نورو ۆيرۋسىمەن جۇعىمدالۋدان ساقتانۋ جانە ونى تىزگىندەۋ ءۇشىن مەكتەپتەر مەن بالالار باقشالارى، بالا باعۋ قۇرىلىمدارى مىنالارعا كوڭىل ءبولۋى كەرەك
2024.04.08 15:44 كەلۋ قاينارى : حالىق تورابى
نورو ۆيرۋسىنىڭ قارسىلىق قۋاتى كۇشتى بولۋ، جۇعىمداۋعا قاجەتتى مولشەرى از بولۋ، جۇعىمدالعان سوڭ جاسىرىن مەزگىلى قىسقا بولۋ، تارالۋ جولدارى كوپ ءتۇرلى بولۋ ەرەكشەلىكتەرى بار، مەكتەپتەر مەن بالالار باقشالارى، بالا باعۋ قۇرىلىمدارى قاتارلى ادامدار شوعىرلانعان ورىنداردا تۋىلاتىن اسقازان مەن ىشەكتىڭ شۇعىل قابىنۋى ىندەتىنىڭ اۋرۋ قاينارى سانالادى. جۋىردان بەرى نورو ۆيرۋسى ىندەتى جيى تۋىلدى، مەكتەپتەر مەن بالالار باقشالارى، بالا باعۋ قۇرىلىمدارى بۇعان ءتۇيىندى تۇردە نازار اۋدارۋى ءارى ساقتانۋ – تىزگىندەۋ شارالارىن ويداعىداي ىستەۋى كەرەك.
كۇندەلىكتى ساقتانۋ شارالارى
مەكتەپتەر جۇقپالى اۋرۋلاردان ساقتانۋدى ويداعىداي ىستەۋى، ىندەتتەن ساقتانۋ – تىزگىندەۋ زاپاس قورىن ويداعىداي دايىنداۋى كەرەك
بالالار باقشالارى، بالا باعۋ قۇرىلىمدارى جانە مەكتەپتەر وقۋشىلاردىڭ دەنساۋلىعىن باقىلاۋدى ويداعىداي ىستەۋى، تاڭەرتەڭگى (تۇسكى) تەكسەرۋدى جانە اۋرۋ سەبەبىنەن كەلە الماعانداردى تىزىمگە الۋ، سەبەبىن تەكسەرۋ قىزمەتىن قاتاڭ تياناقتاندىرۋى قاجەت. الدا – جالدا قۇسۋ، ءىشى ءوتۋ قاتارلى اۋرۋ بەلگىلەرى بار ناۋقاستار بايقالسا، دەر كەزىندە ەمدەتۋى ءارى اۋاشالاپ باسقارۋى كەرەك. ناۋقاستانعاندار ايرىقشا كوبەيگەن جاعدايدا، قاراستى ورىنداعى اۋرۋدىڭ الدىن الۋ جانە تىزگىندەۋ قۇرىلىمدارىنا، قاتىستى اكىمشىلىك تاراۋلارعا مالىمدەۋى كەرەك. بەلگىلى مولشەردە ىزبوش قاتارلى حلورلى ديزەنفەكسيالاۋ دارىلەرى مەن قايتا پايدالانۋعا بولمايتىن ماسكى، قولعاپ قاتارلى جەكەلىك ساقتىق بۇيىمدارىن زاپاس دايىنداۋى قاجەت.
اۋىز سۋ جانە ازىق – تۇلىك تازالىعىن باسقارۋدى كۇشەيتۋى كەرەك
حاۋىپسىز اۋىز سۋمەن قامداۋى، مەكتەپتەگى سۋمەن قامداۋ تورىن قورعاۋدى كۇشەيتۋى، اۋىز سۋدىڭ ساپاسىن تەكسەرۋدى ويداعىداي ىستەۋى، سۋمەن قامداۋ حاۋىپسىزدىگىنە كەپىلدىك ەتۋى كەرەك. ازىق – تۇلىك ماتەريالدارى مەن ونى مانەرلەۋ باسقىشىن باقىلاۋ – باسقارۋدى ويداعىداي ىستەۋى، شيكى ازىق – تۇلىكتەر مەن پىسقان تاماقتاردى ءبولىپ ساقتاۋعا كوڭىل ءبولۋى، تاماقتى ابدەن پىسىرۋى، تاماق جاساعان كەزدە جەمەكتىك تۋرايتىن تاقتاي، كوكونىس تۋرايتىن پىشاق قاتارلى اس ۇيدە پايدالاناتىن قۇرالداردى ارالاستىرماي پايدالانۋى كەرەك.
اسپاز، تاربيەشى قاتارلى قىزمەتكەرلەردىڭ دەنساۋلىعىن تەكسەرۋدى كۇشەيتۋى كەرەك
بالالار باقشالارى، بالا باعۋ قۇرىلىمدارى جانە مەكتەپتەر اسپاز، تاربيەشى قاتارلى قىزمەتكەرلەردىڭ دەنساۋلىق جاعدايىن باقىلاۋى، ولاردا ءىشى ءوتۋ، قۇسۋ، جۇرەگى اينۋ قاتارلى ىشەك جولى جۇقپالى اۋرۋلارىنا قاتىستى اۋرۋ بەلگىلەرى بايقالسا، قىزمەتىن دەرەۋ توقتاتۋى، دەر كەزىندە ەمدەلۋى، اۋىرىپ ءجۇرىپ جۇمىسقا شىقپاۋى كەرەك. تاماق جاساۋ جانە تاماق سالۋ بارىسىندا ماسكىنى دۇرىس تاعۋى ءارى قولدىڭ تازالىعىن ويداعىداي ىستەۋى كەرەك.
كۇندەلىكتى تازالاۋ جانە ديزەنفەكسيالاۋ قىزمەتىن مۇقيات ويداعىداي ىستەۋى، قۇسىقتى عىلىمي، جۇيەلى ءبىرجاقتى ەتۋى كەرەك
جۇقپالى اۋرۋلار تارالاتىن ماۋسىمنىڭ كەلۋىنە بايلانىستى، مەكتەپتەر مەن باقشالارداعى الەۋمەتتىك ورىنداردى (مىسالى: كلاس، جاتاق، اسحانا، كىتاپحانا، تازالىق بولمەسى قاتارلىلار) بەلگىلى مەرزىمدە تازالاپ تۇرۋ ءارى اۋا الماستىرۋ؛ ماڭىزدى ورىنداردى (مىسالى: ەسىك تۇتقاسى، باسپالداق سۇيەنىشى، سۋ شۇمەگى، دارەت شەلەگىنىڭ كنوپكاسى، ليفتتىڭ كنوپكاسى، توسەككە شىعىپ – تۇسەتىن سۇيەنىش قاتارلىلار) بەلگىلى مەرزىمدە تازالاپ وتىرۋى جانە ديزەنفەكسيالاۋى؛ دارەتحاناعا قول جۋۋ ورنىن ورنالاستىرۋى ءارى اعىندى سۋ جانە سابىن نەمەسە قول جۋۋ سۇيىقتىعىن قويۋى؛ قۇسىقتى جانە دارەتتى جۇيەلى ءبىرجاقتى ەتۋى ءارى تازالاۋ، ديزەنفەكسيالاۋ قىزمەتىن ويداعىداي ىستەۋى كەرەك.
دەنساۋلىق جاعىندا ۇگىت جانە ءتالىم – تاربيە جۇرگىزۋدى كۇشەيتۋى كەرەك
ىشەك جولى جۇقپالى اۋرۋلارىنىڭ الدىن الۋ جانە ونى تىزگىندەۋ تۋرالى ۇگىت جانە ءتالىم – تاربيە ورىستەتۋدى كۇشەيتىپ، وقۋشىلارعا، وقىتۋشى - قىزمەتكەرلەرگە سىرتتا تاماقتانعان كەزدە ازىق – تۇلىك تازالىعىنىڭ حاۋىپسىزدىگىنە كوڭىل ءبولۋدى ەسكەرتۋى؛ وقۋشىلار مەن وقىتۋشى – قىزمەتكەرلەردىڭ قول جۋۋ تانىمىن كۇشەيتۋى، قولدىڭ تازالىعىن ويداعىداي ساقتاپ، تاماشا جەكەلىك تازالىق ادەتىن قالىپتاستىرۋعا جەتەلەۋى كەرەك.
اقاۋسىز تۇرمىس ادەتىن ساقتاۋ
ۇيلەسىمدى ازىقتانۋ، سىرتتا ارەكەتتەنۋدى ارتتىرۋ، ۇيلەسىمدى ارەكەتتەنۋ، وقۋشىلار مەن وقىتۋشى – قىزمەتكەرلەردىڭ دەنساۋلىعى مەن قارسىلىق قۋاتىن كۇشەيتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
