ەلىمىزدىڭ تاپقىرلىق پاتەنتىنىڭ كاسىپ سالالانۋ شاماسى %39.6 كە جەتتى (جاڭا ساندى مالىمەت، جاڭا ءتۇيىن)
2024.04.22 16:41 كەلۋ قاينارى : حالىق تورابى
«حالىق گازەتى»، 4 – ايدىڭ 21 - كۇنى، بەيجيڭ (ءتىلشى گۋ يەكاي). مەملەكەتتىك ءبىلىم مەنشىك ۇقىعى مەكەمەسى تاياۋدا جاريالاعان «2023 – جىلعى جۇڭگو پاتەنتىن تەكسەرۋ مالىمەتىندە» كورسەتىلۋىنشە، 2023 – جىلى ەلىمىزدىڭ تاپقىرلىق پاتەنتىنىڭ كاسىپ سالالانۋ شاماسى %39.6 كە جەتىپ، الدىنداعى جىلداعىدان 2.9 پايىز جوعارىلاپ، ءۇرتىس 5 جىل ورنىقتى جوعارىلاعان.
جاڭالىق جاراتۋدىڭ نەگىزگى تۇلعاسى رەتىندە، ەلىمىز كاسىپورىندارىنىڭ تاپقىرلىق پاتەنتىنىڭ كاسىپ سالالانۋ شاماسى %51.3 كە جەتىپ، الدىنداعى جىلداعىدان 3.2 پايىز جوعارىلادى. مۇنىڭ ىشىندە شاعىن كاسىپورىندار مەن ۇساق كاسىپورىنداردىڭ تاپقىرلىق پاتەنتىنىڭ كاسىپ سالالانۋ شاماسى جەكە - جەكە %53.9 كە جانە %33.8 كە جەتىپ، الدىنداعى جىلداعىدان جەكە - جەكە 8.6 پايىز جانە 11.8 پايىز جوعارىلادى.
تاپقىرلىق پاتەنتىن كاسىپ سالالاندىرۋ پايداسى ورنىقتى ارتتى. 2023 - جىلى كاسىپورىندار كاسىپ سالالانۋدى جۇزەگە اسىرعان تاپقىرلىق پاتەنتىنىڭ ورتاشا پايداسى ءار پارشاسىنا 8 ميلليون 296 مىڭ يۋانعا جەتىپ، الدىنداعى جىلداعىدان %3.8 ارتتى؛ دەربەس ايگىلى ماركا ونىمدەرىنە جۇمسالعان تاپقىرلىق پاتەنتىنىڭ كاسىپ سالالانۋىنىڭ ورتاشا پايداسى ءار پارشاسىنا 10 ميلليون 671 مىڭ يۋانعا جەتىپ، پاتەنت پەن ايگىلى ماركادان جان - جاقتى پايدالانۋ ونىمدىلىگىنىڭ ءتىپتى دە كورنەكتى بولعانىن ايگىلەدى.
ءوندىرۋ، وقىتۋ، زەرتتەۋ سەلبەستىگى پاتەنتتى وندىرگىش كۇشكە اينالدىرۋ ونىمدىلىگىن ءونىمدى جوعارىلاتتى. 2023 - جىلى ەلىمىز كاسىپورىندارىنىڭ ءوندىرۋ، وقىتۋ، زەرتتەۋ تاپقىرلىق پاتەنتى (پاتەنت ۇقىعى يەسىنىڭ ىشىندە كاسىپورىن، جوعارى مەكتەپ نەمەسە عىلمي زەرتتەۋ ورىندارىنىڭ تاپقىرلىق پاتەنتى دە قامتىلادى) كاسىپ سالالانۋىنىڭ ورتاشا پايداسى 10 ميلليون 332 مىڭ يۋانعا جەتىپ، كاسىپورىنداردىڭ تاپقىرلىق پاتەنتىن كاسىپ سالالاندىرۋدىڭ ورتاشا پايداسىنان %24.5 جوعارى بولدى. كاسىپورىنداردىڭ ءوندىرۋ، وقىتۋ، زەرتتەۋ سەلبەستىگى ارقىلى شەشۋشى تەحنيكالاردان نەمەسە وزەكتى ۇساق بولشەكتەردەن قامال الۋ ماسەلەسىن شەشۋ سالىستىرماسى ەڭ جوعارى بولىپ، %56.1 كە جەتىپ، ءوندىرۋ، وقىتۋ، زەرتتەۋ سەلبەستىگىنىڭ شەشۋشى، وزەكتى تەحنيكالاردان قامال الۋدا ماڭىزدى رول اتقارعانىن، ءوندىرۋ، وقىتۋ، زەرتتەۋ سەلبەستىگىندە جاڭالىق جاراتۋدىڭ كورنەكتى بولعانىن ايگىلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
