«شي جينپيڭ ەل باسقارۋ جونىندەنىڭ» يسپان تىلىندەگى باسىلىمىن وقۋ، اسەر ءبولىسۋ جينالىسى ارگەنتينادا وتكىزىلدى
2024.04.17 16:06 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 15 – كۇنى، بۋەنوس – ايرەس (تىلشىلەر شي يۋە، ۋاڭ جۇڭ – ي). «شي جينپيڭ ەل باسقارۋ جونىندەنىڭ» يسپان تىلىندەگى باسىلىمى باسپادان شىققانىنىڭ 10 جىلدىعى قارساڭىندا، «شي جينپيڭ ەل باسقارۋ جونىندەنىڭ» يسپان تىلىندەگى باسىلىمىن وقۋ، اسەر ءبولىسۋ جينالىسى 4 - ايدىڭ 15 - كۇنى ارگەنتينانىڭ استاناسى بۋەنوس - ايرەستە وتكىزىلدى.
جۇڭگونىڭ ارگەنتينادا تۇراتىن باس ەلشىسى ۋاڭ ۋەي قيمىلدا ءسوز سويلەپ بىلاي دەدى : «شي جينپيڭ ەل باسقارۋ جونىندە» جاڭا داۋىردەگى جۇڭگو باسشىلارىنىڭ ەل باسقارۋ ۇستانىمى مەن بيلىك جۇرگىزۋ جالپى جوباسىن جۇيەلى ايگىلەدى، وقىرماندار وسىدان حالىقتى وزەك ەتكەن بيلىك باسىنداعى پارتيانىڭ مەملەكەتتى قالاي دامىتىپ، دۇنيە جۇزىمەن قالاي تاتۋ - ءتاتتى ءوتىپ، حالىقتى قالاي باستاپ جۇڭگو ۇلگىسىندەگى وسىزامانداندىرۋ جولىمەن قالاي جۇرگەنىن ۇعىنا الادى، ءتىپتى دە كوپ ارگەنتينالىق دوستاردىڭ وسى كىتاپ ارقىلى جاڭا داۋىردەگى جۇڭگونى ءتۇسىنۋىن جانە ۇعىنۋىن ءۇمىت ەتەمىن.
جۇڭگو شەتەل تىلدەرى مەكەمەسى باستىعىنىڭ ورىنباسارى يۇي تاۋ ءسوز سويلەپ بىلاي دەدى: «شي جينپيڭ ەل باسقارۋ جونىندەنىڭ» يسپان تىلىندەگى باسىلىمى باسپادان شىققانىنا 10 جىل تولىپ، ارگەنتيناداعى ءار سالانىڭ جاپپاي قارسى الۋىنا بولەندى. ارگەنتينا جاقپەن كىتاپتى باسپادان شىعارۋ، اقپارات قۇرالدارىنىڭ تاراتۋى، اقىل - پاراسات قويماسى تىلدەسۋى، تاقىرىپتىق زەرتتەۋ سياقتى سالالارداعى ناقتى سەلبەستىكتى اناعۇرلىم تەرەڭدەتىپ، ەكى ەل حالىقتارىنىڭ دوستىعىن تەرەڭدەتۋگە اناعۇرلىم زور ۇلەس قوسۋدى ءۇمىت ەتەمىز.
ارگەنتينا بۋەنوس - ايرەس داشۋەسى سىرتقى ىستەر ءبولىمى باستىعىنىڭ ورىنباسارى پاتريسيو كونەحرو ورتيس شينحۋا اگەنتتىگى ءتىلشىسىنىڭ تىلشىلىگىن قابىلداعاندا بىلاي دەدى: «شي جينپيڭ ەل باسقارۋ جونىندەنىڭ» يسپانيا تىلىندەگى باسىلىمىنىڭ باسپادان شىعىپ تاراتىلۋى ارگەنتينا مەن جۇڭگونىڭ عىلىم جانە گۋمانيتارلىق اۋىس - كۇيىسى جاعىندا ماڭىزدى مانگە يە، ارگەنتينانىڭ جانە لاتىن امەريكاسىنداعى ەلدەردىڭ جاڭا داۋىردەگى جۇڭگونىڭ دامۋ بارىسىن ناقتى تۇسىنۋىنە جول ازىرلەدى.
اسەر ءبولىسۋ جينالىسىندا ارگەنتينانىڭ جۇڭگودا تۇرعان بۇرىنعى باس ەلشىلەرى نارۆاجا مەن گاتەگو، ارگەنتينا باسپا ساۋداگەرلەرى قوعامىنىڭ ءتوراعاسى حۋان مانۋەل پانپيڭ قاتارلىلار ءوز كەشىرمەلەرىمەن ۇشتاستىرىپ، «شي جينپيڭ ەل باسقارۋ جونىندەنىڭ» قاتىستى مازمۇندارىن تۇرلىشە تۇرعىدان تانىستىرىپ، كىتاپ وقۋ اسەرلەرىمەن ءبولىستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
