قوعام حاۋىپسىزدىگى مينيسترلىگىنىڭ قاتىناستى باسقارۋ مەكەمەسى كوكتەم مەزگىلىندە تاس جولداعى قاتىناس حاۋىپسىزدىگىن ارناۋلى جونگە سالۋ ارەكەتىن ورىستەتۋ جونىندە ورنالاستىرۋ جاسادى
2024.03.19 15:07 كەلۋ قاينارى : حالىق تورابى
حالىق تورابىنىڭ ءتىلشىسى لياڭ چيۋپيڭ، حاۋ پيڭ 3 – ايدىڭ 15 – كۇنى بەيجيڭنەن حابارلايدى. كوكتەم مەزگىلىندە تاس جولداعى قاتىناس حاۋىپسىزدىگىنە ساياتىن حاۋىپ – قاتەرلەردەن ساقتانۋ جانە ونى جويۋ، تاس جولداعى قاتىناس حاۋىپسىزدىگىنىڭ جاعدايىن ورنىقتىرۋ ءۇشىن، 3 – ايدىڭ 14 – كۇنى قوعام حاۋىپسىزدىگى مينيسترلىگى قاتىناستى باسقارۋ مەكەمەسى مەملەكەت بويىنشا بەينە كەسكىندى ءماجىلىس اشىپ، جەر – جەردەگى قوعام حاۋىپسىزدىگى قاتىناستى باسقارۋ تاراۋلارىن كوكتەم مەزگىلىندە تاس جولداعى قاتىناس حاۋىپسىزدىگىنىڭ جاڭا جاعدايىنا باعىتتاي وتىرىپ، كوكتەم مەزگىلىندەگى تاس جولداعى قاتىناس حاۋىپسىزدىگىن ارناۋلى جونگە سالۋ ارەكەتىن ورىستەتۋگە، ءتارتىپتى وڭاي بۇلدىرەتىن، قاتىناس شىرعالاڭىن وڭاي تۋدىراتىن قاتىناس زاڭىنا قايشى ارەكەتتەرگە قاتاڭ سوققى بەرۋگە جانە ونى جونگە سالۋعا، ادام، اۆتوموبيل، جول، كاسىپورىندار قاتارلى جاقتاردا قاتىناس حاۋىپسىزدىگىنە ساياتىن حاۋىپ – قاتەرلەردى الاستاۋعا، قاتىناس شىرعالاڭىنان كوپ ادامنىڭ قازا بولۋىنان، كوپ ادامنىڭ جارالانۋىنان قاتاڭ ساقتانىپ، بۇقارانىڭ ءجۇرىس – تۇرىسىنا تاماشا قاتىناس ورتاسىن جاراتۋعا اتتانىسقا كەلتىردى ءارى وسى جونىندە ورنالاستىرۋ جاسادى.
ۇعىسۋعا قاراعاندا، ارەكەت مەزگىلىندە، ەلىمىزدەگى قوعام حاۋىپسىزدىگى قاتىناستى باسقارۋ تاراۋلارى كوكتەم مەزگىلىندەگى تاس جولداعى قاتىناستىڭ زاڭدىلىعى مەن ەرەكشەلىگىنە نەگىزدەلە وتىرىپ، كەزەكشى قىزمەتكەرلەردى عىلىمي ورنالاستىرىپ، ءتۇيىندى ورىنداردى باسقارۋدى كورنەكتىلەندىرىپ، ساياحات اۆتوبۋستارى مەن 3 – دارەجەلىدەن جوعارعى كەزەكشى اۆتوبۋستار، حاۋىپتى حيميالىق زات، جارقىلداق – تورسىلداق، حالىقتىق وندىرىسكە قولدانىلاتىن قوپارعىش زات قاتارلىلاردى تاسىمالدايتىن ارناۋلى اۆتوموبيلدەر جانە ءىرى تيپتى جۇك اۆتوموبيلدەرى، 6 ورىندىقتىدان جوعارعى شاعىن اۆتوبۋستار، سونداي – اق، اۋىل – قىستاقتاعى ءۇش دوڭگەلەكتى ۆەلوسيپەت قاتارلى التى ءتۇرلى ءتۇيىندى اۆتوموبيلدەرگە نازاردى شوعىرلاندىرىپ، شەكتەن ارتىق ادام وتىرعىزۋ، شەكتەن ارتىق جۇك تيەۋ، شارشاعان كۇيدە اۆتوموبيل جۇرگىزۋ، اۆتوموبيلدى بەلگىلەمە بويىنشا جۇرگىزبەۋ، شۇعىل جاعدايدا پايدالاناتىن جولدى زاڭسىز يەلەپ الۋ، اراق ءىشىپ اۆتوموبيل جۇرگىزۋ جانە ماس بولىپ اۆتوموبيل جۇرگىزۋ قاتارلى زاڭعا كورنەكتى تۇردە قايشى كەلەتىن جەتى ءتۇرلى قىلمىستىق ارەكەتتى قاتاڭ انىقتاپ ءبىرجاقتى ەتىپ، تاس جولدا توساتتان تۋىلاتىن حاۋىپ – قاتەرلەردى الاستاپ، تاس جولداعى قاتىناس حاۋىپسىزدىگىنىڭ ساقتىق شەبىن بەكەمدەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
