قورعانىس مينيسترلىگى: ازاتتىق ارميا قارسى الدىنان قاتاڭ سوققى بەرەدى
2024.04.15 14:09 كەلۋ قاينارى : حالىق تورابى
4 – ايدىڭ 12 – كۇنى تۇستەن كەيىن، قورعانىس مينيسترلىگى اقپارات مەكەمەسىنىڭ باستىعى، قورعانىس مينيسترلىگىنىڭ مالىمدەمەشىسى، ۋ چيان داشياۋ جۋىردان بەرگى اسكەري سالاعا قاتىستى ماسەلەلەر جونىندە اقپار جاريالادى.
ءتىلشى بىلاي دەپ سۇرادى: حابارعا قاراعاندا، تايۋان تەڭىز ارمياسىنىڭ قولباسشىسى جۋىردا گاۆايعا ورنالاسقان ا ق ش ارمياسىنىڭ يندى مۇحيتى – تىنىق مۇحيت قولباسشىلىق شتابىنا تىمىسكىلەي بارعان ءارى ا ق ش ارمياسىنىڭ قاتىستى قيمىلدارىنا قاتىناسقان. قاتىستى پىكىرلەرگە قاراعاندا، ونىڭ بۇل ساپارى ا ق ش – نىڭ ”ارالداردىڭ بىرلەسىپ قورعانۋى ۇعىمىن“ تياناقتاندىرۋدىڭ قۇرامداس بولىگى ەكەن، ونىڭ ماقساتى — تايۋان بيلىگىمەن سايكەسە وتىرىپ، ”ءبىرىنشى ارالدار تىزبەگى“ كولەمىندە جۇڭگومەن قارسىلاساتىن اسكەري كۇش قالىپتاستىرۋ. وسى جونىندە قانداي پىكىر بىلدىرەسىز؟
ۋ چيان بىلاي دەپ جاۋاپ قايتاردى: جۇڭگو جاق ا ق ش – نىڭ جۇڭگو تايۋان وڭىرىمەن ءارقانداي فورمادا ۇكىمەت ارا بارىس – كەلىس جاساۋىنا جانە اسكەري سالادا بايلانىس ورناتۋىنا باتىل قارسى تۇرادى، بۇل جونىندەگى مايدانى ايقىن ءارى تياناقتى. تايۋان — جۇڭگو تەرريتورياسىنىڭ ايرىلماس ءبىر بولىگى، تايۋان ماسەلەسىن شەشىم ەتۋ — جۇڭگونىڭ ىشكى ءىسى، ءارقانداي سىرتقى كۇشتىڭ كيلىگۋىنە جول بەرىلمەيدى.
اتالمىش ”ءبىرىنشى ارالدار تىزبەگى“ — قىرعي قاباقتىق سوعىس مەزگىلىندەگى گەوساياسي جاعدايدىڭ تۋىندىسى، جۇڭگونى بوگەۋگە ۇرىنۋدىڭ بارلىعى قۇر قيالعا سالىنعاندىق. جۇڭگو جاق ا ق ش جاقتى ءبىر جۇڭگو پرينسيبىنە جانە جۇڭگو مەن ا ق ش اراسىنداعى ءۇش رەتكى بىرلەسكەن مالىمدەمەدەگى بەلگىلەمەلەرگە شىنايى بويسۇنۋعا، ”تايۋاندى دەربەستەندىرۋدى“ قولداماۋ سىندى ۋادەسىن شىنايى تياناقتاندىرۋعا، ا ق ش پەن تايۋاننىڭ اسكەري سالادا ىمىرالاسۋى مەن ۇكىمەت ارا بارىس – كەلىس جاساۋىن دەرەۋ توقتاتۋعا قۋزايدى. دەموكراتيانى ىلگەرىلەتۋ پارتياسىنىڭ بيلىك باسىنداعىلارعا ”دويبى تاسى“ بولۋدى قابىلداسا، ءسوزسىز، ”تاستاندى“ بولاتىنىن، ”قارۋلى جولمەن دەربەستەندىرۋگە“ ۇرىنسا، ونىڭ تەك قۇرىپ - جوعالۋعا اپاراتىنىن قاتاڭ ەسكەرتەدى. ”تايۋاندى دەربەستەندىرۋگە“ قاتىستى ءارقانداي بولشەكتەۋشىلىك ارەكەتكە ازاتتىق ارميا قارسى الدىنان قاتاڭ سوققى بەرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
