2024 – جىلى ەلىمىز تاس جولدارداعى جولاۋشى تاسىمالىندا ەلەكتروندىق بەلەتتى بۇكىلدەي جالپىلاستىرۋدى نەگىزىنەن ىسكە اسىرادى
2024.04.07 14:57 كەلۋ قاينارى : حالىق تورابى
ءتىلشىنىڭ 4 – ايدىڭ 5 – كۇنى قاتىناس – تاسىمال مينيسترلىگىنەن ۇعىسۋىنشا، ەلىمىز بيىل تۇرعىنداردىڭ ازاماتتىق كۋالىگى، پاسپورتى، شەتەلدىكتەردىڭ ماڭگىلىك قونىستانۋ ازاماتتىق كۋالىگى قاتارلى شىن اتى – جونىندەگى كۋالىكتەرمەن ينتەرنەت ارقىلى جولاۋشى تاسىمالى ەلەكتروندىق بەلەتىن ساتىپ الۋىن جالپى بەتتىك ىسكە اسىرادى.
جۋىردا قاتىناس – تاسىمال مينيسترلىگى جاريالاعان 2024 – جىلى تاس جولدارداعى جولاۋشى تاسىمالىندا ەلەكتروندىق بەلەتتى بۇكىلدەي جالپىلاستىرۋدى نەگىزىنەن ىسكە اسىرۋ قىزمەتىنىڭ جوباسىندا مىنالار اتاپ كورسەتىلگەن: بيىل 10 – ايدىڭ سوڭىنان بۇرىن، ءارقايسى ولكە دارەجەلى قاتىناس – تاسىمالدى باسقارۋ تاراۋلارى تاس جولدارداعى جولاۋشى تاسىمالىندا ەلەكتروندىق بەلەتتى قولدانۋدى نەگىزىنەن بۇكىلدەي جالپىلاستىرۋ نىساناسىن وزەك ەتە وتىرىپ، ازاماتتىق كۋالىك، پاسپورت، شەتەلدىكتەردىڭ ماڭگىلىك قونىستانۋ ازاماتتىق كۋالىگى، شياڭگاڭ – اۋمىن - تايۋان تۇرعىندارىنىڭ قونىستانۋ كۋالىگى، شياڭگاڭ – اۋمىن – تايۋان تۇرعىندارىنىڭ ىشكى ولكەگە كەلىپ – كەتۋ جولحاتى، تايۋاندىق تۇرعىنداردىڭ ۇلى قۇرلىققا كەلىپ – كەتۋ جولحاتى قاتارلى شىن اتى – جونىندەگى كۋالىكتەرمەن ينتەرنەت ارقىلى جولاۋشى تاسىمالىنىڭ ەلەكتروندىق بەلەتىن ساتىپ الۋىن بۇكىلدەي ىسكە اسىرادى. سونىمەن بىرگە، شىن اتى – ءجونى بويىنشا باسقارىلاتىن ەكىنشى دارەجەلى جانە ودان جوعارعى جولاۋشى تاسىمالى اۆتوبۋس بەكەتتەرىندە، ارنايى بەلگىلەنگەن جولاۋشى تاسىمالى جەلىلەرىندە ەلەكتروندى بەلەتتەردى جالپىلاستىرۋ مولشەرى %99 تەن اسىرىلادى، ولكە ارالىق، قالا ارالىق جول جەلىلەرىندە ەلەكتروندىق بەلەتتى جالپىلاستىرۋ مولشەرى %95 تەن اسىرىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
