جۇڭگو حالىق ازاتتىق ارمياسى ينفورماتسيالىق كومەك اسكەري قوسىنىنىڭ قۇرىلۋ جينالىسى بەيجيڭدە وتكىزىلدى
شي جينپيڭ ينفورماتسيالىق كومەك اسكەري قوسىنىنا ارميا تۋىن تاپسىردى ءارى ءتالىم بەردى
2024.04.22 16:49 كەلۋ قاينارى : حالىق تورابى
 |
4 - ايدىڭ 19 – كۇنى جۇڭگو حالىق ازاتتىق ارمياسى ينفورماتسيالىق كومەك اسكەري قوسىنىنىڭ قۇرىلۋ جينالىسى بەيجيڭدەگى 1 - تامىز عيماراتىندا سالتاناتتى وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ينفورماتسيالىق كومەك اسكەري قوسىنىنا ارميا تۋىن تاپسىردى ءارى ءتالىم بەردى. سۋرەتتە: شي جينپيڭ ءتالىم بەرۋدە.
سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
|
شينحۋا اگەنتتىگى، 4 - ايدىڭ 19 – كۇنى، بەيجيڭ (ءتىلشى مەي چاڭۋەي). جۇڭگو حالىق ازاتتىق ارمياسى ينفورماتسيالىق كومەك اسكەري قوسىنىنىڭ قۇرىلۋ جينالىسى 4 - ايدىڭ 19 - كۇنى بەيجيڭدەگى 1 - تامىز عيماراتىندا سالتاناتتى وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ينفورماتسيالىق كومەك اسكەري قوسىنىنا ارميا تۋىن تاپسىردى ءارى ءتالىم بەردى، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان ينفورماتسيالىق كومەك اسكەري قوسىنىنداعى بارلىق كوماندير - جاۋىنگەردى قىزۋ قۇتتىقتادى. ول بىلاي دەپ دارىپتەدى: جاڭا داۋىردەگى ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، ساياسي ارقىلى ارميانى قۇرۋدا، رەفورما ارقىلى ارميانى قۇدىرەتتەندىرۋدە، عىلىم - تەحنيكا ارقىلى ارميانى قۇدىرەتتەندىرۋدە، دارىندىلار ارقىلى ارميانى قۇدىرەتتەندىرۋدە، ارميانى زاڭمەن باسقارۋدا تاباندى بولىپ، نازاردى سوعىسقا دايىندالۋعا، سوعىس جۇرگىزۋگە شوعىرلاندىرىپ، جۇيەنى توعىستىرۋ، جالپى ءوڭىر تىرەك بولۋ ستراتەگيالىق تالابى بويىنشا قايراتتانا العا ۇمتىلىپ، قىزمەتتەردى تىڭعىلىقتى ىستەپ، وسىزاماندانعان قۇدىرەتتى ينفورماتسيالىق كومەك اسكەري قوسىنىن قۇرىپ شىعۋعا كۇش سالۋ كەرەك.
تۇستەن كەيىن ساعات 4 تە قۇرىلۋ جينالىسى باستالدى، تۇتاس الاڭداعىلار مەملەكەت ءانىن اسقاقتاتا شىرقادى. قۇرمەت قاراۋىلى ارميا تۋىن قورعاپ، نىق قاداممەن ءتوراعا مىنبەسىنىڭ الدىنا كەلدى. شي جينپيڭ ارميا تۋىن ينفورماتسيالىق كومەك اسكەري قوسىنىنىڭ قولباسشىسى بي يگە، كوميسسارى لي ۋەيگە تاپسىردى. ينفورماتسيالىق كومەك اسكەري قوسىنىنىڭ نەگىزگى باسشىلارى شي جينپيڭگە قۇرمەت ءبىلدىردى، شي جينپيڭنىڭ قولىنان ارميا تۋىن الىپ، تۋدى ۇستاپ اسقاق تۇردى. بارلىق كوماندير - جاۋىنگەر ارميا تۋىنا اسكەري قۇرمەت ءبىلدىردى.
تۋ تاپسىرۋ سالتىنان كەيىن شي جينپيڭ ءتالىم بەردى. ول بىلاي دەپ اتاپ كورسەتتى: ينفورماتسيالىق كومەك اسكەري قوسىنىن رەتتەپ قۇرۋ − پارتيا ورتالىق كوميتەتى مەن ورتالىق اسكەري ىستەر كوميتەتىنىڭ ارميانى قۇدىرەتتەندىرۋ ىستەرىنىڭ جالپى جاعدايىن شىعار ءتۇيىن ەتە وتىرىپ جاساعان كەلەلى شەشىمى، جاڭا تيپتەگى ارميا - اسكەر تۇرلەرى قۇرىلىمىن ورنالاستىرۋدىڭ، جۇڭگوشا ەرەكشەلىككە يە وسىزامانعى اسكەري كۇش جۇيەسىن كەمەلدەندىرۋدىڭ ستراتەگيالىق شاراسى، ول مەملەكەت قورعانىسى مەن ارميانى وسىزامانداندىرۋدى جەدەلدەتۋدە، جاڭا داۋىردەگى حالىق ارمياسىنىڭ بورىشى مەن مىندەتىن ءونىمدى اتقارۋدا كەلەلى دە تەرەڭ مانگە يە.
شي جينپيڭ بىلاي دەپ دارىپتەدى: ينفورماتسيالىق كومەك اسكەري قوسىنى − شىت جاڭا ستراتەگيالىق ارميا ءتۇرى، ينتەرنەت ينفورماتسيا جۇيەسى قۇرىلىسىن قولدانۋدى ءبىر تۇتاس جوسپارلاۋدىڭ شەشۋشى تىرەگى، ارميامىزدىڭ ساپالى دامۋدى ىلگەرىلەتۋىندە جانە وسىزامانعى سوعىستا جەڭىسكە جەتۋىندە ماڭىزدى ورىن الادى، جاۋاپكەرلىگى زور. پارتيانىڭ قولباسشىلىعىنا باتىل قۇلاق اسىپ، پارتيانىڭ ارمياعا شارتسىز باسشىلىعى سىندى ءتۇبىرلى پرينسيپ پەن ءتۇزىمدى جاپپاي دايەكتىلەندىرىپ، اسكەري ءبولىمنىڭ پارتيا قۇرىلىسىن جاپپاي كۇشەيتىپ، مۇرات - سەنىمدى بەكەمدەپ، ءتارتىپ پەن ەرەجەنى قاتايتىپ، تاماشا ستيلدى ساۋلەلەندىرىپ، اسكەري ءبولىمنىڭ شارتسىز ادالدىعىنا، شارتسىز كىرشىكسىزدىگىنە، شارتسىز سەنىمدىلىگىنە شىنايى كەپىلدىك ەتۋ كەرەك. سوعىس جۇرگىزۋگە پارمەندى تىرەك بولىپ، ينفورماتسيا ارقىلى جەتەكشىلىك ەتۋدە، بىرلەسىپ جەڭىسكە جەتۋدە تاباندى بولىپ، ينفورماتسيا تىزبەگىن ىركىلىسسىزدەندىرىپ، ينفورماتسيا بايلىعىن توعىستىرىپ، ينفورماتسيا ارقىلى ساقتانۋدى كۇشەيتىپ، بۇكىل ارميانىڭ بىرلەسىپ سوعىس جۇرگىزۋ جۇيەسىمەن ىشكەرىلەي توعىسىپ، ينفورماتسيالىق كومەكتى دالمە - ءدال، جوعارى ءونىمدى اتقارىپ، ءار باعىتتاعى، ءار سالاداعى اسكەري ىستەر كۇرەسىنە قىزمەت وتەۋ جانە ونى قامتاماسىز ەتۋ كەرەك. جاڭالىق جاراتا دامۋدى جەدەلدەتىپ، سوعىس جۇرگىزۋ قاجەتىن ءتۇبىرلى جەتەكشى ەتۋدە تاباندى بولىپ، جۇيەنى ءبىر تۇتاس جوسپارلاۋدى كۇشەيتىپ، ورتاق قۇرۋدى، ورتاق يگىلىكتەنۋدى ىلگەرىلەتىپ، عىلىم - تەحنيكادا جاڭالىق جاراتۋدى كۇشەيتىپ، وسىزامانعى سوعىس تالابىنا ۇيلەسەتىن، ارميامىز ەرەكشەلىگىنە يە توراپتىق ينفورماتسيا جۇيەسىن قۇرىپ شىعىپ، جۇيەلى سوعىس جۇرگىزۋ قۋاتىن جەدەل جوعارىلاتۋدى جوعارى ساپامەن ىلگەرىلەتۋ كەرەك. اسكەري ءبولىمنىڭ نەگىزىن بەكەمدەپ، ارميانى جاپپاي قاتاڭ باسقارۋ تالابىن تياناقتاندىرىپ، تاربيەلەۋدى، باسقارۋدى قاتايتىپ، جۇيەلى ءتارتىپتى ساقتاپ، قوزعاۋشى كۇشتى، ومىرشەڭدىك كۇشتى قاۋلاتىپ، بەرىك نەگىزگى ساتىنى جاپپاي شىڭداپ، اسكەري ءبولىمنىڭ وسكەلەڭ شوعىرلى بىرلىگى مەن حاۋىپسىزدىگىنە، ورنىقتىلىعىنا شىنايى كەپىلدىك ەتىپ، اسكەري ءبولىم قۇرىلىسىندا ۇزدىكسىز جاڭا جاعداي جاراتۋعا قۇلشىنۋ، پارتيا مەن حالىق جۇكتەگەن ءتۇرلى مىندەتتەردى باتىل ورىنداۋ كەرەك.
لي ۋەي ينفورماتسيالىق كومەك اسكەري قوسىنى اتىنان ءسوز سويلەپ مىنانى ءبىلدىردى: ءتوراعا شي جينپيڭنىڭ ماڭىزدى نۇسقاۋىن باتىل دايەكتىلەندىرىپ، پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ قولباسشىلىعىنا باتىل بويسۇنىپ، سوعىسقا دايىندالۋعا، سوعىس جۇرگىزۋگە كۇشتى شوعىرلاندىرىپ، ادالدىقپەن مىندەت اتقارىپ، جاۋاپكەرلىكتى ادا ەتىپ، پارتيا مەن حالىقتىڭ ماڭىزدى تاپسىرماسىن ءسوزسىز ورىندايمىز.
جينالىس ايبىندى ارميا انىمەن اياقتادى. وسىدان كەيىن شي جينپيڭ ينفورماتسيالىق كومەك اسكەري ءبولىمىنىڭ باسشىلىق القاسىنىڭ مۇشەلەرىن قابىلدادى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.
جينالىستا ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى جاڭ يوۋشيا شي جينپيڭ قول قويعان ورتالىق اسكەري ىستەر كوميتەتىنىڭ ينفورماتسيالىق كومەك اسكەري قوسىنىن قۇرۋ جونىندەگى بۇيرىعىن، ينفورماتسيالىق كومەك اسكەري قوسىنى باسشىلىق القا مۇشەلەرىنىڭ مىندەت وتەۋ بۇيرىعىن جانە پارتكوم تۇراقتى كوميتەتىن ۇيىمداستىرۋ ۇقتىرۋىن وقىدى، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى حى ۋەيدۇڭ جينالىستى باسقاردى.
ورتالىق اسكەري ىستەر كوميتەتىنىڭ مۇشەلەرى ليۋ جىنلي، مياۋ حۋا، جاڭ شىڭمين جينالىسقا قاتىناستى. اسكەري ىستەر كوميتەتى ورگانىنىڭ مينيسترلىك، كوميتەتتەرىندەگى، اسكەري ىستەر كوميتەتىنە توتە قاراستى قۇرىلىمدارداعى، سوعىس رايوندارىنداعى، ارميا - اسكەر تۇرلەرىندەگى، اسكەري ىستەر كوميتەتىنە توتە قاراستى ورىندارداعى، قارۋلى ساقشى اسكەري بولىمدەرىندەگى قاتىستى جاۋاپتى جولداستار، ءارقايسى ارميا، اسكەر تۇرلەرىنىڭ جانە قارۋلى ساقشى اسكەري بولىمدەرىنىڭ كوماندير - جاۋىنگەرلەرىنىڭ ۋاكىلدەرى، اكىمشىلىك قىزمەتكەرلەردىڭ ۋاكىلدەرى قاتارلىلار جينالىسقا قاتىناستى.
ورتالىق اسكەري ىستەر كوميتەتىنىڭ ۇيعارىمىنا ساي، جاڭادان قۇرىلعان ينفورماتسيالىق كومەك اسكەري بولىمىنە ورتالىق اسكەري ىستەر كوميتەتى تىكەلەي باسشىلىق ەتىپ، قولباسشىلىق ەتەدى، سونىمەن بىرگە، ستراتەگيالىق كومەك اسكەري ءبولىمىنىڭ ءنومىرى كۇشىنەن قالدىرىلىپ، اسكەري عارىش ءبولىمىنىڭ، اسكەري توراپ كەڭىستىگى ءبولىمىنىڭ باسشىلىق ەتۋ، باسقارۋ قاتىناسىنا سايكەستى رەتتەلدى.
كەلۋ قاينارى: حالىق تورابى
 |
4 - ايدىڭ 19 – كۇنى جۇڭگو حالىق ازاتتىق ارمياسى ينفورماتسيالىق كومەك اسكەري قوسىنىنىڭ قۇرىلۋ جينالىسى بەيجيڭدەگى 1 - تامىز عيماراتىندا سالتاناتتى وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ينفورماتسيالىق كومەك اسكەري قوسىنىنا ارميا تۋىن تاپسىردى ءارى ءتالىم بەردى. سۋرەتتە: شي جينپيڭ ارميا تۋىن ينفورماتسيالىق كومەك اسكەري قوسىنىنىڭ قولباسشىسى بي يگە، كوميسسارى لي ۋەيگە تاپسىرۋدا.
سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
|
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
