لي چياڭ مەملەكەتتىك كەڭەستىڭ 7 - رەتكى ارناۋلى ۇيرەنۋىن باسقاردى
2024.04.23 15:11 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 22 - كۇنى بەيجيڭنەن بەرگەن حابارى: 4 - ايدىڭ 22 - كۇنى تۇستەن كەيىن مەملەكەتتىك كەڭەس ”كاپيتال بازارى رەفورماسىن ونان ارى تەرەڭدەتىپ، كاپيتال بازارىنىڭ ورنىقتى، اقاۋسىز دامۋىن جەبەۋدى“ نەگىزگى تاقىرىپ ەتىپ 7 - رەتكى ارناۋلى ۇيرەنۋىن وتكىزدى. مەملەكەتتىك كەڭەستىڭ زۇڭليى لي چياڭ ۇيرەنۋدى باسقارعاندا مىنالاردى دارىپتەدى: باس شۋجي شي جينپيڭنىڭ كاپيتال بازارىنىڭ دامۋى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنا ساي، حاۋىپسىز، جۇيەلى، جاريالى، اشىق، ومىرشەڭ، سەرپىمدى كاپيتال بازارىن جەدەل قۇرىپ، كاپيتال بازارىنىڭ فۋنكتسيالىق رولىن اناعۇرلىم ويداعىداي ساۋلەلەندىرىپ، فينانستا قۋاتتى ەل قۇرۋدى ىلگەرىلەتىپ، جۇڭگو ۇلگىسىندەگى وسىزامانداندىرۋ جالپى جاعدايىنا قىزمەت وتەۋ كەرەك.
بەيجيڭ داشۋەسى گۋاڭحۋا باسقارۋ شۋەييۋانىنىڭ باستىعى ليۋ چياۋ تۇسىنىك جاسادى. مەملەكەتتىك كەڭەس زۇڭليىنىڭ ورىنباسارلارى ديڭ شۋەشياڭ، ليۋ گوجۇڭ، مەملەكەتتىك كەڭەستىڭ مۇشەسى ۋاڭ شياۋحۇڭ پىكىر اۋىستىرىپ ءسوز سويلەدى، مەملەكەتتىك كەڭەس زۇڭليىنىڭ ورىنباسارى حى ليفىڭ جازباشا ءسوز تاپسىردى.
لي چياڭ لەكسيا جانە پىكىر الماستىرۋ ءسوزىن ەستىگەننەن كەيىن بىلاي دەپ اتاپ كورسەتتى: كاپيتال بازارى − وسى زامانعى فينانس جۇيەسىنىڭ ماڭىزدى قۇرامداس ءبولىمى. پارتيا 18 - قۇرىلتايىنان بەرى ەلىمىزدىڭ كاپيتال بازارى جەدەل دامىپ، بايلىقتى ساپالى ورنالاستىرۋدى جەبەۋ، عىلىم - تەحنيكادا جاڭالىق اشۋدى قولداۋ، ەكونوميكالىق، قوعامدىق دامۋدى ىلگەرىلەتۋ سياقتى جاقتاردا ماڭىزدى رول اتقاردى. كاپيتال بازارى قىزمەتىن ويداعىداي ىستەۋ ءارى وتە كۇشتى جالپىلىق، جالپى جاعدايلىق سيپاتقا يە، ءارى وتە كۇشتى كاسىپتىك سيپاتقا يە. كاپيتال بازارى اينالىمىنىڭ نەگىزگى زاڭدىلىعىن جۇيەلى كوزقاراس جانە كاسىپتىك وي جەلىسى ارقىلى تانىپ، ەلىمىزدىڭ كاپيتال بازارىنىڭ كەزەڭدىك ەرەكشەلىگىن تاريح پەن دامۋ تۇرعىسىنان يگەرىپ، حالىقارالىق وزىق تاجىريبەلەردى ۇيرەنۋگە، اينا ەتۋگە شەبەر بولۋمەن بىرگە، مەملەكەت جاعدايىن تياناق ەتۋدە، ۋاقىتقا، جاعدايعا قاراي ىستەۋدە باستان - اياق تاباندى بولىپ، بازار ۇستانىمى ارقىلى ەرەجە جوبالاۋعا، ساياسات بەلگىلەۋگە اناعۇرلىم ءمان بەرىپ، كاپيتال بازارى رەفورماسىن ۇزدىكسىز تەرەڭدەتۋ كەرەك.
لي چياڭ بىلاي دەپ اتاپ كورسەتتى: «مەملەكەتتىك كەڭەستىڭ باقىلاۋ - باسقارۋدى كۇشەيتىپ، حاۋىپ - قاتەردەن ساقتانىپ، كاپيتال بازارىنىڭ ساپالى دامۋىن ىلگەرىلەتۋ جونىندەگى ءبىرقانشا پىكىرىن» تياناقتاندىرۋدى وراي ەتىپ، كاپيتال بازارىن رەفورما جۇرگىزىپ دامىتۋ قىزمەتىن تىڭعىلىقتى ىستەۋ كەرەك. كاپيتال بازارىنىڭ نەگىزدىك ءتۇزىم جۇيەسىن جەدەل كەمەلدەندىرىپ، تاراتۋ، ساۋدالاۋ، بازاردان شەگىنۋ سياقتى شەشۋشى تۇزىمدەردى اقاۋسىزداندىرىپ، قارجى قوسۋ، قارجى قۇراۋدىڭ ءتيىمدى اينالىمى مەن بازارعا شىعۋ، بازاردان شەگىنۋدىڭ اۋقىمدىق تەپە - تەڭدىگىن جەبەۋ كەرەك. بازارعا شىعارىلعان سەرىكتەستىكتەردىڭ ساپاسىن كۇش سالا جوعارىلاتىپ، تاراتۋ، بازارعا شىعارۋعا رۇقسات ەتۋ وتكەلىن قاتاڭ يگەرىپ، بازارعا شىعارىلعان سەرىكتەستىكتەردىڭ قارجى قوسۋشىلارعا قارىمجى قايتارۋ تانىمىن كۇشەيتىپ، قارجى قوسۋ قۇنىن جوعارىلاتۋ كەرەك. كاپيتال بازارىن باقىلاۋ - باسقارۋدى كەمەلدەندىرىپ جانە كۇشەيتىپ، زاڭعا، بەلگىلەمەگە قايشى ارەكەتتەردى جازالاۋ تەبىنىن ارتتىرۋ كەرەك. ورتاشا، شاعىن قارجى قوسۋشىلاردىڭ ۇقىق - مۇددەسىن قورعاۋدى شىنايى كۇشەيتىپ، اشىق، ءادىل، ادىلەتتى بازار ورتاسىن قالىپتاستىرۋ كەرەك.
لي چياڭ بىلاي دەپ دارىپتەدى: كاپيتال بازارىنىڭ ورنىقتى، اقاۋسىز دامۋىن ىلگەرىلەتۋ − ەكونوميكانى دامىتۋ مەن جونگە سالۋ قابىلەتىنىڭ ماڭىزدى بەينەسى. قاتىستى جاقتار ۇيرەنۋدى كۇشەيتىپ، وي جۇگىرتۋگە شوگەل بولىپ، ىشكەرىلەي زەرتتەۋ جۇرگىزىپ، قىزمەت قابىلەتى مەن كاسىپتىك ساپاسىن ۇزدىكسىز جوعارىلاتۋى، سونىمەن بىرگە، سايكەسۋدى، ىقپالداستىقتى كۇشەيتىپ، ەكونوميكالىق فاكتورلار مەن بەي ەكونوميكالىق فاكتورلاردى جان - جاقتى ويلاستىرىپ، ەكونوميكالىق ساياسات پەن بەي ەكونوميكالىق ساياساتتاردى اناعۇرلىم ويداعىداي ءبىر تۇتاس جوسپارلاپ، كاپيتال بازارىنىڭ ساپالى دامۋىن جەبەيتىن بىرىككەن كۇش قالىپتاستىرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
