جاڭ فۋشىڭنىڭ پارا الۋ دەلوسى جونىندە ءبىرىنشى سوت اشىلدى!
2024.04.12 15:26 كەلۋ قاينارى : حالىق تورابى
2024 – جىلى 4 – ايدىڭ 11 – كۇنى، فۋجوۋ قالالىق ورتا دارەجەلى حالىق سوت مەكەمەسى بۇرىنعى شۇعىل جاعدايعا توتەپ بەرۋدى باسقارۋ مينيسترلىگى ءورت سوندىرۋ جانە ورتتەن ساقتانۋ، قۇتقارۋ - كومەكتەسۋ مەكەمەسىنىڭ ورىنباسار باستىعى جاڭ فۋشىڭنىڭ پارا الۋ دەلوسىن ءبىرىنشى سوتتا اشىق قارادى.
فۋجوۋ قالالىق حالىق پروكۋراتۋراسى بىلاي دەپ شاعىم ايتتى: 1997 - جىلدان 2022 - جىلعا دەيىن ايىپكەر جاڭ فۋشىڭ قوعام حاۋىپسىزدىگى مينيسترلىگى ساياسي ءبولىمى كادرلار - جاتتىعۋ مەكەمەسى ورگان كادرلارى باسقارماسىنىڭ مەڭگەرۋشى قىزمەتكەرى، ورىنباسار باسقارما باستىعى، قوعام حاۋىپسىزدىگى مينيسترلىگى ساياسي ءبولىم تەكسەرۋ - زەرتتەۋ كەڭسەسىنىڭ ورىنباسار مەڭگەرۋشىسى، قوعام حاۋىپسىزدىگى مينيسترلىگى ءورت ءسوندىرۋ جانە ورتتەن ساقتانۋ مەكەمەسى ساقشى ىستەرى باسقارماسىنىڭ باستىعى، ورىنباسار مەكەمە دارەجەلى تەكسەرىپ - زەرتتەۋشى، ورىنباسار مەكەمە باستىعى، شۇعىل جاعدايعا توتەپ بەرۋدى باسقارۋ مينيسترلىگى ءورت ءسوندىرۋ جانە ورتتەن ساقتانۋ، قۇتقارۋ ـ كومەكتەسۋ مەكەمەسى پارتكومىنىڭ مۇشەسى، ورىنباسار مەكەمە باستىعى، قوسىمشا شۇعىل جاعدايعا توتەپ بەرۋدى باسقارۋ مينيسترلىگى تاربيەلەۋ ـ جاتتىقتىرۋ مەڭگەرمەسىنىڭ باستىعى قاتارلى مىندەتتەردى وتەگەن كەزىندە قىزمەت قولايلىلىعى، سونداي ـ اق قىزمەت ۇقىعى، ورنى قالىپتاستىرعان قولايلى شارت ـ جاعدايدان پايدالانىپ قاتىستى جەكەلەردىڭ نەمەسە ورىنداردىڭ نىسانداردى كوتەرەگە الۋ، مىندەتىن ٴوسىرۋ، قىزمەت اۋىستىرۋ سياقتى ىستەرىنە كومەك كورسەتىپ، تىكەلەي نەمەسە ەرەكشە بايلانىسى بار ادامدار ارقىلى زاڭسىز مال - مۇلىك قابىلداعان، حالىق اقشاسىنا سىندىرعاندا جيىنى 38 ميلليون 930 مىڭ يۋاننان اسقان. پروكۋراتۋرا ورگاندارى پارا الۋ قىلمىسى بويىنشا جاڭ فۋشىڭنىڭ قىلمىستىق ىستەر جاۋاپكەرشىلىگىن قۋزاستىرۋدى ۇسىنىس ەتتى.
سوتتا پروكۋراتۋرا ورگاندارى قاتىستى دالەل - ىسپاتتاردى كورسەتتى، ايىپكەر جاڭ فۋشىڭ مەن ونىڭ اقتاۋشىسى فاكت كورسەتتى، شاعىم ايتۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتتى، جاڭ فۋشىڭ سوڭعى ءسوزىن ايتتى ءارى سوتتا قىلمىسىن مويىنداپ وكىنەتىندىگىن ءبىلدىردى. ەڭ سوڭىندا سوتتىڭ ءۇزىلىس جاساعاندىعىن، سوت ۇكىمىن كەيىن جاريالايتىندىعىن ءبىلدىردى.
حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن جانە قوعامداعى ءار سالادان 40 نەشە ادام سوت تەرگەۋىن سىرتتاي تىڭدادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
