انگليالىق 111 جاستاعى كاريا دۇنيە جۇزىندەگى كوزى ءتىرى ەڭ ۇزاق جاساعان ەر دەپ تۇراقتاندىرىلدى
2024.04.08 15:05 كەلۋ قاينارى : حالىق تورابى
گەننيس دۇنيە جۇزىلىك رەكورتى قۇرىلىمى 4 – ايدىڭ 5 – كۇنى 111 جاستان 224 كۇن اسقان انگليالىق كاريا جون الفرەد تەننيسۋدتى دۇنيە جۇزىندەگى كوزى ءتىرى ەڭ ۇزاق جاساعان ەر دەپ تۇراقتاندىردى.
ا ق ش سىمدى تەلەۆيزيا اقپارات تورابىنىڭ 4 – ايدىڭ 6 – كۇنى حابارلاۋىنشا، تەننيسۋد 1912 – جىلى 8 – ايدىڭ 26 – كۇنى انگليانىڭ باتىس – سولتۇستىگىندەگى كەمەجايلى قالا ليۆەرپۋلدا دۇنيەگە كەلگەن، ەكى رەتكى دۇنيە جۇزىلىك سوعىستى باستان كەشىرگەن، سونىمەن بىرگە، ول تاعى گەننيس دۇنيە جۇزىلىك رەكورتىنا ەنگەن ”ەكىنشى دۇنيە جۇزىلىك سوعىسقا قاتىناسىپ اسكەردەن شەگىنگەندەر اراسىندا دۇنيە ءجۇزى بويىنشا ەڭ ۇزاق جاساعان ەر اسكەر“ بولىپ تابىلادى. ول قازىر تەڭىز جاعالاۋىنداعى ساۋسپورت دەپ اتالاتىن شاعىن قالاشىقتاعى قارتتار ۇيىندە تۇرادى.
قارتتار ءۇيىنىڭ ديرەكتورى كاتي حوۋاردتىڭ ايتۋىنشا، تەننيسۋد ”عاجايىپ ادام، ونىڭ باستان كەشكەندەرى وتە كوپ“، ول گازەت وقۋدى، راديو تىڭداۋدى ۇناتادى. ول تاعى فۋتبولدى دا ۇناتادى، تۋعان جەرىندەگى ليۆەرپۋل فۋتبول كومانداسىنىڭ جانكۇيەرى، وسى كوماندانىڭ اعا جۇلدەگەر بولعان ءاربىر ساتىنە كۋا بولعان.
تەننيسۋد ادەتتە تەمەكى شەكپەيدى، اراقتى وتە از ىشەدى، جۇما سايىن قاقتاعان بالىق پەن كەسپە كارتوپ جەيدى. ول ءوزىنىڭ ۇزاق ءومىر ءسۇرۋىنىڭ قۇپياسى ”تالەيىنىڭ جاقسى بولۋى“ دەپ قارايدى. كاريا ءىستى ورنىمەن ىستەۋ كەرەك دەگەن كەڭەس بەرەدى، ول: ”مەيلى، وتە كوپ ءىشۋ بولسىن، الدە، وتە كوپ جەۋ بولسىن، نەمەسە وتە كوپ ءجۇرۋ بولسىن، ەڭ سوڭىندا بارلىعى دا ازاپ شەكتىرەدى“، _ دەيدى.
وسىنىڭ الدىندا دۇنيە ءجۇزى بويىنشا كوزى ءتىرى ەڭ ۇزاق جاساعان ەر ۋەنەسۆەلالىق حۋان ۆيسەنتە پەرەز مورا بولاتىن، ول وسى ايدىڭ 2 – كۇنى دۇنيەدەن وزدى، ونىڭ 115 جاسقا كەلگەن تۋعان كۇنىنە تاعى ءبىر اي ۋاقىت قالعان بولاتىن.
گەننيس دۇنيە جۇزىلىك رەكورتىنا نەگىزدەلگەندە، قازىر دۇنيە جۇزىندەگى كوزى ءتىرى ەڭ ۇزاق جاساعان ايەل يسپانياداعى ماريا برانياس مورارا، ول 1907 – جىلى ومىرگە كەلگەن، بيىل 117 جاسقا كەلگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
