شينجياڭ باي اۋدانىندا 5.6 بال جەر سىلكىندى
قازىرگە دەيىن ادامنىڭ جارالانۋى، ءولىم – ءجىتىم تۋرالى مالىمەت بەرىلگەن جوق
2024.04.11 13:20 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى گۋ يۇي، جاڭ يۇي 4 – ايدىڭ 10 – كۇنى ۇرىمجىدەن حابارلايدى. 4 – ايدىڭ 10 – كۇنى ساعات 22 دەن 56 مينۋت وتكەندە، شينجياڭ اقسۋ ايماعى باي اۋدانىندا (سولتۇستىك ەندىك 41.98 گرادۋس، شىعىس بويلىق 82.56 گرادۋس) 5.6 بال جەر سىلكىنگەن. جەرگىلىكتى ورىندا سىلكىنىس ءدۇمپۋى كۇشتى بولعان، ءتىلشى حاباردى جولداعانعا دەيىن، ادامنىڭ جارالانۋى، ءولىم – ءجىتىم جاعدايى تۋرالى مالىمەت بەرىلمەگەن.
ءتىلشىنىڭ ۇعىسۋىنشا، باي اۋدانى، اقسۋ قالاسى قاتارلى جەرلەردە سىلكىنىس ءدۇمپۋى كورنەكتى بولعان. سىلكىنىس ورتالىعىنا ءبىرشاما جاق قىزىل مىڭ ءۇي — مەملەكەتىمىزدەگى جانە شينجياڭداعى مادەني مۇرالاردى قورعاۋ ورنى. قىزىل مىڭ ءۇيدى زەرتتەۋ مەكەمەسىنىڭ باستىعى تالەت وبۋلدىڭ تىلشىگە: ”جەر سىلكىنگەن كەزدە سىلكىنىس ءدۇمپۋى كورنەكتى بولىپ، اعاشتاردىڭ ىرعالعانى انىق كورىندى، قازىرگە دەيىن ادامنىڭ قازا بولۋى نەمەسە جارالانۋى جانە باسقاشا زيانعا ۇشىراعان جاعدايلار بايقالمادى، ەرتەڭ مىڭ ۇيگە كىرىپ شارلاپ تەكسەرىپ كورەمىز“، _ دەگەن.
جەر سىلكىنگەن سوڭ، اقسۋ ايماقتىق ورتتەن ساقتانۋ جانە قۇتقارۋ بولىمشە اترەتى باي اۋداندىق ۇلكەن اترەتىنىڭ شارلاۋشىلارىنان 10 ادام سىلكىنىس ورتالىعىندا ءبىر – بىرلەپ تەكسەرۋ جۇرگىزۋ ءۇشىن 2 اۆتوموبيلمەن جەر سىلكىنگەن جەرگە بارعان، 4 – ايدىڭ 10 – كۇنى ساعات 23 كە دەيىن قازا بولعاندار، جارالانعاندار نەمەسە ءۇيدىڭ قۇلاۋى سىندى جاعدايلار تۋىلماعان، قاتىستى جاعدايلار جونىندە ءبىر – بىرلەپ تەكسەرۋ جۇرگىزىلۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
