شينجياڭ بيىل جەرگىلىكتى ۇكىمەتتەردىڭ 2000عا جۋىق ارناۋلى زايوم نىسانى زاپاسىن ازىرلەدى
2024.04.09 16:35 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ٴتىلشىسى ران حۋ 4 ـ ايدىڭ 7 ـ كۇنى ۇرىمجىدەن حابارلايدى. اۆتونوميالى رايوندىق قازىنا مەڭگەرمەسىنەن ۇعىسۋىمىزشا، بيىل اۆتونوميالى رايوندىق قازىنا مەڭگەرمەسى جەرگىلىكتى ۇكىمەتتەردىڭ 2000عا جۋىق ارناۋلى زايوم نىسانى زاپاسىن ازىرلەگەن، بۇعان ساياتىن سوما 200 ميلليارد يۋاننان اسقان، اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى، سونداي ـ اق ٴارقايسى ايماق، وبلىس، قالالار بەلگىلەگەن ٴتۇيىندى نىساندار الدىمەن قامتاماسىز ەتىلەدى ەكەن.
مۇندا مەملەكەتتىك كەڭەستىڭ جەرگىلىكتى ۇكىمەتتەر ارناۋلى زايوممەن قولدايتىن سالالاردى جانە ارناۋلى زايومدى نىسان كاپيتال قورى رەتىندە پايدالانۋدى ۇيلەسىمدى كەڭەيتۋ جونىندەگى بەلسەندى ساياساتىن تياناقتاندىرۋ ماقسات ەتىلگەن.
شينجياڭنىڭ جەرگىلىكتى ۇكىمەت ارناۋلى زايوم قارجىسىنان پايدالانۋىندا ساپانى جوعارىلاتىپ، ونىمدىلىكتى ارتتىرۋعا شىنايى كەپىلدىك ەتۋ ٴۇشىن، 2024 ـ جىلى اۆتونوميالى رايوندىق قازىنا مەڭگەرمەسى نازاردى ”8 ٴىرى كاسىپ سالاسى شوعىرى“ مەن ”ٴبىر بەلدەۋ، ٴبىر جول“ وزەكتى رايونى قۇرىلىسىنا شوعىرلاندىرىپ، اۋىل شارۋاشىلىعى، ورمان شارۋاشىلىعى، سۋ يگىلىگى، قوعامدىق ىستەر، قالا قۇرىلعىلارى جانە كاسىپ سالاسى باقشاسى رايوندارىنىڭ نەگىزدىك قۇرىلعىلارى، قالا ـ اۋىل سۋىق تىزبەگى سياقتى زات اينالىمى نەگىزدىك قۇرىلعىلارى، قاتىناس نەگىزدىك قۇرىلعىلارى، ەنەرگيا نىسانى قۇرىلىسى سياقتى سالالاردى ارقاۋ ەتىپ، جەرگىلىكتى ۇكىمەتتەردىڭ ارناۋلى زايوم نىساندارى زاپاسىن ازىرلەدى.
”سەگىز ٴىرى كاسىپ سالاسى شوعىرى“ قۇرىلىسىن قولداۋ جاعىندا، اۆتونوميالى رايوندىق قازىنا مەڭگەرمەسى مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىن كوزدەپ، شينجياڭنىڭ بايلىق ارتىقشىلىعى مەن كاسىپ سالاسى نەگىزىن تياناق ەتىپ، ەرەكشە، باسىمدىققا يە كاسىپ سالالارىنىڭ دامۋىن قولدايتىن جەرگىلىكتى ۇكىمەت زايوم نىساندارىن جۇيەلى جوبالاپ، مۇناي ـ تابيعي گاز ٴوندىرۋ، وڭدەۋدەگى ”3 بازا، 3 ويپات، 4 ٴوڭىر“، كومىر، كومىر ەلەكتر، كومىر حيميا ونەركاسىبىندەگى ”ەكى نەگىزگى، ەكى قانات، ٴبىر اينالما“ سياقتى كاسىپ سالالارى ورنالاسىمىن قالىپتاستىرىپ، بايىنعولين وبلىسى لۇننان مۇناي كاسىپ سالاسى باقشا رايونى، ٴۇرىمجى قالاسى ميدۇڭ حيميا ونەركاسىپ باقشاسى، كورلا ەكونوميكالىق ـ تەحنيكالىق اشۋ رايونى جاڭا ەنەرگيا كاسىپ سالاسى باقشاسى سياقتى نەگىزدىك قۇرىلعى قۇرىلىستارىنا قولداۋ كورسەتىپ، ەرەكشە، باسىمدىققا يە كاسىپ سالالارىنىڭ تىزبەكتى ۇزارتۋىن، تىزبەكتى تولىقتاۋىن، تىزبەكتى كۇشەيتۋىن ىلگەرىلەتىپ، شينجياڭنىڭ بايلىق باسىمدىعىن، وڭىرلىك ورىن باسىمدىعىن دامۋ باسىمدىعىنا، ەكونوميكالىق باسىمدىققا اينالدىرۋدى جەدەلدەتتى.
”ٴبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىن ىلگەرىلەتىپ، جۇڭگو (شينجياڭ) ەركىن ساۋدا سىناق رايونىنىڭ جاقسى باستاما اشۋىنا، جاقسى قادام تاستاۋىنا قولداۋ كورسەتۋ ٴۇشىن، بيىل اۆتونوميالى رايوندىق قازىنا مەڭگەرمەسى نازاردى ٴۇرىمجى حالىقارالىق قۇرلىقتىق پورت رايونى قۇرىلىسىن ىلگەرىلەتۋگە شوعىرلاندىرىپ، قۇرلىقتىق پورت رايونىنىڭ اۋە پورتى اۋماعى، كەشەندى قورعامالى باجى اۋماعى، شەكارا بويى شەكارا وتكەلى سياقتى تۇعىرلارمەن بىرلەسە قيمىلداۋىن ىلگەرىلەتىپ، ”بەس ۇلكەن ورتالىقتىڭ“ ٴتۇيىندى نىسان قۇرىلىسىن ىلگەرىلەتىپ، قاتىناس تورابى ورتالىعى، ساۋدا ـ زات اينالىمى ورتالىعى، ەمدەۋ قىزمەت وتەۋى ورتالىعى، مادەنيەت، عىلىم ـ تەحنيكا، وقۋ ـ اعارتۋ ورتالىعى سياقتى نىساندار زاپاسىن ازىرلەۋدى ۇزدىكسىز ويداعىداي ىستەدى.
2024 ـ جىلى اۆتونوميالى رايوندىق قازىنا مەڭگەرمەسى تاعى شينجياڭنىڭ تارباعاتاي ٴتۇيىندى دامىتۋ، ەسىك اشۋ سىناق رايونىنىڭ زات اينالىمى ساۋداسى، وسى زامانعى ەگىن، مال شارۋاشىلىعى سياقتى نىسان قۇرىلىستارىن قولداپ، ٴبىر توپ ۇلگى كورسەتەتىن، جەتەكشىلىك ەتەتىن، بەلگى سيپاتتى كورۋگە بولاتىن جەتىستىكتەردى قالىپتاستىرىپ، ىشكى قۇرلىقتاعى ەسىك اشۋ مەن شەكارا بويىنداعى ەسىك اشۋدىڭ بيىگىن جەدەل قالىپتاستىرادى.
اۆتونوميالى رايوندىق قازىنا مەڭگەرمەسى ۇكىمەت قارىزىن باسقارۋ باسقارماسىنىڭ جاۋاپتىسى مىنالاردى ٴبىلدىردى: جەرگىلىكتى ۇكىمەتتەردىڭ ارناۋلى زايومى بەلسەندى قازىنا ساياساتىن تياناقتاندىرۋدىڭ ماڭىزدى تۇتقاسى، ۇكىمەتتىڭ قارجى قوسۋدى جەبەۋدەگى ەڭ تىكە، ەڭ ٴونىمدى ساياساتتىق قۇرالدارىنىڭ ٴبىرى، ٴونىمدى قارجى قوسۋدىڭ كەڭەيۋىن جەبەۋ، ەكونوميكانىڭ ورنىقتى اينالىمىن ساقتاۋ جاعىندا ماڭىزدى رول اتقارۋدا. اۆتونوميالى رايوننىڭ قازىنا تاراۋلارى اۆتونوميالى رايوندىق پارتكومنىڭ جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋ جونىندەگى شەشىمدەرىن، ورنالاستىرۋلارىن ۇزدىكسىز دايەكتىلەندىرىپ، جاڭا دامۋ ارناسىنا قىزمەت ەتىپ جانە ونىمەن توعىسىپ، اۆتونوميالى رايوننىڭ جوعارى دەڭگەيدە سىرتقا ەسىك اشۋىن ىلگەرىلەتىپ، ازيا _ ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن بەلسەنە قالىپتاستىرادى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
