ەلەكتر اقىسى تالونىنداعى كوكتەمگى ەگىستىڭ جاڭا كارتيناسى (كوكتەمگى ەگىس جۇمىسى جۇرگىزىلۋدە)
«حالىق گازەتىنىڭ» ءتىلشىسى ليۋ جۇنگو
2024.04.07 16:53 كەلۋ قاينارى : حالىق تورابى
تاڭ بوزىنان قىستاق تۇرعىنى ليۋ شىچياڭ جايشىلىقتاعىداي كۇننىڭ شۇعىلاسىن قارسى الىپ، اتىز باسىنا كەلىپ، اۋىل شارۋاشىلىق ماشينالارى قامباسىن اشىپ، كنوپكانى باسىپ، وربيتانى بەلگىلەپ، تەربەلمەلى تاياقتى قوزعادى... گۇرىلدەگەن داۋىسپەن بىرگە، شىنجىر تاباندى جەر جىرتاتىن قۇلتەمىر الىستاعى ەگىس اتىزدارىنا قاراي ”ءجۇردى“.
بۇل ارا − جىجياڭ ولكەسى نيڭبو قالاسى فىڭحۋا رايونىنداعى يانشۇي اتىزدى سيفرلاندىرۋ زەردەلى اۋىل شارۋاشىلىق ەگىمشىلىك بازاسى. 3000 مۋدان استام جوعارى ولشەمدى ەگىس اتىزى تۇتاسىپ، 150 مۋدان استام زەردەلى اينەك پارنيك قاتار – قاتار تىزىلگەن.
4 - ايدىڭ باسىندا ليۋ شىچياڭ قول تەلەفونداعى ”ينتەرنەتتەگى مەملەكەتتىك ەلەكتر تورى“ APP ىن اشىپ، وتباسى ءنومىرىن كىرگىزىپ، ايدى تاڭداپ ەدى، 3 - ايداعى ەلەكتر اقىسى ەسەپ تالونى شىعا كەلدى: ەگىمشىلىك بازاسىنىڭ 3 - ايدا پايدالانعان ەلەكتر مولشەرى 11 مىڭ كيلوۆات - ساعات بولىپ، الدىڭعى ايداعىدان زور مولشەردە ارتىپ، %122.7 كە جەتىپتى.
ەلەكتر تۇتىنۋ مولشەرى قاي جاقتان ارتتى؟
ليۋ شىچياڭ اتىزدى نۇسقاپ تۇرىپ: جەر جىرتاتىن قۇلتەمىر بەلگىلەنگەن ءتارتىپ بويىنشا جەردى اينالدىرا جىرتادى، تەگىستەيدى، ەگۋ الدىنداعى 1000 مۋ كۇرىش اتىزىمىز بار، قينالىپ كەتپەيتىن بولدىق؛ كوكتەم سامالى ءبىر شەتتەگى ءبيداي تەڭىزىن ەسىپ ءوتتى، قۇرت - قۇمىرىسقانى جويىپ جاتقان وسىمدىك قورعاۋ قۇلتەمىرى كورىنىپ تۇر. ”كوكتەمگى ەگىس باستالىسىمەن، قۇلتەمىر بوس تۇرمايدى، ەگىس جۇمىستارىن ىستەيدى، ولار مەنەن قاربالاس“ دەدى ليۋ شىچياڭ.
يانشۇي اتىزىندا قىرۋار ەلەكتر – گاز، ەلەكتروندىق جابدىقتار جۇمىس ىستەيدى. يانشۇي اتىزى سياقتى وسىزاماندانعان اۋىل شارۋاشىلىق بازالارى فىڭحۋا رايونىندا ءالى دە از ەمەس. ساناققا قاراعاندا، كوكتەمگى ەگىس دايىندىعىنان بەرى فىڭحۋا رايونىنىڭ اۋىل شارۋاشىلىعىنا پايدالانعان ەلەكتر مولشەرى 2 ميلليون 40 مىڭ كيلوۆات - ساعاتقا جەتىپ، بۇرىنعىدان زور مولشەردە ارتقان.
بىلتىر 7 - ايدا فىڭحۋا رايونى 10 مىڭ مۋلىق يانشۇي اتىزىنىڭ 1 - مەرزىمدىك ينجەنەرياسىن سالىپ، قىستاق ماڭىنداعى بىتىراندى شاعىن اتىزداردى رەتتى ۇلكەن اتىزعا اينالدىردى، ليۋ شىچياڭ دا ”جاڭاشا اۋىل - قىستاق ادامىنا“ اينالدى، قولىنداعى تەسەنىڭ ورنىن اۋىل شارۋاشىلىق ماشينالارىن الىستان مەڭگەرگىش باستى.
قازىر بازاداعى 5000 مۋعا جۋىق ەگىس اتىزىنىڭ ءونىم مولشەرى مەن ساپاسى جوعارىلادى. ”ۇدايى قاداعالاپ وتىرۋدىڭ قاجەتى جوق، ەگەر بىرەر جاعداي بولسا، قول تەلەفون ەسكەرتىپ وتىرادى“. جەر جىرتاتىن قۇلتەمىردىڭ ءساتتى جۇمىس باستاعانىن كورگەن ليۋ شىچياڭ كەڭ دە جارىق زەردەلى اينەك جىلىجايعا كىردى. جىلىجايعا تەمپەراتۋرا، ىلعالدىق سياقتى ءتۇرلى سەزگى ورناتىلعان، باقىلاۋ جۇيەسى وسى نەگىزدە داقىلداردىڭ ءوسۋ جاعدايىنا زەردەلى تالداۋ جاسايدى ءارى تەمپەراتۋرانى، ىلعالدىقتى مەڭگەرۋ سياقتى جابدىقتار ارقىلى سول ماۋسىمداعى داقىلداردىڭ وسۋىنە ۇيلەسەتىن ورتا شارت - جاعدايىن جاراتادى. ”قول تەلەفون APP ىن اشساڭىز، جىلىجايداعى كوپتەگەن كورسەتكىشتەردى تۇگەلدەي باقىلاي الاسىز، الىستان مەڭگەرە الاسىز، وتە زەردەلى“ دەدى ليۋ شىچياڭ.
ليۋ شىچياڭ بىلاي دەپ تانىستىردى: بيىل ەگىمشىلىك بازاسىندا كوپ رەت ەگىن ەگىلەدى، رايوندا قامداۋ، ءونىمدى قامتاماسىز ەتۋگە قىزمەت وتەۋ ارناۋلى توبى قۇرىلادى. ”بيىل تاعى مول ءونىم جىلى بولارىنا سەنەمىن!“ دەدى ليۋ شىچياڭ.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
