شەشۋشى، وزەكتى تەحنيكالاردان سەلبەسىپ قامال الۋدى قالاي ىلگەرىلەتۋ كەرەك (ساياساتتىق سۇراۋ – جاۋاپ • جوعارى دەڭگەيلى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى ىلگەرىلەتۋ)
«حالىق گازەتىنىڭ» ءتىلشىسى ۋ يۋەحۇي
2024.04.22 16:42 كەلۋ قاينارى : حالىق تورابى
«ۇكىمەت قىزمەتىنەن باياندامادا» مىنالار العا قويىلدى: ”مەملەكەتتىڭ ستراتەگيالىق عىلىم - تەحنيكا كۇشتەرىن، قوعامدىق جاڭالىق اشۋ بايلىعىن شوعىرلاندىرىپ، شەشۋشى، وزەكتى تەحنيكالاردان سەلبەسىپ قامال الۋدى ىلگەرىلەتىپ، توڭكەرىستىك تەحنيكالار مەن الدىڭعى لەكتىك تەحنيكالاردى زەرتتەۋدى كۇشەيتۋ كەرەك“.
شەشۋشى، وزەكتى تەحنيكالاردان سەلبەسىپ قامال الۋدىڭ ماڭىزدىلىعىن قالاي ءتۇسىنۋ كەرەك؟
”جاڭا كەزەكتى عىلىم ـ تەحنيكا توڭكەرىسى مەن كاسىپ سالاسى وزگەرىسىندە تەحنيكانىڭ توپتالۋى، توعىسۋى جانە جاڭالىق اشۋدىڭ كۇردەلىلىك دارەجەسى بارعان سايىن جوعارىلاپ، كەلەلى تەحنيكالاردا قامال الۋ ءپان اتتاعان، سالا اتتاعان سەلبەستىكتەن بارعان سايىن قول ۇزە المايتىن بولدى“. جۇڭگو عىلىم اكادەمياسىنىڭ اكادەميگى لي ديانجۇڭ بىلاي دەدى: شەشۋشى، وزەكتى تەحنيكالاردان قامال الۋدىڭ قيىندىعى زور، حاۋىپ ـ قاتەرى جوعارى، تىزبەگى ۇزاق، ءوندىرۋ، وقىتۋ، زەرتتەۋ سەلبەستىگىنەن، تۇتاس تىزبەكتى سەلبەستىكتەن ايرىلا المايدى. ”قالقان ءپىشىندى قازۋ ماشيناسىنىڭ ’جۇرەگى‘ دەپ اتالعان ءىرى تۇرپاتتى نەگىزگى قازانشىقتى مىسالعا الساق، ونىڭ قامال الۋ تىزبەگى ەرەكشە ۇزاق، ول قۇرىلىمدى جوبالاۋ، ماتەريال دايىنداۋ، مانەرلەۋ، قۇراستىرۋ سياقتى كوپتەگەن بۋىنعا سايادى، ەگەر سايكەسۋى پارمەندى بولماسا، ءبىر بۋىن وتكەلدەن وتپەسە، بۇرىنعى ەڭبەك سەلگە كەتۋى مۇمكىن“.
شەشۋشى، وزەكتى تەحنيكالاردان سەلبەسىپ قامال الۋدى ىلگەرىلەتۋدە قايسى جاقتارعا ءتۇيىندى تۇردە كۇش سالۋ كەرەك؟
جۇڭگو عىلىم اكادەمياسى دامۋ - جوسپارلاۋ مەكەمەسىنىڭ جاۋاپتىسى مىنانى ءبىلدىردى: شەشۋشى، وزەكتى تەحنيكالاردان سەلبەسىپ قامال الۋدى ىلگەرىلەتۋ − جۇيەلى ينجەنەريا، عىلمي تاقىرىپ تاڭداۋ، سايكەسە توعىسۋ، باعالاۋ، جەتەكشىلىك ەتۋ جانە بايلىقپەن قامتاماسىز ەتۋ سياقتى جاقتاردا بىرىككەن كۇش قالىپتاستىرۋ كەرەك.
عىلمي تاقىرىپ تاڭداۋ جاعىندا، قولدانۋدى جەتەكشى ەتۋ مەن سۇرانىس ارقىلى جەتەكشىلىك ەتۋدە تاباندى بولىپ، كاسىپتىك تاراۋلارمەن جانە تۇتىنۋشىلارمەن تىعىز ۇشتاسۋدى كۇشەيتىپ، جوعارىدان تومەنگە قاراي جانە تومەننەن جوعارىعا قاراي ءوزارا ۇشتاسقان كوپ ارنالى تاقىرىپ تاڭداۋ مەحانيزمىن ورناتىپ، مەملەكەتتىڭ ستراتەگيالىق قاجەتى مەن جاڭادان گۇلدەنگەن الدىڭعى لەكتەگى ايقاسپالى سالالاردى ورنالاستىرۋدى كۇشەيتۋ كەرەك.
سايكەسۋ، توعىسۋ جاعىندا جاڭاشا بۇكىل ەل بولىپ جۇمىلۋ ءتۇزىلىسى جاعدايىندا ۇقىق پەن جاۋاپكەرلىك ايقىن، اينالىمى جوعارى ءونىمدى بىرلەسىپ قامال الۋ ۇلگىسىن ورناتۋ جونىندە ىزدەنىس جاساۋ كەرەك. كەلەلى نىسانداردى ۇيىمداستىرىپ اتقارۋ ارقىلى مەملەكەتتىك تاجىريبەحانا، عىلمي زەرتتەۋ ورىندارى، جوعارى مەكتەپتەر، كاسىپورىندار سياقتى عىلىم ـ تەحنيكا كۇشتەرىن ءونىمدى تۇردە ءبىر تۇتاس جوسپارلاپ، سەلبەسىپ قامال الۋ ونىمدىلىگىن جوعارىلاتىپ، ءوندىرۋ، وقىتۋ، زەرتتەۋ ىستەرىنىڭ ىشكەرىلەي سەلبەستىك جاساۋىن ىلگەرىلەتىپ، جەتىستىكتەردى كادەگە جاراتۋدى جانە قولدانۋدى جەبەۋ كەرەك.
باعالاۋ، جەتەكشىلىك ەتۋ جاعىندا بورىش بەتالىسىن ونان ارى كۇشەيتىپ، ۇلەس قوسۋدى، ونىمدىلىكتى وزەك ەتكەن باعالاۋ بەتالىسىندا تاباندى بولىپ، ۇيلەسىمدى باعالاۋ كورسەتكىشىن بەلگىلەۋ ارقىلى عىلمي زەرتتەۋ قىزمەتكەرلەرىنىڭ تابانداپ وتىرۋىنا، تەرەڭ زەرتتەۋىنە، باتىلدىقپەن قامال الىپ، قيىنشىلىقتاردى جەڭىپ، تىڭنان ورناتۋ سيپاتىنا جانە بولجامپازدىققا يە زەرتتەۋ قىزمەتىن ورىستەتۋىنە مۇمكىندىك جاساۋ كەرەك.
بۇدان سىرت بايلىقتى قامتاماسىزداندىرۋ قابىلەتىن دە جوعارىلاتۋ كەرەك. شەشۋشى، وزەكتى تەحنيكالاردان قامال الۋ قاجەتىنە ساي، ورتالىق، جەرگىلىكتى ورىندار، كاسىپورىندار، قوعامدىق كاپيتال سياقتىلاردان قۇرالعان كوپ نەگىزدى قارجىلاي كومەك بەرۋ جۇيەسىن ورناتۋ جونىندە ىزدەنىس جاساپ، دارىندىلار، قوسىلىم جانە اسپاپ ـ جابدىق سياقتى جاڭالىق اشۋ بايلىقتارىن ءبىر تۇتاس جوسپارلاۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
