەلدىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناس ورناتقانىنىڭ 15 جىلدىعىن ەسكە ءتۇسىرۋ دوستىق رايىندا، مەن ۋادە بويىنشا ۆيەتنامعا ساپارلاي بارىپ، جاڭا داۋىردەن بەرى باس شۋجي جولداسپەن 3 - رەت ءوزارا ساپاردا بولدىم. باس شۋجي جولداس ەكەۋىمىز ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن قۇرۋدى بىرگە جاريالاپ، ەكى پارتيانىڭ، ەكى ەلدىڭ قارىم - قاتىناسىن دامىتۋدىڭ جاڭا ساپارىن، جاڭا تاراۋىن اشىپ، جۇڭگو مەن ۆيەتنامنىڭ ىنتىماقتاسا سەلبەسەتىن، ۇدەرە العا تارتاتىن بەرىك ەركى مەن بەكىمىن ايگىلەدىك.
شي جينپيڭ مىنالاردى اتاپ كورسەتتى: جىلدار رەتىمەن اۋناپ، تابىستار كۇن سايىن جاڭالانۋدا. 2024 - جىلعا كوز جىبەرسەك، مەن باس شۋجي رۋان فۋجۇڭ جولداسپەن تىعىز بايلانىستى جالعاستىرىپ، ەكى جاق كوزدەگەن ەكى جاقتى قارىم - قاتىناستىڭ جاڭا ورنىن تۇراقتاندىرۋعا جەتەكشىلىك ەتىپ، ءبىر نيەتپەن سەلبەسىپ، تاباندىلىقپەن ىستەپ، ناقتى ىستەپ، ءتۇرلى ارنالارداعى، ءارقايسى جىكتەگى، ءار سالاداعى اۋىس - كۇيىستىڭ، سەلبەستىكتىڭ جوعارى دەڭگەيدەگى اينالىمىن، ساپالى دامۋىن ىلگەرىلەتىپ، ءبىرسىپىرا جاندى اماليات، ءبىرسىپىرا ناقتى ىستەر جەتىستىگى ارقىلى جۇڭگو - ۆيەتنام تاعدىرلاس ورتاق تۇلعاسىنىڭ تامىر تارتىپ تياناقتانۋىن، گۇل اشىپ، جەمىس بەرۋىن ىلگەرىلەتىپ، ەكى ەلدىڭ وسىزامانداندىرۋ ىستەرىنە تىڭ قوزعاۋشى كۇش قوسىپ، ازيا - تىنىق مۇحيت ءوڭىرىنىڭ گۇلدەنىپ - كوركەيۋىنە، دامۋىنا وڭ ەنەرگيا ازىرلەپ، ادامزاتتىڭ بەيبىتشىلىگى مەن العا باسۋ ىستەرىنە اناعۇرلىم زور ۇلەس قوسۋدى قالايمىن.
رۋان فۋجۇڭ قۇتتىقتاۋ حاتىندا مىنالاردى ءبىلدىردى: 2022 - جىلى 10 - ايدا مەن جۇڭگو كوممۋنيستىك پارتياسى 20 - قۇرىلتايى جابىلعاننان كەيىن جۇڭگودا رەسمي ساپاردا بولعاننان بەرى ۆيەتنام - جۇڭگو قارىم - قاتىناسىندا بەلسەندى دامۋ جاعدايى جارىققا شىعىپ، ماڭىزدى ىلگەرىلەۋشىلىككە قول جەتتى. 2023 - جىلى 12 - ايدا باس شۋجي شي جينپيڭ جولداستىڭ ۆيەتنامدا ءساتتى مەملەكەتتىك ساپاردا بولۋى جۇڭگو پارتياسى، مەملەكەتى جانە باس شۋجي شي جينپيڭ جولداستىڭ ۆيەتنامنىڭ سوتسياليستىك قۇرىلىس ىستەرىنە جانە ۆيەتنام - جۇڭگو قارىم - قاتىناسىنا ايرىقشا ءمان بەرگەنىن ايگىلەدى. ساپار كەزىندە، ەكى جاق ”ۆيەتنام مەن جۇڭگونىڭ دوستىعى تەرەڭ، جولداس ۇستىنە باۋىرلاس بولۋ“ رۋحىن ۇستانىپ، جان - جاقتى، ىشكەرىلەي اۋىس - كۇيىس جاساپ، «جان - جاقتى ستراتەگيالىق سەلبەستىك سەرىكتەستىك قارىم - قاتىناستى ونان ارى تەرەڭدەتۋ جانە جوعارىلاتۋ، ستراتەگيالىق مانگە يە ۆيەتنام - جۇڭگو تاعدىرلاس ورتاق تۇلعاسىن قۇرۋ جونىندەگى بىرلەسكەن مالىمدەمەسىن» جاريالاپ، ماڭىزدى تاريحي مانگە يە نەشە ونداعان سەلبەستىك قۇجاتىنا قول قويدى. وسى سۇبەلى تابىستار ەكى پارتيا، ەكى ەل قارىم - قاتىناسىنىڭ اناعۇرلىم اقاۋسىز، ناقتى، مول ءونىمدى جاڭا دامۋ كەزەڭىنە قادام تاستاۋىنا، ۇزاق ۋاقىت ورنىقتى جاقسارۋ جاعدايىن جالعاستىرۋىنا بەرىك نەگىز قالاپ، ستراتەگيالىق جەتەكشىلىك ازىرلەدى.
رۋان فۋجۇڭ مىنالاردى ءبىلدىردى: مەن باس شۋجي شي جينپيڭ جولداسپەن اۋىس - كۇيىستى، بارىس - كەلىستى جالعاستىرۋعا باستان - اياق ءمان بەرەمىن ءارى وسىلاي ىستەۋدى قالايمىن، ەكى جاقتىڭ ءارقايسى تاراۋلارىنىڭ، ءارقايسى جىكتەگىلەرىنىڭ، ءارقايسى جەرگىلىكتى ورىندارىنىڭ باس شۋجي شي جينپيڭ جولداستىڭ ۆيەتنامعا ساپارى كەزىندە ەكى جاقتىڭ جوعارى جىكتەگىلەرى كەلىسكەن ماڭىزدى ورتاق تانىمدار مەن كەلىسىمدەردى ويداعىداي دايەكتىلەندىرۋىنە، تياناقتاندىرۋىنا ۇزدىكسىز كوڭىل ءبولىپ، جەتەكشىلىك ەتەمىن. بۇل ەكى پارتيا، ەكى ەل قارىم - قاتىناسىنىڭ دامۋىنا ءتيىمدى، ەكى ەل حالىقتارىنىڭ مۇددەسىنە ۇيلەسەدى، ءوز وڭىرلەرىنىڭ جانە دۇنيە ءجۇزىنىڭ بەيبىتشىلىگىنە، ورنىقتىلىعىنا، سەلبەستىگىنە، دامۋىنا ۇلەس قوسادى. جۇڭگو كوممۋنيستىك پارتياسىنىڭ ۇزدىكسىز دامىپ زورايۋىن، جۇڭحۋا حالىق رەسپۋبليكاسىنىڭ گۇلدەنىپ - كوركەيۋىن، باۋىرلاس جۇڭگو حالقىنىڭ جاڭا جىلدا باقىتتى، امان - ەسەن بولۋىن تىلەيمىن!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
