ورتالىق كوميتەتتىڭ اۋىل – قىستاق قىزمەتىنە باسشىلىق ەتۋ گرۋپپاسىنىڭ كەڭسەسى

ەگىستىك جەردى الباتى يەلەپ الۋ، ءبۇلدىرۋ سىندى زاڭعا قايشى ارەكەتتەرگە مۇلدە جول بەرمەۋگە، ءسوزسىز، تاباندى بولۋ كەرەك

2024.02.05 14:49 كەلۋ قاينارى : حالىق تورابى

　　ورتالىقتىڭ 2024 – جىلعى 1 – ءنومىرلى قۇجاتىندا ەگىستىك جەردىڭ مولشەرى، ساپاسى، ەكولوگيالىق ورتاسى سىندى ”ءۇشتى ءبىرتۇلعالاندىرىپ“ قورعاۋ ءتۇزىمى جۇيەسىن كەمەلدەندىرۋ باسا دارىپتەلگەن.

　　2 – ايدىڭ 4 – كۇنى، ورتالىق كوميتەتتىڭ قازىنا مەڭگەرمەسىنىڭ كۇندەلىكتى قىزمەتكە جاۋاپتى ورىنباسار مەڭگەرۋشىسى، ورتالىق كوميتەتتىڭ اۋىل – قىستاق قىزمەتىنە باسشىلىق ەتۋ گرۋپپاسى كەڭسەسىنىڭ مەڭگەرۋشىسى حان ۋىنشيۋدىڭ مەملەكەتتىك كەڭەستىڭ اقپارات كەڭسەسى وتكىزگەن اقپار جاريالاۋ ماجىلىسىندە ايتۋىنشا، مەملەكەت تەرريتورياسىنىڭ كەڭىستىگى جونىندەگى جاڭا كەزەكتى جوبادا ءبىر ميلليارد 865 ميلليون مۋ ەگىستىك جەر مەن ءبىر ميلليارد 546 ميلليون مۋ ماڭگىلىك نەگىزدىك ەگىنجايدى قورعاۋ مىندەتى ايقىن تۇراقتاندىرىلعان ءارى دارەجە بويىنشا ءبولىنىپ، جەر – جەرگە تۇسىرىلگەن. قۇجاتتا مىندەتتى تياناقتاندىرۋ جونىندە ايقىن تالاپ ورتاعا قويىلعان. ەگىستىك جەردى زاڭدى تۇردە يەلەۋدە، باستى ءتۇيىن — يەلەۋ مەن تولىقتاۋدىڭ تەڭگەرىمدىلىگىن ساقتاۋ تۇزىمىنە رەفورما جاساۋ جانە كەمەلدەندىرۋ، ”تولىقتاۋ جاعدايىنا قاراي يەلەيتىن جەردى بەلگىلەۋگە“ تاباندى بولۋ، تولىقتاعان ەگىستىك جەردىڭ ساپاسىن تەكسەرىپ وتكىزىپ الۋ ءتۇزىمىن كەمەلدەندىرۋ، كوپ يەلەپ، از تولىقتاۋدان ساقتانۋ، ساپالى جەردى يەلەپ، ساپاسىز جەرمەن تولىقتاۋدان ساقتانۋ. جىلىجايلاردى الباتى سالۋ، قارا توپىراقتى جەردى ءبۇلدىرۋ، الباتى توپىراق الۋ قاتارلىلاردى قامتىعان ەگىستىك جەردى الباتى يەلەپ الۋ، ءبۇلدىرۋ سىندى زاڭعا قايشى ارەكەتتەرگە، ءسوزسىز، مۇلدە جول بەرمەۋگە تاباندى بولىپ، باتىل جونگە سالىپ، قاتاڭ سوققى بەرىپ، زاڭعا قايشى ارەكەتتەر بايقالىسىمەن ءبىرجاقتى ەتىپ وتىرۋ كەرەك.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved