مەملەكەتتىك دەنساۋلىق ساقتاۋ – سالاماتتىق كوميتەتى: كوكتەم مەرەكەسىنىڭ الدى – ارتىندا تىنىس جولى اۋرۋلارى ءالى دە بەلگىلى دەڭگەيدە تارالۋ كۇيىندە بولادى
2024.02.05 14:47 كەلۋ قاينارى : حالىق تورابى
مەملەكەتتىك دەنساۋلىق ساقتاۋ – سالاماتتىق كوميتەتى 2 – ايدىڭ 4 – كۇنى ساعات 15 تە اقپار جاريالاۋ ءماجىلىسىن اشىپ، ەلىمىزدە قىس مەزگىلىندەگى تىنىس جولى اۋرۋلارىنان ساقتانۋ – ەمدەۋ جانە دەنساۋلىق جايلى ەسكەرتۋ بەرۋ جاعىنداعى قاتىستى جاعدايلاردى تانىستىردى.
مەملەكەتتىك دەنساۋلىق ساقتاۋ – سالاماتتىق كوميتەتىنىڭ مالىمدەمەشىسى مي فىڭ بىلاي دەپ تانىستىردى: جۋىردان بەرى، ەلىمىزدە جاڭا تيپتى ايدارشا ۆيرۋسپەن جۇعىمدالۋ ىندەتى تومەن دەڭگەيدە تولقۋلى كۇيدە بولدى، جۇقپالى تۇماۋىمەن جانە وكپە قابىنۋى ميكوپلازماسىمەن جۇعىمدالعان ادام سانى ازايا باستادى. ەلىمىز بويىنشا 2 – دارەجەلىدەن جوعارى ەمدەۋ قۇرىلىمدارىنداعى امبۋلاتوريا ءبولىمى مەن شۇعىل اۋرۋلار ءبولىمىنىڭ تىنىس جولى اۋرۋىنا بايلانىستى دياگنوز قويۋ جانە ەمدەۋ قىزمەتى ۇزدىكسىز ورنىقتى ورەنى ساقتاعان. قازىر ءدال كوكتەم مەرەكەسىنىڭ الدىنداعى اۋىلعا قايتۋ ورلەۋى كەزەڭى بولىپ، ەل ىشىندەگى وڭتۇستىك پەن سولتۇستىك وڭىرلەر اراسىندا ءوزارا ساياحاتتاۋ ورلەۋى دە جالعاسۋدا، الىسقا قادام تاستاپ، شەكارا اتتاپ ساياحاتتايتىندار دا بار. ادامدار شوعىرىنىڭ كەڭ كولەمدى جىلجۋى مەن شوعىرلانۋى تىنىس جولى اۋرۋلارىنىڭ تارالۋىن وڭاي جەدەلدەتەدى، كوكتەم مەرەكەسىنىڭ الدى – ارتىندا تىنىس جولى اۋرۋلارى ءالى دە بەلگىلى دەڭگەيدە تارالۋ كۇيىندە بولادى.
مەملەكەتتىك دەنساۋلىق ساقتاۋ – سالاماتتىق كوميتەتى كوكتەم مەرەكەسىنىڭ الدى – ارتىنداعى اۋرۋدان ساقتانۋ – تىزگىندەۋ قىزمەتى جونىندە ارناۋلى ورنالاستىرۋ جاسادى. كەزەكشى قويۋدى كۇشەيتىپ، شۇعىل جاعدايلارعا توتەپ بەرۋ كۇيىن ساقتاپ، ەمدەۋ – دەنساۋلىق ساقتاۋ جاعىنداعى بايلىق پەن كاسىپتىك كۇشتەردى ءبىرتۇتاس جوسپارلاپ، ويداعىداي ورنالاستىرۋ قاجەت. ”120“ شۇعىل قۇتقارۋ ىركىلىسسىز لەنياسى 24 ساعات ىركىلىسسىز بولۋى، شۇعىل قۇتقارۋ بارىسىندا جوتكەپ جەتكىزۋدى ويداعىداي ىستەۋ قاجەت. (باس ستانسيا ورتالىق تەلەۆيزيا ءتىلشىسى ياڭ ياڭ، شى يىڭچۇن)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
