ساۋدا مينيسترلىگى ساۋدالىق قۇتقارۋ – كومەكتەسۋ مەكەمەسىنىڭ نەگىزگى جاۋاپتىسى ەۆروپا وداعىنىڭ جۇڭگوعا قاراتقان شەتەل قوسىمشا قاراجاتىن تەكسەرۋ سياقتى ماسەلەلەرى جونىندە ەۆروپا جاققا قاتاڭ نارازىلىق ءبىلدىردى
2024.04.11 14:59 كەلۋ قاينارى : حالىق تورابى
2024 – جىلى 4 – ايدىڭ 10 – كۇنى، ساۋدا مينيسترلىگى ساۋدالىق قۇتقارۋ – كومەكتەسۋ مەكەمەسىنىڭ نەگىزگى جاۋاپتىسى بريۋسسەلدە ەۆروپا كوميتەتى ساۋدا قورعانىس مەڭگەرمەسىنىڭ باستىعى مارتين لۋكاسپەن كەزدەستى. ەۆروپا وداعىنىڭ جۇڭگونىڭ جەل كۇشى ترۋبيناسىمەن قامداۋشى ساۋداگەرلەرىنە قوسىمشا قاراجات بەرۋىن تەكسەرۋ، سونداي - اق جۇڭگو ەكونوميكاسىندا ”اۋىر بۇرمالانۋ“ بار دەگەن مالىمەتتى تاعى دا جاريالاۋى قاتارلى ماسەلەلەر جونىندە قاتاڭ سويلەستى.
جۇڭگو جاق بىلاي دەپ اتاپ كورسەتتى: 4 – ايدىڭ 9 – كۇنى، ەۆروپا وداعى «شەتەلدىڭ قوسىمشا قاراجات بەرۋ ەرەجەسىنە» (FSR) نەگىزدەلىپ جۇڭگونىڭ ەۆروپا وداعىنداعى بەس ەلدەگى جەل كۇشى ترۋبيناسىمەن قامداۋ ساۋداگەرىنە تەكسەرۋ جۇرگىزەتىندىگىن جاريالادى، بۇل سوڭعى 2 اي ىشىندە ەۆروپا جاقتىڭ FSR دەن پايدالانىپ جۇڭگو كاسىپورىندارىنا جۇرگىزگەن 4 – رەتكى تەكسەرۋى. جۇڭگو جاق بىلاي دەپ قارايدى: ەۆروپا وداعىنىڭ قازىرگە دەيىنگى جۇرگىزگەن FSR تەكسەرۋى تۇگەلدەي جۇڭگونىڭ جاڭا ەنەرگياسىنا قاتىستى كاسىپورىندارعا باعىتتالىپ، نىساناسى ايقىن بولىپ، جۇڭگو كاسىپورىندارىنىڭ ەۆروپاعا بارىپ قارجى قوسۋ، ساۋدا سەلبەستىگىن ورىستەتۋ سەنىمىنە اۋىر زيان جەتكىزىپ، جۇڭگو مەن ەۆروپانىڭ كاسىپ سالاسىنىڭ ءوزارا ءتيىمدى سەلبەستىگىنە كەدەرگىلىك جاساپ قانا قويماي، ءارى بۇكىل جەر شارىنىڭ كليمات وزگەرىسىنە توتەپ بەرۋ قۇلشىنىسى مەن جاسىل تيپكە بۇرىلىس جاساۋ اياق الىسىنا ىقپال جاسايدى. ەۆروپا جاق تەكسەرۋ بارىسىندا قوسىمشا قاراجاتتىڭ ءمانىن بۇرمالادى، ءتارتىپ ولشەمى جاريا بولمادى، اشىق بولمادى، بۇل ‐ ءادىل باسەكەنى جەلەۋ ەتىپ ءادىل باسەكە ورتاسىنا زيان جەتكىزەتىن قورعانىمپازدىق ارەكەت. جۇڭگو جاق بۇعان كۇشتى نارازىلىق بىلدىرەدى جانە باتىل قارسى تۇرادى، ەۆروپا جاقتى قاتەلىگىن دەرەۋ توقتاتۋعا جانە تۇزەتۋگە قۋزايدى.
بۇدان سىرت، جۇڭگو جاق ەۆروپا وداعىنىڭ 4 ـ ايدىڭ 10 ـ كۇنى جۇڭگو ەكونوميكاسىندا ”اۋىر بۇرمالانۋ“ بار دەگەنى جونىندەگى باياندامانى تاعى دا جاريالاعاندىعىنا قاتاڭ تۇرعىسىن ءبىلدىرەدى. جۇڭگو جاق ەۆروپا جاقتىڭ قاتىستى باياندامالاردى جاڭالاپ، جۇڭگونىڭ ساياساتىن، بازار ورتاسىن جانە ەكونوميكالىق ءتۇزىمىن تاعى ءبىر رەت بۇرمالاپ، ءتۇسىندىرىپ، ادەيى ارزانداتىپ ساتۋعا قارسى تۇرۋ ءتاسىلىن قولدانۋعا سىلتاۋ ىزدەدى دەپ قارايدى، جۇڭگو بۇعان ايرىقشا نازار اۋدارادى جانە كۇشتى قارسىلىق بىلدىرەدى.
جۇڭگو مىنانى اتاپ كورسەتتى: دۇنيە جۇزىلىك ساۋدا ۇيىمىنىڭ ەرەجەسىندە ەكونوميكادا ”اۋىر بۇرمالانۋ“ ۇعىمى مەن ولشەمى جوق، ەۆروپا جاق ءوز الدىنا جاساعان ايتىلمىش ”اۋىر بۇرمالانۋ“ ولشەمى ارقىلى جۇڭگونىڭ بازار شارۋاشىلىعىنا باعا بەرۋى شىندىققا بۇكىلدەي ۇيلەسپەيدى، بۇل جۇڭگو مەن ەۆروپانىڭ ەكونوميكا ـ ساۋدا قارىم ـ قاتىناسىنا كەرەناۋ ىقپال تۋدىرادى جانە تۇراقسىزدىق اكەلەدى. جۇڭگو ەۆروپا جاقتىڭ كەيىنگى اۋقىمىنا قاداعالاي نازار اۋدارادى ءارى بارلىق قاجەتتى شارالاردى قولدانۋ ۇقىعىن ساقتاپ قالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
