2023 – جىلى شينجياڭنىڭ ورتا ازياداعى بەس مەملەكەتكە تاۋار ەكسپورت ەتۋ مولشەرى ەلىمىز بويىنشا ءبىرىنشى ورىندا بولدى
2024.02.05 14:50 كەلۋ قاينارى : حالىق تورابى
ءۇرىمجى كەدەنىنىڭ ساناعىنا قاراعاندا، 2023 – جىلى شينجياڭ مەن ورتا ازياداعى بەس مەملەكەت اراسىنداعى تاۋار يمپورت – ەكسپورت ەتۋ سوماسى 283 ميلليارد 670 ميلليون يۋان بولىپ، سايكەس مەزگىلدەگىمەن سالىستىرعاندا %50 ارتقان، شينجياڭنىڭ سىرتقى ساۋداداعى جالپى قۇنىنىڭ %79.4 ىن ۇستاعان. مۇندا، تاۋار ەكسپورت ەتۋ سوماسى 246 ميلليارد 570 ميلليون يۋان بولىپ، ەكسپورت ەتۋ كولەمى ەلىمىز بويىنشا ءبىرىنشى ورىندا بولىپ، سايكەس مەزگىلدەگىدەن %23.2 ارتقان.
شينجياڭ ەۆروپا – ازيا ۇلى قۇرلىعىنىڭ وزەگىنە ورنالاسقان، ماڭايىنداعى سەگىز مەملەكەتپەن شەكارالاسادى، ”بەس وتكەل ارقىلى سەگىز مەملەكەتپەن تۇتاسۋ، ءبىر جول ارقىلى ەۆورپا مەن ازيانى جالعاۋ“ سىندى ەرەكشە وڭىرلىك ابزالدىلىققا يە. بىلتىر جۇڭگو شينجياڭنىڭ ءۇش ءىرى ساۋدا سەرىگى بولعان قازاقستان، قىرعىزستان، تاجىكستان ەلدەرىمەن بولعان يمپورت – ەكسپورت ساۋدا سوماسى جەكە – جەكە %70.8، %25.8، %93.4 ارتقان.
بىلتىردان بەرى، شينجياڭ وڭىرلىك ابزالدىلىقتى تياناق ەتىپ، سىرتقى ساۋدانى ورنىقتىرىپ، ساپاسىن جوعارىلاتۋدى ىلگەرىلەتۋ جانە وتكەلدىڭ ىركىلىسسىزدىگىن ساقتاۋ جاعىنداعى ءبىرقىدىرۋ شارالاردى ورتاعا قويىپ، ەكى جاقتى ساۋدانىڭ قۇرىلىمىن ۇزدىكسىز جاقسارتتى. قازىر شينجياڭدا شەكارا حالقىنىڭ ءوزارا ساۋدا جاساۋ بازارى سىندى ساۋدا رايونىنان 7 رايون شينجياڭ ۇيعۇر اۆتونوميالى رايوندىق ۇكىمەتتىڭ بەكىتۋىمەن ىسكە قوسىلدى، قازاقستانعا باعىتتالعان باقتى، قورعاس، الاتاۋ ساعاسى سىندى ءۇش وتكەلدەگى ءوزارا ساۋدا جاساۋ رايونى بازاردى قالپىنا كەلتىردى .
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
