مۇگەدەكتىك كۋالىگىنەن پايدالانىپ، سەرىكتەستىكتەردىڭ جەڭىلدىككە يە بولۋىنا كومەكتەسكەندەر جازالانۋى مۇمكىن
2024.04.08 15:45 كەلۋ قاينارى : حالىق تورابى
ءتىلشىنىڭ كوپ جەردەگى دەلدالدىق سەرىكتەستىكتەرگە تەكسەرۋ جۇرگىزۋ بارىسىندا بايقاۋىنشا، ادام ىستەتۋشى ورىنداردىڭ مۇگەدەكتەردى قىزمەتكە قابىلداعانىن جالعاننان جاساۋىنا كومەكتەسەتىن ارەكەت قازىر ساۋداعا اينالعان.
دەلدالدىق سالاسىندا اتاعى بار يۇييان ادام كۇشى بايلىعى شەكتى سەرىكتەستىگى اتتى ەڭبەككۇش دەلدالدىق سەرىكتەستىگىنىڭ رەسمي تورابىندا ”مۇگەدەكتەردى جۇمىستاندىرۋعا كەپىلدىك ەتۋ قاراجاتىن ازايتۋعا جانە كەشىرىم ەتۋگە بايلانىستى ءبىر بەكەتتىك قىزمەت وتەيمىز“ دەگەن جارناما انىق جازىلعان، ولار دا جۇمىسكەر قابىلداۋ ينفورماتسياسىن جالعاننان جاساۋ ءتاسىلى ارقىلى كاسىپورىنداردىڭ مۇگەدەكتەردى جۇمىستاندىرۋعا كەپىلدىك ەتۋ قاراجاتىن ازايتۋىنا جانە كەشىرىم ەتۋىنە كومەكتەسەدى. مەملەكەتتىڭ بەلگىلەمەسىنە نەگىزدەلگەندە، مەيلى، ادام ىستەتۋشى ورىندار بولسىن، الدە، دەلدالدىق سەرىكتەستىكتەر بولسىن، مۇگەدەكتىك كۋالىگىنەن پايدالانىپ مۇنداي جالعان ينفورماتسيا جاساۋ ارەكەتىنىڭ سيپاتى اۋىر بولعان جاعدايدا قىلمىستىق ءىس بويىنشا جاۋاپكەرشىلىگى قۋزاستىرىلادى. مۇگەدەكتەر جونىنەن ايتقاندا، ەگەر جۇمىسقا قابىلدانعانى جالعان بولسا، قاتىستى ورىندار ونىڭ زاڭسىز كىرىسىن قايتارىپ الۋمەن بىرگە، وعان اقشالاي ايىپ سالۋى دا مۇمكىن. دەلدالدىق سەرىكتەستىكەر جونىنەن ايتقاندا، ەگەر زاڭسىز جۇمىس ىستەسە، تيجارات كۋالىگىن كۇشىنەن قالدىرۋمەن بىرگە، زاڭسىز كىرىسىن دە قايتارىپ الادى.
مەملەكەتتىڭ ”مۇگەدەكتەردى جۇمىستاندىرۋعا كەپىلدىك ەتۋ قاراجاتى“ ءتۇزىمىن ورتاعا قويۋداعى ماقساتى — مۇگەدەكتەردىڭ شىنايى جۇمىستانۋىنا كەپىلدىك ەتۋ. ادام ىستەتۋشى ورىندار مۇگەدەكتەردىڭ كۋالىگىنەن پايدالانىپ، ”جالعاننان كاسىپتەندىرۋدى“ ورىنداسا، ولاردىڭ شىنايى ماقساتى ”مۇگەدەكتەردى جۇمىستاندىرۋعا كەپىلدىك ەتۋ قاراجاتىن“ تاپسىرۋدان جالتارۋ ، بۇل مۇگەدەكتەردىڭ ۇيلەسىمدى جۇمىستانۋ ۇقىق - مۇددەسىنە كەدەرگىلىك ىستەگەندىك بولىپ تابىلادى.
زاڭگەرلەر مەن مۇگەدەكتەر وسى تەكتەس جاعدايلاردان ساقتانۋعا، مۇگەدەكتەردىڭ شىنايى جۇمىستانۋىنا جانە قوعاممەن شىنايى توعىسۋىنا شارت – جاعداي ازىرلەۋگە، ”جالعان جۇمىستانۋدان“ ساقتانۋعا، مۇگەدەكتەردىڭ زاڭدى ۇقىق – مۇددەسىنە اناعۇرلىم ويداعىداي كەپىلدىك ەتۋگە ۇندەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
