1 - توقساندا سۋ يگىلىگى قۇرىلىسىنا 19 ميلليارد 300 ميلليون يۋان قارجى قوسىلدى (جاڭا ساندى مالىمەت، جاڭا ءتۇيىن)
تاريحتاعى ۇقساس مەزگىلدەگى ەڭ جوعارى رەكورد جاراتىلدى
2024.04.23 15:12 كەلۋ قاينارى : حالىق تورابى
«حالىق گازەتى»، 4 – ايدىڭ 22 - كۇنى، بەيجيڭ (تىلشىلەر ۋاڭ حاۋ، يىن شۋ - ي). سۋ يگىلىگى مينيسترلىگى 4 – ايدىڭ 22 – كۇنى جاريالاعان ساندى مالىمەتتە كورسەتىلۋىنشە، 1 - توقساندا بۇكىل ەل بويىنشا اتقارىلعان سۋ يگىلىگى نىسانى 23 مىڭ 500 بولىپ، سالىنىپ جاتقان نىساندارداعى قارجى كولەمى 4 تريلليون 700 ميلليارد يۋان بولىپ، سايكەس مەزگىلدەگىدەن جەكە – جەكە %15.8، %12.3 ارتقان. مۇنىڭ ىشىندە 9 مىڭ 683 سۋ يگىلىگى نىسانىندا تىڭنان جۇمىس باستالىپ، 473 ميلليارد 300 ميلليون يۋان قارجى قوسىلىپ، سايكەس مەزگىلدەگىدەن جەكە - جەكە %33.8، %47.6 ارتقان. جالپى 100 ميلليون يۋاننان استام قارجى قوسىلعان 687 سۋ يگىلىگى نىسانىندا جاڭادان جۇمىس باستالىپ، سايكەس مەزگىلدەگىدەن %94.6 ارتتى. سۋ يگىلىگى مينيسترلىگى نىسانداردى جوسپارعا الۋدى، قۇرىلىس قارقىنىن، جاۋاپكەرلىكتى تياناقتاندىرۋدى قاداعالاپ، سۋ يگىلىگى نىساندارىنىڭ اتقارىلۋىن بار كۇشپەن ىلگەرىلەتتى.
سۋ يگىلىگى قۇرىلىسىنا قوسىلعان قارجى تاريحتاعى ۇقساس مەزگىلدەگى ەڭ جوعارى رەكورد جاراتتى. 1 - توقساندا سۋ يگىلىگى قۇرىلىسىنا 19 ميلليارد 300 ميلليون يۋان قارجى قوسىلىپ، سايكەس مەزگىلدەگىدەن %4.4 ارتقان؛ سۋ يگىلىگىنە قوسىلعان 778 ميلليارد 700 ميلليون يۋان قارجى تياناقتانىپ، سايكەس مەزگىلدەگىدەن %93.3 ارتقان. قازىر زايوم تاراتىلاتىن 4 مىڭ 753 سۋ يگىلىگى نىسانى اتقارىلىپ، 76 ميلليارد 750 ميلليون يۋان قارجى قوسىلىپ، جالپى تۇلعالىق اياق الىسى ءساتتى بولدى.
كەلەلى سۋ يگىلىگى ينجەنەريالارى جەدەل سالىندى. بيىل چاڭجياڭ تۇڭليڭ وزەنى بولەگىن جان - جاقتى جونگە سالۋ ينجەنەرياسى، جياڭشي لىپيڭ سۋ يگىلىگى تورابى، بەيجيڭ يۇڭديڭ وزەنى لۋسان بولەگىن جان - جاقتى جوعارىلاتۋ ينجەنەرياسى سياقتى 13 كەلەلى ينجەنەريادا جۇمىس باستالدى. وڭتۇستىكتىڭ سۋىن سولتۇستىككە جەتكىزۋ ورتا جەلىسىندەگى چاڭجياڭ وزەنىنەن سۋ باستاپ حانشۇي، حۋايحى وزەندەرىن تولىقتىرۋ سۋ جولىنىڭ 2 - مەرزىمدىك قۇرىلىسى سياقتى ءبىر توپ مەملەكەتتىك سۋ تورابى كەلەلى ينجەنەرياسى جەدەل اتقارىلدى.
سۋ يگىلىگى قۇرىلىسىنىڭ جۇمىستانۋدى ورنىقتىرۋ رولى كورنەكتىلەندى. سۋ يگىلىگى نىساندارىنىڭ جۇمىس باستاۋ مولشەرى كوپ، جۇمىسقا قابىلداۋ قۋاتى كۇشتى بولىپ، كەڭ كولەمدى سۋ يگىلىگى قۇرىلىسى قىرۋار جۇمىس ورنىمەن تىكەلەي قامدايدى. 1 - توقساندا سۋ يگىلىگى نىساندارىندا 730 مىڭ ادام جۇمىستانىپ، سايكەس مەزگىلدەگىدەن %3.8 ارتتى، مۇنىڭ ىشىندە اۋىل - قىستاق ەڭبەككۇشتەرىنەن 577 مىڭ ادام جۇمىستانىپ، سايكەس مەزگىلدەگىدەن %13.2 ارتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
