شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن قورىتىندىلاۋ ءماجىلىسى بەيجيڭدە اشىلدى
ءماجىلىس شي جينپيڭنىڭ نەگىزگى تاقىرىپتىق تاربيەنىڭ جەتىستىكتەرىن بەكەمدەۋ، كەڭەيتۋ جونىندەگى ماڭىزدى ءسوزىن جەتكىزىپ، ءسوزدىڭ رۋحىن ۇيرەنۋ، دايەكتىلەندىرۋ جونىندە ورنالاستىرۋ جاسادى
ساي چي قورىتىندىلاۋ ماجىلىسىنە قاتىناستى ءارى ءسوز سويلەدى
2024.02.05 16:33 كەلۋ قاينارى : حالىق تورابى
«حالىق گازەتى»، 2 - ايدىڭ 4 - كۇنى، بەيجيڭ (ءتىلشى جاۋ چىڭ). شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن قورىتىندىلاۋ ءماجىلىسى 2 - ايدىڭ 4 - كۇنى بەيجيڭدە اشىلدى.
بىرنەشە كۇننىڭ الدىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ورتالىق كوميتەت ساياسي بيۋروسىنىڭ ءماجىلىسىن باسقارىپ اشىپ، نەگىزگى تاقىرىپتىق تاربيەنى قورىتىندىلاۋ بايانداماسىن جانە نەگىزگى تاقىرىپتىق تاربيەنىڭ جەتىستىكتەرىن بەكەمدەۋ، كەڭەيتۋ جونىندەگى پىكىردى قاراعان كەزدە ماڭىزدى ءسوز سويلەدى. ول مىنالاردى اتاپ كورسەتتى: نەگىزگى تاقىرىپتىق تاربيە باستالعاننان بەرى بۇكىل پارتيا ”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ“ باس تالابىمەن تىعىز بايلانىستىرىپ، نازاردى نەگىزگى تاقىرىپقا، نەگىزگى جەلىگە شوعىرلاندىرىپ، نىسانا - مىندەتتەردى ايقىنداپ، ۇيرەنۋ ارقىلى رۋحتى سومداۋدى، ۇيرەنۋ ارقىلى پاراساتتى ارتتىرۋدى، ۇيرەنۋ ارقىلى ستيلدى دۇرىستاۋدى، ۇيرەنۋ ارقىلى ىستەۋدى جەبەۋدى كورنەكتىلەندىرىپ، باستاما جىلداعى قىزمەتتى ويداعىداي ىستەۋمەن تىعىز ۇشتاستىرىپ، ساپالى دامۋعا تۇساۋ بولاتىن ماسەلەلەردى، بۇقارانىڭ شۇعىل، قيىن، الاڭداعان، ءزارۋ ماسەلەلەرىن، پارتيا قۇرىلىسىنداعى كورنەكتى ماسەلەلەردى كۇش سالا شەشىپ، مەجەلى نىساناعا جەتىپ، كورنەكتى ناتيجەگە قول جەتكىزدى.
شي جينپيڭ بىلاي دەپ دارىپتەدى: نەگىزگى تاقىرىپتىق تاربيەنىڭ جەتىستىكتەرىن بەكەمدەپ، كەڭەيتىپ، پىكىردىڭ تياناقتانۋىن ويداعىداي يگەرىپ، باياندى مەحانيزم قالىپتاستىرۋ كەرەك. نازاريامەن قارۋلانۋدى ۇزدىكسىز كۇشەيتىپ، پارتيالى كادرلاردى پارتيانىڭ جاڭالىق اشۋ نازارياسىن ۇيرەنۋدە تاباندى بولۋ ارقىلى زاڭدىلىقتى ءتۇسىنىپ، بەتالىستى ايقىنداپ، ءادىستى ۇيرەنىپ، اقىل - پاراساتتى ارتتىرىپ، وزەكتى بەكەمدەپ، نەگىزدى جەتىلدىرىپ، زەيىن - زەردەنى ۇيىستىرىپ، رۋحتى سومداپ، پارتيانىڭ ىنتىماعى مەن بىرلىگىنىڭ يدەيالىق نەگىزىن ونان ارى بەكەمدەۋگە تاربيەلەۋ، جەتەكتەۋ كەرەك. ماسەلەنى شەشۋدى ۇزدىكسىز ىلگەرىلەتىپ، رەتتەۋ - تۇزەتۋدى، جونگە سالۋدى، ەرەجە - ءتۇزىم ورناتۋدى ۇزدىكسىز ويداعىداي يگەرىپ، حالىق بۇقاراسىنا ماسەلەنى شەشۋدىڭ ءىس جۇزىندىك ونىمدىلىگىن شىنايى سەزىندىرىپ، حالىق بۇقاراسىن تابىس سەزىمىنە كەنەلتۋ كەرەك. ستيلدى ۇزدىكسىز جاقسارتىپ، ”ءتورتتى نەگىزگى ساتىعا ءتۇسىرۋدى“ تياناقتاندىرىپ، جاڭا داۋىردەگى ”فىڭچياۋ تاجىريبەسىندە“ تاباندى بولىپ جانە ونى دامىتىپ، جاڭا داۋىردەگى بۇقارالىق لۋشيانمەن ويداعىداي ءجۇرىپ، فورماشىلدىقتى، تورەشىلدىكتى تۇزەتىپ - جونگە سالىپ، فورماشىلدىقتى رەتتەپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن شىن مانىندە ويداعىداي يگەرۋ كەرەك. ناقتى ءىس ىستەۋ ستيلىن، پاك بولۋ ستيلىن، قاراپايىم بولۋ ستيلىن بارىنشا ساۋلەلەندىرىپ، وزىنە توڭكەرىس جاساۋ رۋحىن ساۋلەلەندىرىپ، بۇكىل پارتيادا شوعىرلى ءتارتىپ تاربيەسىن ويداعىداي ورىستەتۋ كەرەك. نەگىزگى ساتىنىڭ نەگىزىن ۇزدىكسىز بەكەمدەپ، پارتيا قۇرىلىسى ارقىلى نەگىزگى ساتىنى جونگە سالۋعا جەتەكشىلىك ەتۋدى ىلگەرىلەتىپ، نەگىزگى ساتى پارتيا ۇيىمىنىڭ جاۋىنگەر قامالدىق رولى مەن پارتيا مۇشەلەرىنىڭ وزىقتىق، ۇلگىلىك رولىن تولىق ساۋلەلەندىرىپ، نەگىزگى ساتىنى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك. تياناقتاندىرۋدى ۇزدىكسىز مىقتى يگەرىپ، دۇرىس ساياسي ناتيجە كوزقاراسىن بەرىك ورناتىپ، ماسەلەنى نىشان ەتۋدەن جازباي، شىندىقتى ءىس جۇزىنەن ىزدەپ، جەرگىلىكتى جاعدايعا قاراي ىستەپ، ناقتى ىستەۋگە ءمان بەرىپ، ناقتى ەڭبەك ەتىپ، ناقتى ونىمدىلىككە ۇمتىلىپ، نەگىزگى تاقىرىپتىق تاربيەنىڭ جەتىستىكتەرىن ساپالى دامۋدى ىلگەرىلەتۋدىڭ ونىمدىلىگىنە اناعۇرلىم ويداعىداي اينالدىرۋ كەرەك. ءار دارەجەلى پارتكومدار (پارتيا باسشىلىق گرۋپپالارى) نەگىزگى تاقىرىپتىق تاربيەنىڭ جەتىستىكتەرىن بەكەمدەۋدى، كەڭەيتۋدى كەلەلى ساياسي مىندەت ەتىپ، تۇلعالىق جاۋاپكەرلىكتى ارقالاپ، تياناقتاندىرۋدى قاز - قالپىندا ويداعىداي يگەرۋى كەرەك.
ءماجىلىس شي جينپيڭنىڭ ورتالىق كوميتەت ساياسي بيۋروسىنىڭ ماجىلىسىندە سويلەگەن ماڭىزدى ءسوزىن جەتكىزدى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىقتىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنە باسشىلىق ەتۋ گرۋپپاسىنىڭ باستىعى ساي چي ماجىلىسكە قاتىناستى ءارى ءسوز سويلەدى. ول مىنالاردى دارىپتەدى: باس شۋجي شي جينپيڭنىڭ ماڭىزدى ءسوزى نەگىزگى تاقىرىپتىق تاربيەدە قول جەتكەن كورنەكتى ناتيجەلەردى تولىق تۇراقتاندىرىپ، نەگىزگى تاقىرىپتىق تاربيەنىڭ جەتىستىكتەرىن بەكەمدەۋ، كەڭەيتۋ جونىندە ايقىن تالاپتار قويدى. ءبىز مۇنى تەرەڭ ءتۇسىنىپ، مۇقيات دايەكتى تياناقتاندىرۋىمىز كەرەك.
ساي چي مىنالاردى اتاپ كورسەتتى: وسى رەتكى نەگىزگى تاقىرىپتىق تاربيەنىڭ كورنەكتى ونىمدىلىككە قول جەتكىزە الۋىنداعى ءتۇبىرلى سەبەپ پارتيا ورتالىق كوميتەتىنىڭ پارمەندى باسشىلىعىنان، باس شۋجي شي جينپيڭنىڭ تىكەلەي جوسپارلاپ، تىكەلەي باسشىلىق ەتىپ، تۇتاس بارىسقا جەتەكشىلىك ەتىپ، ۇلگى كورسەتىپ جەتەكشىلىك ەتۋىنەن بولدى. باس شۋجي شي جينپيڭ نەگىزگى تاقىرىپتىق تاربيە قىزمەتى ماجىلىسىنە قاتىناستى ءارى جۇمىلدىرىپ، ورنالاستىرۋ جاسادى، ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن، ورتالىق كوميتەت ساياسي بيۋروسىنىڭ ءماجىلىسىن باسقارىپ اشىپ، قاتىستى قۇجاتتاردى قارادى، نەگىزگى تاقىرىپتىق تاربيەنى ارقاۋ ەتىپ، ورتالىق كوميتەت ساياسي بيۋروسىنىڭ توپتىق ۇيرەنۋىن جانە ارناۋلى تاقىرىپتىق دەموكراتيالىق تۇرمىس جيىنىن باسقاردى، سونداي - اق كوپ رەت ناق مايداندا تەكسەرۋ - زەرتتەۋ جۇرگىزىپ، نەگىزگى تاقىرىپتىق تاربيە جونىندە تالاپ قويىپ، ءبىرسىپىرا ماڭىزدى پايىمداۋ جاسادى، نەگىزگى تاقىرىپتىق تاربيەنىڭ ساپالى ورىستەتىلۋىنە ايقىن باعدار كورسەتىپ، ماڭىزدى تياناق ازىرلەدى.
ساي چي مىنالاردى دارىپتەدى: وسى رەتكى نەگىزگى تاقىرىپتىق تاربيە جاڭا داۋىردە پارتيا ىشىندەگى شوعىرلى تاربيەنى ورىستەتۋگە جاڭا تاجىريبەلەر توپتادى، باستىسى، مىنالاردى قامتيدى: نازاريا ۇيرەنۋدى باستان - اياق ساباقتاستىرۋدا تاباندى بولۋ، ماسەلەنى نىشان ەتۋدى كورنەكتىلەندىرۋ، وزەكتى مىندەتكە قىزمەت وتەۋ، فورماشىلدىقتان ساقتانۋ، جوعارى ارقىلى تومەنگە جەتەكشىلىك ەتۋ، ۇلگى كورسەتۋ، جەتەكشىلىك ەتۋ سياقتىلار، ويداعىداي قورىتىندىلاۋعا، ويداعىداي پايدالانۋعا نازار اۋدارۋ كەرەك.
ساي چي مىنالاردى اتاپ كورسەتتى: نەگىزگى تاقىرىپتىق تاربيەنىڭ جەتىستىكتەرىن ۇزدىكسىز بەكەمدەپ، كەڭەيتىپ، پارتيانى جاپپاي قاتاڭ جونگە سالۋدان اۋىتقىماي، پارتيانىڭ ءوزىن - ءوزى كىرشىكسىزدەندىرۋىن، ءوزىن - ءوزى كەمەلدەندىرۋىن، ءوزىن - ءوزى جاڭالاۋىن، ءوزىن ـءوزى جوعارىلاتۋىن جاپپاي ىلگەرىلەتۋ كەرەك. بۇكىل پارتيانىڭ ىنتىماعى مەن بىرلىگىنىڭ يدەيالىق نەگىزىن بەكەمدەپ، پارتيانىڭ جاسامپاز نازارياسىمەن قارۋلانۋدى تاباندىلىقپەن ويداعىداي يگەرىپ، قالىڭ پارتيا مۇشەلەرىنىڭ، كادرلاردىڭ ماركسيزمنىڭ وزگەشە قابىلەتىن شىن مانىندە يگەرۋىن ىلگەرىلەتۋ كەرەك. بۇكىل پارتيانىڭ جاسامپازدىق ومىرشەڭدىك كۇشىن تاسقىنداتىپ، بۇكىل پارتيانىڭ اقىل - پاراساتى مەن كۇش - قۋاتىن جاڭا ءداۋىردىڭ جاڭا جورىعىنداعى پارتيانىڭ وزەكتى مىندەتىنە شوعىرلاندىرۋ كەرەك. جاڭا داۋىردەگى بۇقارالىق لۋشيانمەن ويداعىداي ءجۇرىپ، ”ءتورتتى نەگىزگى ساتىعا ءتۇسىرۋ“ تاجىريبەسىنەن ويداعىداي پايدالانىپ، پارتيامىزدىڭ بۇقارامەن تىعىز بايلانىس جاسايتىن تاڭداۋلى ستيلىن ساۋلەلەندىرۋ كەرەك. پارتيا ءتارتىبىن قاتايتىپ، بۇكىل پارتيادا شوعىرلى ءتارتىپ تاربيەسىن ورىستەتىپ، قالىڭ پارتيا مۇشەلەرىنىڭ، كادرلاردىڭ تەمىردەي ءتارتىپتى سانالى تۇردە كۇندەلىكتى داعدىعا جانە ارەكەت ولشەمىنە اينالدىرۋىن ىلگەرىلەتۋ كەرەك. پارتيانى ءتۇزىم ارقىلى جونگە سالۋ، پارتيانى ەرەجە بويىنشا جونگە سالۋ دەڭگەيىن جوعارىلاتۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ۇزدىكسىز تەرەڭدەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزۋ كەرەك.
لي گانجيە ءماجىلىستى باسقاردى، لي شۋلەي، جياڭ شينجى جانە مياۋ حۋا ماجىلىسكە قاتىناستى.
ورتالىقتىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنە باسشىلىق ەتۋ گرۋپپاسىنىڭ مۇشەلەرى جانە كەڭسەدەگى جاۋاپتى جولداستار، ولكە، اۆتونوميالى رايون، توتە قاراستى قالالار مەن تەتە ولكە دارەجەلى قالالاردىڭ، شينجياڭ ءوندىرىس - قۇرىلىس بيڭتۋانىنىڭ پارتكوم ۇيىمداستىرۋ بولىمدەرىنىڭ باستىقتارى، ورتالىق پەن مەملەكەت ورگاندارىنىڭ ءارقايسى تاراۋىنداعى، حالىقتىق ۇيىمدارداعى، ورتالىق باسقاراتىن فينانس قۇرىلىمدارىنداعى، ءبىر ءبولىم كاسىپورىندار مەن جوعارى مەكتەپتەردەگى، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى جاۋاپتى جولداستار، ورتالىقتىڭ ارالاپ جەتەكشىلىك ەتۋ گرۋپپاسى مەن ولكە دارەجەلى ارالاپ جەتەكشىلىك ەتۋ گرۋپپاسىنىڭ باستىعى، باستىعىنىڭ ورىنباسارى قاتارلىلار ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى، ولكەلەردە، اۆتونوميالى رايونداردا، توتە قاراستى قالالاردا جانە شينجياڭ ءوندىرىس - قۇرىلىس بيڭتۋانىندا بولىمشە ءماجىلىس الاڭى ورنالاستىرىلدى.
شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى بىلتىر 4 - ايدا باستالىپ، جوعارىدان تومەنگە قاراي 2 توپقا ءبولىپ جۇرگىزىلدى، قازىر نەگىزىنەن اياقتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
