بلۋمبەرگ اگەنتتىگى: جۇڭگو بولاشاقتاعى 5 جىل ىشىندە دۇنيە ءجۇزى ەكونوميكاسىنىڭ ارتۋىنا ەڭ زور ۇلەس قوسۋشى بولادى
2024.04.23 13:56 كەلۋ قاينارى : حالىق تورابى
شينحۋا اگەنتتىگىنىڭ 4 – ايدىڭ 20 – كۇنى بەرگەن حابارى. بلۋمبەرگ اگەنتتىگىنىڭ جۋىردا حالىقارالىق ۆاليۋتا قورى ۇيىمىنىڭ (IMF) ەڭ جاڭا ەكونوميكالىق بولجام ساندى مالىمەتى نەگىزىندە جۇرگىزگەن ەسەبىندە، 2024 – جىلدان 2029 – جىلعا دەيىن، دۇنيە جۇزىندەگى جاڭادان ارتقان ەكونوميكالىق قيمىلداردا جۇڭگونىڭ ۇستايتىن سالىستىرماسى %21 اينالاسىندا بولادى، جەتى ەل توبىنىڭ ۇستايتىن سالىستىرماسى %20 بولادى، ال ا ق ش – نىڭ ۇستايتىن سالىستىرماسى %12 كە جۋىق بولادى دەپ كورسەتىلگەن.
جالپى جاقتان ايتقاندا، بولاشاقتاعى 5 جىلدا دۇنيە ءجۇزى ەكونوميكاسىنىڭ ارتۋىنىڭ %75 ى مەجەمەن 20 مەملەكەتكە شوعىرلانادى، مۇنىڭ ىشىندە، دۇنيە ءجۇزى ەكونوميكاسىنىڭ ارتۋ مولشەرىنىڭ جارىمىنان استامى جۇڭگو، ءۇندىستان، ا ق ش جانە يندونەزيا سىندى ءتورت مەملەكەتتىڭ ۇلەسى بولىپ تابىلادى.
IMF وسى ايدىڭ 16 – كۇنى جاريالاعان «دۇنيە ءجۇزى ەكونوميكاسىنا نازار مالىمەتىنىڭ» ەڭ جاڭا سانىندا 2024 – جىلعى دۇنيە ءجۇزى ەكونوميكاسىنىڭ ارتۋى جونىندەگى مەجەنى %3.2 كە جوعارىلاتقان. IMF مىنانى اتاپ كورسەتتى: تاريحتاعى ولشەم بويىنشا شامالاساق، دۇنيە ءجۇزى ەكونوميكاسىنىڭ ارتۋى ءالى دە دارمەنسىز، بۇل، ءبىر جاعىنان، ءالى دە جوعارى دەڭگەيدە تۇرعان نەسيە الۋدىڭ وزىندىك قۇنى، قازىنالىق قولداۋدىڭ ازايۋى قاتارلى جۋىرداعى فاكتورلاردىڭ سالدارى بولسا، ەندى ءبىر جاعىنان، ىندەت پەن ۋكراينا داعدارىسىنىڭ ۋشىعۋىنان تۋىنداعان ۇزاق ۋاقىتتىق ىقپالعا، سونداي – اق، ءوندىرىس ونىمدىلىگىنىڭ ارتۋىنىڭ السىرەۋى جانە گەوەكونوميكانىڭ بولشەكتەنۋىنىڭ اسقىنۋىنا بايلانىستى بولىپ وتىر.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
