شيۇڭ شۋە الەۋمەتتىك ايىپتاۋعا الىندى!

2024.04.11 15:10 كەلۋ قاينارى : حالىق تورابى

　　چۇڭچيڭ قالالىق حالىق ۇكىمەتى پارتگرۋپپاسىنىڭ بۇرىنعى مۇشەسى، ورىنباسار قالا باستىعى شيۇڭ شۋەنىڭ پارا الۋ دەلوسىن مەملەكەتتىك باقىلاۋ ـ تەكسەرۋ كوميتەتى تەكسەرىپ اياقتاتتى، ەڭ جوعارى حالىق پروكۋراتۋراسىنىڭ كورسەتۋىمەن حىنان ولكەسى جىڭجوۋ قالالىق حالىق پروكۋراتۋراسى تەكسەرىپ ايىپتايدى. تاياۋدا، جىڭجوۋ قالالىق حالىق پروكۋراتۋراسى جىڭجوۋ قالالىق ورتا دارەجەلى حالىق سوت مەكەمەسىنە الەۋمەتتىك ايىپتاما بەردى.

　　پروكۋراتۋرا ورگانى تەكسەرىپ ايىپتاۋ ساتىسىندا ايىپكەر شيۇڭ شۋەگە ارىز - شاعىم ۇقىعىن زاڭ بويىنشا ۇقتىردى ءارى ايىپكەر شيۇڭ شۋەنى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگاندارى بىلاي دەپ ايىپتادى: ايىپكەر شيۇڭ شۋەيۇڭ چۇڭچيڭ قالاسى نان - ان رايونىنىڭ ورىنباسار باستىعى، چۇڭچيڭ جوعارى- جاڭا تەحنيكا رايونىن باسقارۋ كوميتەتىنىڭ ورىنباسار مەڭگەرۋشىسى، چۇڭچيڭ سولتۇستىك جاڭا رايونىن باسقارۋ كوميتەتىنىڭ ورىنباسار مەڭگەرۋشىسى، مەڭگەرۋشىسى، چۇڭچيڭ لياڭجياڭ جاڭا رايونىن باسقارۋ كوميتەتىنىڭ ورىنباسار مەڭگەرۋشىسى، چۇڭچيڭ قالاسى يۇڭچۋان رايوندىق پارتكومنىڭ شۋجيى، چۇڭچيڭ قالالىق ساۋدا ىستەرى كوميتەتىنىڭ مەڭگەرۋشىسى، چۇڭچيڭ قالالىق دامۋ جانە رەفورما كوميتەتىنىڭ مەڭگەرۋشىسى، چۇڭچيڭ قالالىق حالىق ۇكىمەتى پارتگرۋپپاسىنىڭ مۇشەسى، ورىنباسار قالا باستىعى، چۇڭچيڭ جوعارى - جاڭا تەحنيكا رايونى پارتيا قىزمەتى كوميتەتىنىڭ شۋجيى قاتارلى قىزمەتتەردى وتەگەن كەزىندە قىزمەت بابىنان پايدالانىپ، باسقالارعا پايدا جەتكىزگەن، سونداي – اق ءوزىنىڭ قىزمەت ۇقىعى، ورنى قالىپتاستىرعان قولايلى شارت – جاعدايدان پايدالانىپ، مەملەكەت قىزمەتكەرلەرىنىڭ باسقا دا مىندەت جاعىنداعى ارەكەتتەرى ارقىلى باسقالارعا ورىنسىز پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى توتەنشە كوپ، زاڭ بويىنشا ونىڭ قىلمىستىق ىستەر جاۋاپكەرشىلىگىن قۋزاستىرۋ كەرەك.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved