4 - ايدىڭ 12 - كۇنىنەن 14 - كۇنىنە دەيىن بۇكىل شينجياڭنىڭ باسىم كوپ جەرىندە تەمپەراتۋرا كورنەكتى تومەندەيدى
سولتۇستىك شينجياڭنىڭ ءىشىنارا جەرلەرىندە سۋىق اعىس بولادى
2024.04.11 15:06 كەلۋ قاينارى : حالىق تورابى
4 - ايدىڭ 9 – كۇنى، ءتىلشىنىڭ شينجياڭ اۋا رايى ستانسياسىنان ۇعىسۋىنشا، كۇشتى سۋىق اعىستىڭ ىقپالىنان، مەجەمەن 4 - ايدىڭ 12 - كۇنىنەن 14 - كۇنىنە دەيىن بۇكىل شينجياڭنىڭ باسىم كوپ جەرىندە تەمپەراتۋرا كورنەكتى تومەندەيدى. سولتۇستىك شينجياڭنىڭ باسىم كوپ جەرىندە، قۇمىل قالاسىنىڭ سولتۇستىگىندە ەڭ تومەنگى تەمپەراتۋرا 8 سەلتسي گرادۋس مولشەرىندە تومەندەيدى، سولتۇستىك شينجياڭنىڭ سولتۇستىگىندەگى ءىشىنارا وڭىرلەردە تەمپەراتۋرا 10 سەلتسي گرادۋستان ارتىق تومەندەيدى، ءىشىنارا جەرلەردە سۋىق اعىس بولادى، سولتۇستىك شينجياڭنىڭ باسىم كوپ بولەگىنىڭ ەڭ تومەنگى تەمپەراتۋراسى نولدەن تومەن 5 تە 3 سەلتسي گرادۋسقا تۇسەدى، تاۋلى وڭىرلەردە نولدەن تومەن 20 دا نولدەن تومەن 10 سەلتسي گرادۋسقا تۇسەدى. شينجياڭ اۋا رايى ستانسياسى جىلۋمەن قامداۋ تاراۋلارىنىڭ جىلۋمەن قامداۋ ۋاقىتىن لايىقتى ۇزارتۋدى ۇسىنىس ەتتى.
وسى رەتكى اۋا رايىنىڭ وزگەرىسىندە باتىس سولتۇستىكتەن كۇشتى جەل سوعادى. الدىن الا مالىمەتتە كورسەتىلۋىنشە، 4 – ايدىڭ 12 – كۇنىنەن 14 - كۇنىنە دەيىن سولتۇستىك شينجياڭدا، شىعىس شينجياڭدا جانە وڭتۇستىك شينجياڭنىڭ شىعىس بولەگىندە باتىس سولتۇستىكتەن بوران سوعادى، جەل وتتەرىندەگى جەل كۇشى 11 دە 12 بالعا جەتەدى، مەزەتتىك جەل كۇشى 13 تە 14 بالعا جەتەدى. 4 – ايدىڭ 13 - كۇنىنەن 14 - كۇنىنە دەيىن وڭتۇستىك شينجياڭ ويپاتىندا قيىس شىعىستان 6 بال بوران سوعادى، مەزەتتىك جەل كۇشى 8 دە 9 بالعا جەتەدى، وڭتۇستىك شينجياڭ ويپاتى مەن شىعىس شينجياڭنىڭ ءىشىنارا وڭىرلەرىندە قۇمدى بوران سوعادى. بوراندى اۋا رايى قۇرىلعىلى اۋىل شارۋاشىلىعى، قاتىناس - تاسىمال، ساياحات، قالا اينالىمى، دالالىق قيمىل سياقتىلارعا ءتيىمسىز ىقپال جاسايدى، شينجياڭ اۋا رايى ستانسياسىنىڭ ەسكەرتۋىنشە، قاتىناس - تاسىمال باسقارۋى مەن جىلىجايدا بوراننان ساقتانىپ، بەكەمدەۋ قىزمەتىن ويداعىداي ىستەپ، بوراندا دالالىق قيمىل مەن دالادا جۇمىس ىستەۋدى توقتاتىپ، قالا تۇرعىندارى جوعارى كەڭىستىكتەن زات قۇلاۋدان ساقتانۋى كەرەك.ءۇرىمجى قالاسىندا 4 – ايدىڭ 12 - كۇنى كۇندىزدەن تۇنگە دەيىن قالا رايونىندا سەبەزگىدەن ورتاشاعا دەيىن جاڭبىر جاۋىپ، سوڭى جاڭبىر ارالاس قارعا اينالادى، تاۋلى وڭىردە ورتاشادان قالىڭ جاڭبىرعا دەيىن جاۋىپ، سوڭى قارعا اينالادى؛ باتىس سولتۇستىكتەن 5 تە 6 بال بوران سوعادى. 5 – ايدىڭ 13 – كۇنى تاڭەرتەڭ قالا رايونىنىڭ ەڭ تومەنگى تەمپەراتۋراسى نولدەن تومەن 1 دە 0 گرادۋسقا دەيىن تۇسەدى، تاۋلى رايونداردا نولدەن تومەن 8 دە نولدەن تومەن 6 سەلتسي گرادۋسقا دەيىن تۇسەدى.
قازىر كوكتەمگى ەگىس جۇمىسىنىڭ ەڭ شەشۋشى كەزەڭى، وڭتۇستىك، سولتۇستىك شينجياڭداعى جاۋىن ـ شاشىن، بوران كوكتەمگى ەگىس جۇمىسىنا ءتيىمسىز ىقپال جاسايدى، شينجياڭ اۋا رايى ستانسياسى جەر ـ جەردىڭ كوكتەمگى ەگىس قارقىنىن ۇيلەسىمدى ورنالاستىرۋدى ۇسىنىس ەتەدى. 4 – ايدىڭ 13 - كۇنىنەن 14 - كۇنىنە دەيىن، وڭتۇستىك شينجياڭنىڭ باسىم كوپ جەرىندە قۇمدى بوران سوعادى، بۇل ەگىلگەن ماقتا مەن جەمىس ورمانىنىڭ گۇل اشىپ، توزاڭدانۋىنا ءتيىمسىز، سوندىقتان جەلدەن قورعانۋ، جارعاق جابۋ، جەمىس اعاشتارىن باسقارۋ جانە ساقتانۋ - قورعانۋ قىزمەتىن ويداعىداي ىستەۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
