ەكى تاراۋ ورتا، باستاۋىش مەكتەپتەر مەن بالالار باقشالارىندا جۇمىسشى – قىزمەتكەرلەردى، اماندىق قورعاۋ قىزمەتكەرلەرىن بەلگىلى مەرزىم بويىنشا ورتتەن ساقتانۋعا ساياتىن كۋرسكە قاتىناستىرۋدى ورىستەتەدى
2024.04.07 14:56 كەلۋ قاينارى : حالىق تورابى
ءتىلشىنىڭ جۋىردا وقۋ – اعارتۋ مينيسترلىگىنەن ۇعىسۋىنشا، ورتا، باستاۋىش مەكتەپتەر مەن بالالار باقشالارىنداعى ورتتەن ساقتانۋ حاۋىپسىزدىگىن باسقارۋدى كۇشەيتۋ ءۇشىن، وقۋ – اعارتۋ مينيسترلىگى مەن مەملەكەتتىك ورتتەن ساقتانۋ جانە قۇتقارۋ – كومەكتەسۋ مەڭگەرمەسى «ورتا، باستاۋىش مەكتەپتەر مەن بالالار باقشالارىنداعى ورتتەن ساقتانۋعا قاتىستى ون ءتۇرلى بەلگىلەمەنى» زەرتتەپ جاسادى. بەلگىلەمەدە ورتا، باستاۋىش مەكتەپتەر مەن بالالار باقشالارىندا جۇمىسشى – قىزمەتكەرلەردى، اماندىق قورعاۋ قىزمەتكەرلەرىن بەلگىلى مەرزىم بويىنشا ورتتەن ساقتانۋعا ساياتىن كۋرسكە قاتىناستىرۋدى ورىستەتەدى.
بەلگىلەمەدە مىنالار تالاپ ەتىلگەن: ورتا، باستاۋىش مەكتەپتەر مەن بالالار باقشالارى وقۋشىلاردىڭ، بالالاردىڭ جاسى مەن تانىم ەرەكشەلىگىنە ۇشتاستىرا وتىرىپ، وتتان پايدالانۋ، توكتەن پايدالانۋ، ءورت اپاتى جونىندە دابىل قاعۋ جانە جان ساقتاۋ – ءوزىن قۇتقارۋ جاقتارىن نەگىز ەتكەن ورتتەن ساقتانۋ حاۋىپسىزدىگى جونىندەگى ءتالىم – تاربيەنى ۇيىمداستىرىپ ورىستەتۋى، ولاردىڭ ورتتەن ساقتانۋ حاۋىپسىزدىگىنە ساياتىن قاجەتتى بىلىمدەردى يگەرۋىنە شارت – جاعداي ازىرلەۋى كەرەك. جاتاق باسقارۋشىلار ورتتەن ساقتانۋ حاۋىپسىزدىگىنە ساياتىن ارناۋلى كۋرسكە قاتىناسۋى، ءورت اپاتىنان دابىل قاعۋ، ءورت العاش كەتە باستاعان كەزدە ءوشىرۋ جانە وقۋشىلاردى، بالالاردى جان ساقتاۋعا ۇيىمداستىرۋ قابىلەتىنە، ءسوزسىز، يە بولۋى كەرەك.
سونىمەن بىرگە، بەلگىلەمەدە مىنالار ايقىندالعان: ورتا، باستاۋىش مەكتەپتەر مەن بالالار باقشالارى وقۋشىلار مەن بالالاردىڭ تانىم ەرەكشەلىگىنە جانە عيمارات ورىندارىنىڭ ناقتى جاعدايىنا باعىتتاي وتىرىپ، ءورتتى ءوشىرۋ جانە شۇعىل جاعدايدا كوشىرۋ جاعىنداعى ءىس جۇزىندىك جاعدايعا سايكەسەتىن ساقتىق جوبانى ازىرلەۋى، كۇندىزگى جانە تۇنگى جاعدايدى پارىقتاۋى، جاۋاپكەرشىلىك پەن جۇمىس ءبولىسىن، كەزەكشى ادامداردى ورنالاستىرۋدىڭ ەڭ تومەنگى سانىن جانە شۇعىل جاعدايدى ءبىرجاقتى ەتۋ ءتارتىبىن ايقىن بەلگىلەۋى كەرەك. ورتا، باستاۋىش مەكتەپتەر مەن بالالار باقشالارىنداعى ورتتەن ساقتانۋ حاۋىپسىزدىگىنە جاۋاپتى ادام نەمەسە باسقارۋشى ادام اي سايىن كەمىندە ءبىر رەت ورتتەن ساقتانۋ جاعدايى جونىندە تەكسەرۋ ورىستەتۋى، ورتتەن ساقتانۋ جاعدايىن كۇن سايىن شارلاپ تەكسەرۋگە ارناۋلى ادام ورنالاستىرۋى، تەكسەرۋ بارىسىندا بايقالعان ماسەلەلەردى دەر كەزىندە ءبىرجاقتى ەتۋى، جونگە سالۋ – وزگەرتۋ جانە ساقتانۋ شارالارىن قاتاڭ تياناقتاندىرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
