«شي جينپيڭنىڭ دارىندىلار قىزمەتى جونىندەگى پايىمداۋلارىنان ۇزىندىلەر» باسپادان شىعىپ تاراتىلدى
2024.04.22 16:44 كەلۋ قاينارى : حالىق تورابى
شينحۋا اگەنتتىگى، 4 – ايدىڭ 21 – كۇنى، بەيجيڭ. ج ك پ ورتالىق كوميتەتىنىڭ پارتيا تاريحى جانە قۇجات زەرتتەۋ ورنى رەداكسيالاعان «شي جينپيڭنىڭ دارىندىلار قىزمەتى جونىندەگى پايىمداۋلارىنان ۇزىندىلەر» اتتى كىتاپ تاياۋدا ورتالىق قۇجات باسپاسىنان باسىلىپ شىعىپ، بۇكىل ەلدە تاراتىلدى.
تابىس دارىندىلار ارقىلى قولعا كەلەدى، كاسىپ دارىندىلار ارقىلى كەڭەيەدى. زور توپتاعى ءمورالدى دا قابىلەتتى ساپالى دارىندىلاردى جەتىلدىرۋ − مەملەكەت پەن ۇلتتىڭ ۇزاق بولاشاقتىق دامۋىنىڭ ۇلى جوسپارى. پارتيامىز دارىندىلاردى جەتىلدىرۋگە، ىنتىماقتاستىرۋعا، جەتەكتەۋگە باستان - اياق ءمان بەرىپ، ءار جاقتاعى دارىندىلاردى پارتيا مەن حالىق ىستەرى ءۇشىن ەڭبەك ءسىڭىرىپ، ۇلەس قوسۋعا ىنتىماقتاستىرىپ، قولداۋ كورسەتىپ كەلەدى. پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى عىلىم - تەحنيكا ءبىرىنشى وندىرگىش كۇش، دارىندىلار ءبىرىنشى بايلىق، جاڭالىق اشۋ ءبىرىنشى قوزعاۋشى كۇش دەگەندە تاباندى بولىپ، پارتيانىڭ دارىندىلار قىزمەتىنە باسشىلىعىن جاپپاي كۇشەيتىپ، دارىندىلاردى دامىتۋعا جەتەكشىلىك ەتەتىن ستراتەگيالىق ورنىن تۇراقتاندىرىپ، جاڭا داۋىردەگى دارىندىلار قىزمەتىندە تاريحي تابىستارعا قول جەتكىزۋدى، تاريحي وزگەرىستەر تۋدىرۋدى ىلگەرىلەتتى. شي جينپيڭ جولداستىڭ دارىندىلار قىزمەتى جونىندە جاريالاعان ءبىرقىدىرۋ ماڭىزدى پايىمداۋىنىڭ ماقساتى اسقاق، مازمۇنى باي، يدەياسى تەرەڭ بولىپ، نە ءۇشىن مەملەكەتتى دارىندىلار ارقىلى قۇدىرەتتەندىرۋ كەرەك، مەملەكەتتى دارىندىلار ارقىلى قۇدىرەتتەندىرۋ دەگەن نە، مەملەكەتتى دارىندىلار ارقىلى قالاي قۇدىرەتتەندىرۋ كەرەك دەگەن كەلەلى نازاريالىق جانە امالياتتىق ماسەلەلەرگە ىشكەرىلەي جاۋاپ بەردى، بۇل جاڭا داۋىردەگى دارىندىلار قىزمەتىنىڭ جاڭا تانىمدارىن، جاڭا ستراتەگيالارىن، جاڭا شارالارىن جاپپاي دايەكتىلەندىرىپ، مەملەكەتتى دارىندىلار ارقىلى قۇدىرەتتەندىرۋ ستراتەگياسىن ىشكەرىلەي اتقارىپ، دۇنيە جۇزىندەگى ماڭىزدى دارىندىلار ورتالىعى مەن جاڭالىق اشۋ بيىگىن جەدەل قۇرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە دارىندىلار تىرەگىن ازىرلەۋدە، دارىندىلار نەگىزىن ويداعىداي قالاۋدا توتەنشە ماڭىزدى مانگە يە.
«پايىمداۋلاردان ۇزىندىلەر» 7 ارناۋلى تاقىرىپقا بولىنگەن، جالپى 248 پايىمداۋدان قۇرالعان، شي جينپيڭ جولداستىڭ 2012 - جىلى 12 - ايدان 2024 - جىلى 3 - ايعا دەيىنگى مەزگىلدەگى بايانداماسى، ءسوزى، نۇسقاۋى، بەكىتۋى، قۇتتىقتاۋ حاتى، جاۋاپ حاتى سياقتى 110 نەشە ماڭىزدى قۇجاتتان الىنعان. مۇنىڭ ىشىندە ءبىر ءبولىم پايىمداۋ تۇڭعىش رەت اشىق جاريالانىپ وتىر.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
