جۇڭگو مەن گرۋزيا ءوزارا ۆيزا تالاپ ەتپەۋ كەلىسىمشارتىنا قول قويدى
2024.04.11 13:22 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى لي ميڭ 4 – ايدىڭ 10 – كۇنى ماسكەۋدەن حابارلايدى. تبيليسيدەن الىنعان حابار: جۇڭگونىڭ گرۋزيادا تۇراتىن باس ەلشىسى جوۋ چيان مەن گرۋزيا سىرتقى ىستەر مينيسترى دارچياشۆيلي 4 – ايدىڭ 10 – كۇنى تبيليسيدە جۇڭگو مەن گرۋزيانىڭ جاي پاسپورتى بار ازاماتتاردان ءوزارا ۆيزا تالاپ ەتپەۋ كەلىسىمشارتىنا بىرگە قول قويعان.
جوۋ چيان سويلەگەن سوزىندە مىنانى ءبىلدىردى: كەلىسىمشارتقا قول قويىلىپ، ونىڭ ىسكە قوسىلۋىنا بايلانىستى جۇڭگو مەن گرۋزيانىڭ ازاماتتارى ءبىر ەلدەن ءبىر ەلگە بارعاندا ساياحاتتاۋ، جۇمىسپەن ساپارلاۋ، ۇيرەنۋ بارىسىندا ۆيزا اشتىرماۋىنا بولادى، بۇل ەكى ەل حالقىنىڭ ءوزارا بارىس – كەلىس جاساۋى مەن ءتۇسىنىسۋىن بارىنشا نىعايتادى، كەلىسىمشارت جۇڭگو مەن گرۋزيا قارىم – قاتىناسىنىڭ ءوزارا قۇرمەت ەتۋ، ءوزارا تيىمدىلىك جەتكىزىپ، تەڭ يگىلىكتەنۋ سىندى ەرەكشەلىگىن ايگىلەگەن، جۇڭگو مەن گرۋزيا ستراتەگيالىق سەرىكتەستىك قارىم – قاتىناس ورناتقاننان كەيىنگى تاعى ءبىر ماڭىزدى جەتىستىك سانالادى.
دارچياشۆيلي مىنانى ءبىلدىردى: ءوزارا ۆيزا تالاپ ەتپەۋ كەلىسىمشارتىنا قول قويۋ — گرۋزيا مەن جۇڭگونىڭ قارىم – قاتىناس تاريحىنداعى ماڭىزدى ءىس، ءوزارا ۆيزا تالاپ ەتپەۋ كەلىسىمشارتى كۇشكە يە بولعاننان كەيىن ەكى جاقتىڭ ەكونوميكا – ساۋدا، ساياحات، مادەنيەت قاتارلى سالالارداعى اۋىس – كۇيىسىن اناعۇرلىم ىلگەرىلەتۋىن ءۇمىت ەتەمىز. گرۋزيا جاق جۇڭگو جاقتىڭ گرۋزيانىڭ يەلىك ۇقىعى مەن تەرريتوريا تۇتاستىعىنا قولداۋ كورسەتكەنىنە راقىمەت ايتادى، گرۋزيا جاق ءبىر جۇڭگو پرينسيپىنە تاباندى بولاتىنىن قايتالاي دارىپتەيدى.
كەلىسىمشارتقا ساي، گرۋزيانىڭ كۇشكە يە جاي پاسپورتى نەمەسە جۇڭحۋا حالىق رەسپۋبليكاسىنىڭ كۇشكە يە جاي پاسورتى بار ازاماتتاردىڭ كەلىسىمشارتقا قول قويعان قارسى جاقتىڭ شەكاراسىنان كىرگەن كەزدە، شەكاراسىنان شىققان كەزدە نەمەسە شەكاراسى ارقىلى باسقا ءبىر ەلگە وتكەن كەزدە، ءبىر رەتتە ايالداعان ۋاقىتى 30 كۇننەن اسپاسا، ءار 180 كۇن ىشىندە ايالداعان ۋاقىتى 90 كۇننەن اسپاسا، ۆيزا اشتىرماۋىنا بولادى. كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
