قارجى قوسۋدى ورنىقتىرىپ، دامۋدى جەبەپ، سەنىمدى كۇشەيتتى
كەلەلى ينجەنەريا قۇرىلىسى تىڭعىلىقتى ىلگەرىلەتىلدى
«حالىق گازەتىنىڭ» ءتىلشىسى لي شينپيڭ
2024.03.19 15:53 كەلۋ قاينارى : حالىق تورابى
ءساتتى تۇتاستىرىلىپ، تەڭىزدەن ءوتىپ قالاعا كىردى. 3 - ايدىڭ 15 – كۇنى گۋاڭوۋ - جانجياڭ جوعارى قارقىندى تەمىر جولىنىڭ جانجياڭ شىعاناعىنداعى تەڭىز استى تۋنەلى ءساتتى تۇتاستىرىلىپ، ەل ىشىندەگى ءبىر باسىنىڭ قازۋ ارالىعى ەڭ ۇزاق تەڭىزدى كەسىپ وتەتىن جوعارى قارقىندى تەمىر جولدا قالقاندى قۇرىلعىمەن قۇرىلىس جۇرگىزۋ رەكوردىن جاراتتى. جوعارى قارقىندى تەمىر جولدا پويەز قاتىناعاننان كەيىن گۋاڭجوۋ مەن جانجياڭ قالا رايونىندا ءوزارا جەتۋ ۋاقىتى 90 مينۋتقا قىسقارادى.
بيىك قىساڭدا توسپا سالىپ، سۋ ەنەرگياسىنان شەبەرلىكپەن پايدالاندى. 3 - ايدىڭ 12 - كۇنى ماىرداڭ سۋ ەلەكتر ستانسياسىنىڭ تۇڭعىش گەنەراتور اگراگاتتارىنىڭ قارقىنىن تەزدەتۋ سىناعى تابىسپەن اياقتادى. تەڭىز دەڭگەيىنەن 3 مىڭ 300 مەتر بيىكتىكتەگى وسى سۋ ەلەكتر ستانسياسى سالىنىپ بولعاننان كەيىن جىلدىق توك تاراتۋ مولشەرى 7 ميلليارد 300 ميلليون كيلوۆات - ساعاتتان اسىپ، جىلىنا شامامەن 2 ميلليون 200 مىڭ توننا كومىر ۇنەمدەيدى.
...
باس شۋجي شي جينپيڭ بىلاي دەپ دارىپتەدى: ”ەكونوميكانىڭ قايتا ورلەۋ، جاقسارۋ جاعدايىن ۇزدىكسىز بەكەمدەپ جانە ونى كۇشەيتىپ، تۇتاس قوعامنىڭ دامۋ سەنىمىن سەرپىلتۋدە پارتيا مۇشەلەرى، كادرلار الدىمەن سەنىمدى بەكەمدەپ، شىنايى يگەرىپ، ناقتى ىستەۋى كەرەك. ارلىق ءتيىمدى ورايدى مىقتى يگەرىپ، بارلىق ءتيىمدى شارت - جاعدايدان پايدالانىپ، ءداپ باسىپ تۇراقتاندىرعاندارىن جەدەل ىستەپ، ءار جاقتىڭ كۇش - قايراتىن تاسقىنداتۋ كەرەك“. بيىلعى «ۇكىمەت قىزمەتىنەن باياندامادا» ”ۇتىمدى قارجى قوسۋدى بەلسەنە كەڭەيتۋ“، ”عىلىم - تەحنيكادا جاڭالىق اشۋ، جاڭاشا نەگىزدىك قۇرىلعى، ەنەرگيا ۇنەمدەپ، لاس شىعارۋدى ازايتۋ، كومىر قىشقىل گازىن تومەندەتۋ، حالىق تۇرمىسى سياقتى ەكونوميكالىق، قوعامدىق ءالسىز سالالارداعى ولقىلىقتاردى تولىقتاۋدى ءتۇيىندى تۇردە قولداۋ“ ورتاعا قويىلدى.
قارجى قوسۋدى ورنىقتىرىپ، دامۋدى جەبەپ، سەنىمدى كۇشەيتتى، قازىر جەر - جەردىڭ ءبىر توپ كەلەلى ينجەنەريا نىساندارى قۇرىلىسى تىڭعىلىقتى ىلگەرىلەپ، ەكونوميكانىڭ قايتا ورلەۋ جاعدايىن بەكەمدەۋگە جانە كۇشەيتۋگە باياندى قوزعاۋشى كۇش ۇستەدى.
مەملەكەتتىك ساناق مەكەمەسى 3 - ايدىڭ 18 – كۇنى جاريالاعان ساندى مالىمەتتە كورسەتىلۋىنشە، بيىل 1 – ايدان 2 - ايعا دەيىن نەگىزدىك قۇرىلعىلارعا قوسىلعان قارجى سايكەس مەزگىلدەگىدەن %6.3 ارتىپ، وتكەن جىلدىڭ تۇتاس جىلىنداعىدان 0.4 پايىز تەزدەگەن؛ جالپى 100 ميلليون يۋان جانە ودان جوعارى قارجى قوسۋ جوسپارلانعان نىساندارعا قوسىلعان قارجى سايكەس مەزگىلدەگىدەن %12.1 ارتىپ، ارتۋ قارقىنى وتكەن جىلدىڭ تۇتاس جىلىنداعىدان 2.8 پايىز جوعارىلاپ، ۇلكەن نىسانداردىڭ جەتەكتەۋ رولى كورنەكتى بولعان.
تاۋدى، تەڭىزدى كەسىپ ءوتىپ، اسپا كوپىرلەر سالىنىپ، قاتىناس قۇرىلىسىندا باتىلدىقپەن اتويشى بولدى
3 - ايدىڭ 16 - كۇنى نيڭبو - جوۋشان تەمىر جولىنىڭ فۋجيانمىن الەۋمەتتىك تەمىر جولىنىڭ ەكى قولدانىستى ۇلكەن كوپىرى رەسمي جۇمىس باستادى، بۇل نيڭبو - جوۋشان تەمىر جولىنىڭ تۇتاس جەلىدەگى ءتۇيىندى ينجەنەريالارىندا تۇگەلدەي جۇمىس باستالعانىن كورسەتەدى.
”ءبىز سالىپ جاتقان فۋجيانمىن تاس جول مەن تەمىر جولعا بىردەي پايدالانىلاتىن ۇلكەن كوپىردىڭ بولىگىنە جالپى 3 ميلليارد 300 ميلليون يۋان قارجى قوسىلادى، بيىل 450 ميلليون يۋان قارجى قوسۋ جوسپارلاندى، مىڭنان استام ادامنىڭ جۇمىستانۋىن جەبەۋدەن ءۇمىت بار“. جۇڭگو تەمىر جول قۇرىلىسى كوپىر مەكەمەسى نيڭبو - جوۋشان تەمىر جولى ءبولىمىنىڭ مەڭگەرۋشىسى ۋاڭ ديانۋەي بىلاي دەدى: نيڭبو - جوۋشان تەمىر جولى سالىنىپ بولىپ، پويەز قاتىناعاننان كەيىن، قازىر چاڭجياڭ اتىراۋى رايونىنداعى بىردەن - ءبىر تەمىر جول قاتىناماعان جوۋشان قالاسى مەملەكەتتىك تەمىر جول تورابىنا ەنگىزىلەدى.
جول تۇتاسىپ، بارلىق كاسىپ گۇلدەندى. قازىر حاربين – يچۇن جوعارى قارقىندى تەمىر جولى، چۇڭچيڭ - كۇنميڭ جوعارى قارقىندى تەمىر جولى، چىڭدۋ – داجوۋ - ۋانجوۋ جوعارى قارقىندى تەمىر جولى، چىڭدۋ - چۇڭچيڭ ورتا جەلىسى جوعارى قارقىندى تەمىر جول قۇرىلىسى ورنىقتى جۇرگىزىلۋدە؛ چىڭدى - پيڭگۋ جوعارى قارقىندى تاس جولىندا، ليچىڭ - حوجوۋ جوعارى قارقىندى تاس جولىندا، لحاسا - رىحازى جوعارى قارقىندى تاس جولىندا قۇرىلىس جۇرگىزىلۋدە؛ پيڭلۋ كانالى، شاڭحاي ياڭشان پورتى تەرەڭ سۋ پورت رايونى شياۋياڭشان سولتۇستىك جۇمىس رايونى تيەۋىش قوراپتى كەمەجاي ينجەنەرياسى تارتىپپەن ىلگەرىلەتىلىپ، مەملەكەتتىڭ جالپىلىق سترەولدى قاتىناس تورابى اناعۇرلىم كەمەلدەندى.
مۇناي، گاز ىزدەپ، جەل، كۇن ەنەرگياسىن اشتى
ەنەرگيا ينجەنەرياسىنىڭ نەگىزى نىعايدى
قۇبىر سورەسىنىڭ جالپى بيىكتىگى 338.5 مەتر، جالپى سالماعى 37 مىڭ تونناعا جەتەدى، بولات مولشەرى مەملەكەتتىك ”قۇس ۇياسى“ دەنە تاربيە الاڭىنا تايايدى... 3 - ايدىڭ 12 – كۇنى ەلىمىز دەربەس جوبالاپ جاساعان تەرەڭ سۋ قبۇىر سورەسى ”حايجي - 2“ جاسالىپ بولىپ، كوپتەگەن ازيا رەكوردىن جاڭالادى.
تانىستىرۋعا قاراعاندا، ”حايجي - 2“ تاياۋدا تەڭىزدە ورناتىلادى ەكەن، سالىنىپ بولعاننان كەيىن ەلىمىزدەگى تۇڭعىش تەرەڭ سۋلى مۇناي الابىن ەكىنشى رەت اشۋ نىسانىندا مىندەت وتەپ، 100 ميلليون توننالىق تەرەڭ سۋلى بايىرعى مۇناي الابىنىڭ تىڭ ومىرشەڭدىك كۇشكە يە بولۋىنا دەم بەرەدى ەكەن.
ەنەرگيا مولشەرى ورنىقتى بولىپ، تومەنگى شەك بەرىك ساقتالدى. مەملەكەتتىك ەلەكتر تورابى سەرىكتەستىگى تۇتاس جىلدا ەلەكتر تورابىنا قارجى قوسۋ كولەمى مەجەمەن 500 ميلليارد يۋاننان اسادى دەگەندى ورتاعا قويدى؛ جۇڭگو حۋانىڭ توبى بيىل مەجەمەن جاڭا ەنەرگيا نەگىزدىك قۇرىلىسىنا 15 ميلليارد يۋان قارجى قوساتىندارىن جاريالادى... ەنەرگيا قۇرىلىسى پارمەندى، ءتارتىپتى بولىپ، حاۋىپسىزدىك تومەنگى شەگى بەكەمدەلدى. بيىل 1 -ايدان 2 – ايعا دەيىن كۇن ەنەرگياسىنان توك شىعارۋ، جەل كۇشىمەن توك شىعارۋ سياقتى جاڭا ەنەرگيا سالاسىنداعى ءتۇيىندى سالالارعا قوسىلعان قارجى ءبىرشاما تەز ارتىپ، سايكەس مەزگىلدەگىدەن جەكە - جەكە %46.4 جانە %17.7 ارتتى.
شاعىن رايوندار جاڭالانىپ، قالالار جاڭا تۇسكە ەندى
حالىق تۇرمىسى ينجەنەرياسىندا ”جاڭا مەكەندەر“ بوي كورسەتتى
چۇڭچيڭ رۇڭچاڭ رايونىنىڭ چىشۇيحى قۇبىر تورابىن جاڭالاۋ ينجەنەرياسى جۇمىس ورنىندا قازۋ ماشيناسى مەن تازالاۋ - تاسۋ اۆتوموبيلى ارلى - بەرلى قايشالىسىپ، نىسان قۇرىلىسشىلارى ناۋا قازىپ، قۇبىر جاتقىزىپ، قالانى جاڭالاۋ، قايتا قۇرۋ قۇرىلىسىن جەدەلدەتتى.
”ينجەنەرياعا جالپى 90 ميلليون يۋاننان استام قارجى قوسىلادى، قازىر جالپى قۇرىلىس قارقىنى شامامەن %18 ورىندالدى“. جۇڭگو تەمىر جول 4 - مەكەمەسى رۇڭچاڭ رايونى چىشۇي وزەنى قۇبىر تورابىن جاڭالاۋ نىسان ءبولىمى ينجەنەريا - تەحنيكا ءبولىمىنىڭ باستىعى لياۋ شى بىلاي دەپ تانىستىردى: نىسان سالىنىپ بولعاننان كەيىن كونە قالا رايونىنداعى قۇبىر تورابى كونەرۋ، ءبۇلىنۋ، ءىشىنارا وڭىرلەردە جاۋىن سۋىنىڭ جينالۋى سياقتى ماسەلەلەر شەشىلىپ، چىشۇي وزەنىنىڭ، سىشي وزەنىنىڭ قالا رايونى بولەگىنىڭ سۋ ساپاسى شىنايى جاقسارادى.
ولقىلىقتار تولىقتانىپ، حالىق تۇرمىسىنا تيىمدىلىك جاسالدى. كونە شاعىن اۋماقتارداعى قاتەرلى، كونە ۇيلەردى جاڭالاۋ ينجەنەرياسى اتقارىلىپ، اۋدان دارەجەلى شيپاحانالاردىڭ قۇرىلعى شارت - جاعدايىن ۇزدىكسىز جاقسارتىلىپ، قالالارداعى كونەرگە جانار گاز قۇبىرى سياقتىلاردى جاڭالاۋ تىڭعىلىقتى ىلگەرىلەتىلدى... ءبىر توپ نەگىزدىك قۇرىلعىلار جەدەل تياناقتانىپ، تۇرمىستىڭ ءتىپتى دە كوركەم بولۋىنا دەم بەرىلدى.
1 - ايدان 2 – ايعا دەيىن ەلەكتر، جىلۋ ءوندىرۋ جانە قامداۋ كاسىبىنە، سۋ يگىلىگىن باسقارۋ كاسىبىنە قوسىلعان قارجى سايكەس مەزگىلدەگىدەن جەكە - جەكە %32.7 جانە %13.7 ارتتى.
مۇنارالار قاز – قاتار بوي كوتەرىپ، ماشينالار گۇرىلدەۋدە
جاڭا تەحنولوگيالار ەكونوميكانىڭ جاڭا تىرەگىنە اينالدى
”جالاڭ اۆتوكولىك جولى“”ءتورت اۆتوكولىك جولىنا“ اينالدى! 3 – ايدىڭ 8 – كۇنى جۇڭگو جىلجىمالى حابارلاسۋ توبى دەربەس زەرتتەپ جاساعان دۇنيە جۇزىندەگى تۇڭعىش G400 تولىق وپتيكالىق ولكە ارالىق تىرەكتى تور تىزبەگى ساۋدا ىستەرىنە رەسمي پايدالانىلدى. ”شىعىس، باتىس ەسەپ جۇيەسىنىڭ“ كۇرە تامىرى رەتىندە، ونىڭ جەتكىزۋ ارناسىنىڭ كەڭدىگى الدىڭعى ۇرپاق نەگىزگى جەلى تورابىنىڭ نەشە ەسەسىندەي بولادى. ”وسى رەتكى ساۋدا ىستەرىنە پايدالانۋ بەيجيڭ، حىبەي، ىشكى موڭعۇل سىندى 3 جەردىڭ تورىن تۇتاستىردى. جىل ورتاسىندا ”شىعىس، باتىس ەسەپ جۇيەسىنىڭ“ تورابى اراسىنداعى جوعارى قارقىندى بايلانىس جاپپاي جۇزەگە اسىرىلادى، − دەدى جۇڭگو جىلجىمالى حابارلاسۋىنىڭ قاتىستى جاۋاپتىسى.
نەگىز بەكەمدەلىپ، ۇزاق بولاشاققا تيىمدىلىك جاسالدى. كەلەلى ينجەنەريالاردىڭ باستالۋىنا بايلانىستى، نىساندار چەرتوجدان رەالدىققا اينالىپ، ساندى مالىمەت ورتالىعى بوي كوتەرىپ، ەلىمىزدىڭ ەسەپتەۋ قۋاتى تورابى قۇرىلىسى جەدەل ارناعا ءتۇسىپ، ەكونوميكانىڭ ساپالى دامۋىنا سيفرلى نەگىز قالادى.
”الدىمەن اتقارۋ كورسەتكىشىنەن قاراعاندا، 2 - ايدا قۇرىلىس كاسىبىنىڭ ساۋدا قيمىل كورسەتكىشى %53.5 بولىپ، ۇزدىكسىز قولدانىس جۇيەسىندە تۇرعان. جالپى جاقتان العاندا، بولاشاقتا ءونىمدى قارجى قوسۋدى كەڭەيتۋدەگى ءتۇرلى ساياساتتاردىڭ ۇزدىكسىز تياناقتانىپ، ءونىم بەرۋىنە، كەلەلى نىسانداردىڭ جەدەل سالىنۋىنا ىلەسە، قارجى قوسۋدىڭ ورنىقتى ارتۋدى ۇزدىكسىز ساقتاۋىنان ءۇمىت بار“ دەدى مەملەكەتتىك ساناق مەكەمەسى حالىق شارۋاشىلىعى جالپىلىق ساناق تارماق مەكەمەسىنىڭ باستىعى ليۋ ايحۋا.
ينجەنەريا ىسكە قوسىلىپ، جاڭالىق اشۋ قىزا ءتۇستى. دۋماندى جۇمىس ورىندارى دامۋ قۇرىلىسىنىڭ تاسقىنداعان ومىرشەڭدىك كۇشىن ايگىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
