شي جينپيڭ تەلەگرامما جولداپ پۋتيننىڭ رەسەيدىڭ زۇڭتۇڭى بولىپ قايتا سايلانعانىن قۇتتىقتادى
2024.03.19 15:50 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 18 – كۇنى، بەيجيڭ. 3 - ايدىڭ 18 - كۇنى مەملەكەت ءتوراعاسى شي جينپيڭ پۋتينگە تەلەگرامما جولداپ، ونىڭ رەسەي فەدەراتسياسىنىڭ زۇڭتۇڭى بولىپ قايتا سايلانعانىن قۇتتىقتادى.
شي جينپيڭ بىلاي دەپ اتاپ كورسەتتى: تاياۋ جىلداردان بەرى رەسەي حالقى ءبىر نيەتپەن ىنتىماقتاسىپ، سىن - سايىستى جەڭىپ، مەملەكەتتىڭ دامۋ، گۇلدەنۋ جولىندا نىق قاداممەن العا باستى. ءسىزدىڭ تاعى دا سايلانۋىڭىز رەسەي حالقىنىڭ ءسىزدى قولدايتىنىن تولىق ايگىلەدى. ءسىزدىڭ باسشىلىعىڭىزدا رەسەيدىڭ، ءسوز جوق، مەملەكەتتىڭ دامۋ قۇرىلىسىندا اناعۇرلىم زور تابىستارعا قول جەتكىزەتىنىنە سەنەمىن. جۇڭگو جاق جۇڭگو - رەسەي قارىم - قاتىناسىنىڭ دامۋىنا ايرىقشا ءمان بەرەدى، رەسەيمەن تىعىز قارىم - قاتىناستى ساقتاپ، جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ باياندى، اقاۋسىز، ورنىقتى، ىشكەرىلەي دامۋىن ىلگەرىلەتىپ، ەكى ەلدى جانە ەكى ەل حالىقتارىن باقىتقا كەنەلتۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
