شي جينپيڭ ۆيەتنام پارلامەنتىنىڭ ءتوراعاسى ۋاڭ تيڭحۇيمەن كەزدەستى
2024.04.09 15:35 كەلۋ قاينارى : حالىق تورابى
 |
4 - ايدىڭ 8 - كۇنى مەملەكەت ءتوراعاسى شي جينپيڭ بەيجيڭدەگى حالىق سارايىندا ۆيەتنام پارلامەنتىنىڭ ءتوراعاسى ۋاڭ تيڭحۇيمەن كەزدەستى.
سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن
|
شينحۋا اگەنتتىگى، 4 – ايدىڭ 8 – كۇنى، بەيجيڭ (ءتىلشى سۇن ي). 4 - ايدىڭ 8 - كۇنى مەملەكەت ءتوراعاسى شي جينپيڭ بەيجيڭدەگى حالىق سارايىندا ۆيەتنام پارلامەنتىنىڭ ءتوراعاسى ۋاڭ تيڭحۇيمەن كەزدەستى.
شي جينپيڭ ۋاڭ تيڭحۇيعا باس شۋجي رۋان فۋجۇڭعا دەگەن ىقىلاستى سالەمىن جەتكىزۋدى تاپسىردى. شي جينپيڭ بىلاي دەپ اتاپ كورسەتتى: بىلتىر جىل سوڭىندا ۆيەتنامدا ساپاردا بولعان كەزىمدە باس شۋجي رۋان فۋجۇڭمەن بىرگە ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن قۇرۋدى جاريالاپ، جۇڭگو – ۆيەتنام قارىم - قاتىناسىنىڭ تىڭ پاراعىن اشتىق. ەكى جاقتىڭ بىرگە قۇلشىنۋىندا، باس شۋجي رۋان فۋجۇڭ ەكەۋىمىز كەلىسكەن ورتاق تانىمدار تياناقتانۋدا. مۇراتتاس، تاعدىرلاس بولۋ − جۇڭگو – ۆيەتنام قارىم - قاتىناسىنىڭ ەڭ ايقىن ەرەكشەلىگى، ”جولداس ۇستىنە باۋىرلاس بولۋ“ − جۇڭگو - ۆيەتنام ەكى پارتيانىڭ، ەكى ەلدىڭ ءداستۇرلى دوستىعىنىڭ ەڭ جاندى بەينەسى. ەكى جاق بىرگە قۇلشىنىپ، جۇڭگو - ۆيەتنام تاعدىرلاس ورتاق تۇلعاسى قۇرىلىسىنىڭ اناعۇرلىم كوپ جەتىستىكتەرگە قول جەتكىزۋىن ىلگەرىلەتىپ، وزدەرىنىڭ وسىزامانداندىرۋ قۇرىلىسىنا قىزمەت وتەپ، ەكى ەل حالىقتارىن اناعۇرلىم ويداعىداي باقىتقا كەنەلتۋى ءارى دۇنيە ءجۇزىنىڭ سوتسياليزم ىستەرىنە اناعۇرلىم زور ۇلەس قوسۋى كەرەك.
شي جينپيڭ بىلاي دەپ دارىپتەدى: قازىر حالىقارالىق جانە وڭىرلىك جاعدايدا تەرەڭ دە كۇردەلى وزگەرىستەر تۋىلۋدا، سوتسياليستىك ءتۇزىمدى بەكەمدەۋ، مەملەكەتتىڭ ورنىقتىلىعى مەن دامۋىن قورعاۋ − جۇڭگو مەن ۆيەتنامنىڭ ورتاق مۇددەسى. ەكى جاق جوعارى دەڭگەيلى ءوزارا سەنىم ارقىلى جۇڭگو - ۆيەتنام تاعدىرلاس ورتاق تۇلعاسى تانىمىن بەرىك ورناتىپ، ساپالى سەلبەستىك ارقىلى جۇڭگو - ۆيەتنام تاعدىرلاس ورتاق تۇلعاسىنىڭ نەگىزىن بەكەمدەپ، وسكەلەڭ ساياسي اقىل - پاراسات ارقىلى جۇڭگو - ۆيەتنام تاعدىرلاس ورتاق تۇلعاسى قۇرىلىسىن ىلگەرىلەتۋى كەرەك. جۇڭگو جاق ۆيەتنام جاقپەن پارتيانى باسقارۋ، ەل باسقارۋ تاجىريبەسىندەگى اۋىس - كۇيىستى كۇشەيتىپ، جۇڭگو - ۆيەتنام ەكى جاقتى سەلبەستىگىنە جەتەكشىلىك ەتۋ كوميتەتىنىڭ ءبىر تۇتاس جوسپارلاۋ، سايكەستىرۋ رولىن ويداعىداي ساۋلەلەندىرىپ، ”ءبىر بەلدەۋ، ءبىر جولدى“ ورتاق بىرگە باستاماسىن ”ەكى ءدالىز، ءبىر شەڭبەر“ ستراتەگياسىمەن ۇشتاستىرۋدى جەدەل جەبەپ، جاستار، دوس قالا سياقتى ارنالارداعى اۋىس - كۇيىستى بايىتۋدى قالايدى. ەكى جاق زاڭ شىعارۋ قۇرىلىمدارىنىڭ ءار جىكتەگىلەردىڭ اۋىس - كۇيىسىن، سەلبەستىگىن تەرەڭدەتىپ، زاڭ شىعارۋ، باقىلاۋ تاجىريبەسى سياقتى جاقتاردان ءوزارا ۇيرەنۋدى، ءوزارا ۇلگى الۋدى كۇشەيتىپ، ەكى ەلدىڭ حالىقتار دوستىعىن كۇشەيتۋدە ماڭىزدى رول اتقارۋىن ءۇمىت ەتەمىن.
ۋاڭ تيڭحۇي باس شۋجي رۋان فۋجۇڭنىڭ باس شۋجي شي جينپيڭگە جولداعان ىقىلاستى سالەمىن جانە ىزگى تىلەگىن جەتكىزدى. ول مىنالاردى ءبىلدىردى: جولداس ۇستىنە باۋىرلاس رەتىندە، ۆيەتنام پارتياسى مەن ۇكىمەتى جۇڭگونىڭ دامۋىن، العا باسۋىن ايرىقشا القايدى، ج ك پ 18 - قۇرىلتايىنان بەرگى جۇڭگوشا سوتسياليزمدە قول جەتكىزىلگەن تاريحي تابىستارعا شىن جۇرەكتەن سۇيىنەدى. بيىلعى جۇڭگونىڭ ەكى ماجىلىسىندە جاڭا ساپالى وندىرگىش كۇشتەردى دامىتۋ سياقتى نىسانالاردى بەلگىلەۋ سوتسياليزمدە جاڭالىق اشۋ شاراسى بولىپ، ۆيەتنامعا پايدالى ۇلگى بولدى. جۇڭگونىڭ، ءسوز جوق، ۋاعىندا جاپپاي سوتسياليستىك وسىزاماندانعان قۇدىرەتتى ەل قۇرىپ، دۇنيە ءجۇزىنىڭ بەيبىتشىلىگىن، ورنىقتىلىعىن جانە دامۋىن جەبەۋگە ماڭىزدى ۇلەس قوساتىنىنا سەنەمىن. ۆيەتنام ءبىر جۇڭگو ساياساتىن باتىل اتقارادى، تايۋان − جۇڭگو تەرريتورياسىنىڭ ايرىلماس ءبىر بولىگى دەپ قارايدى، ءارقانداي فورماداعى ”تايۋاندى دەربەستەندىرۋدى“ كوزدەيتىن بولشەكتەۋ ارەكەتىنە باتىل قارسى تۇرادى، شياڭگاڭ، شينجياڭ، شيزاڭ ىستەرىنىڭ بارلىعى − جۇڭگونىڭ ىشكى ءىسى، جۇڭگو، ءسوز جوق، ۇزاق ۋاقىت ورنىقتى گۇلدەنۋدى ساقتايدى. ۆيەتنام جاق دەربەس، ءوز - وزىنە قوجا بولۋ ديپلوماتيالىق ساياساتىندا تاباندى بولىپ، جۇڭگونى ۆيەتنامنىڭ سىرتقى قارىم - قاتىناسىنداعى ماڭداي الدى ستراتەگيالىق تالعامى ەتىپ، باس شۋجي رۋان فۋجۇڭ مەن باس شۋجي شي جينپيڭ تۇراقتاندىرعان ”التىنى اناعۇرلىم جاقسارتۋ“ نىساناسى بويىنشا، جۇڭگو جاقپەن ءار جىكتەگىلەردىڭ اۋىس - كۇيىسىن، سەلبەستىگىن نىعايتىپ، جوعارى دەڭگەيدەگى ساياسي ءوزارا سەنىمدى ۇزدىكسىز بەكەمدەپ، ”ەكى ءدالىز، ءبىر شەڭبەر“ مەن ”ءبىر بەلدەۋ، ءبىر جولدى“ تۇتاستىرۋدى بەلسەنە ىلگەرىلەتەدى. ۆيەتنام پارلامەنتى جۇڭگو مەملەكەتتىك حالىق قۇرىلتايىمەن تىعىز بارىس - كەلىستى، اۋىس - كۇيىستى ساقتاپ، ەكى ەلدىڭ حالىقتار دوستىعىن بەكەمدەۋ، ستراتەگيالىق مانگە يە ۆيەتنام - جۇڭگو تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن بەلسەندى رول اتقارۋدى قالايدى.
ۋاڭ ي، ۋاڭ دۇڭميڭ كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
