ءىس تىندىرىپ، يگىلىك جاراتۋ رۋحىن سەرپىلتەيىك (بۇگىنگى ايتار ءسوز)
جاۋ جىڭ
2024.04.23 15:13 كەلۋ قاينارى : حالىق تورابى
حۋاڭحى قايراڭىنا ورنالاسقان حىنان ولكەسى چاڭيۋان قالاسى شيچىن قىستاعىندا وسى 2 جىلدا زور وزگەرىس تۋىلىپ، الىس - جاقىنعا اتى ايگىلى ”شولپان قىستاققا“ اينالدى. قالاي وزگەردى؟ قىستاق ەكى كوميتەتى، پارتيا مۇشەلەرى باستاماشىلدىقپەن ىستەپ، جول سالىپ، گاز جەتكىزىپ، حالىققا قولايلى قۇرىلعى سالدى. قىستاق تۇرعىندارىنىڭ كوڭىلى جاي تاپتى، كادرلار مەن بۇقارا جۇدىرىقتاي جۇمىلىپ، كاسىپتىك سەلبەستىك كووپەراتيۆىن قۇرىپ، ءدامدى تاعامدار مەرەكەسىن وتكىزىپ، ەگىن، ورمان، جەمىس - جيدەك، كوكونىس كاسىبىن دامىتتى. قىستاق بارعان سايىن كورىكتەنىپ، جول بارعان سايىن كەڭەيدى. ”ءبىز ازىراق جۇمىس ىستەدىك، قىستاق تۇرعىندارى جاقسى سايكەسىپ جاتىر“. قىستاق پارتيا ياچەيكاسىنىڭ شۋجيى چىن يىڭشيان ءبىر اۋىز سوزبەن شەشۋشى ءتۇيىندى اڭعارتتى.
ءبارى دە ”ازىراق ءىس ىستەۋدەن“ باستالدى. اۋىل شارۋاشىلىعىندا ءونىمدى ورنىقتىرۋ، شارۋالاردىڭ كىرىسىن ارتتىرۋ، كاسىپ سالاسىن گۇلدەندىرۋ، تۇرعىن ءۇي ورتاسىن جونگە سالۋ، اۋىل - قىستاقتى جاپپاي گۇلدەندىرۋ، وسى قىزمەتتىڭ ءبارى شىنايى يگەرىپ، ناقتى ىستەۋدەن ايرىلا المايدى. سول سياقتى، ەكونوميكانىڭ ومىرشەڭدىك كۇشىن ارتتىرىپ، عىلىم - تەحنيكادا جاڭالىق اشۋدى جەدەلدەتىپ، حالىق تۇرمىسى دەڭگەيىن قامتاماسىز ەتىپ، جونگە سالۋ جۇيەسىن كەمەلدەندىرىپ، قاي - قاشان دا جاۋاپكەرلىك ارقالاپ، ىسكەرلىك كورسەتۋ كەرەك. ماسەلەنىڭ قيىن بولۋىنان قورىقپاۋ دەگەنىمىز ىستەيتىن ادامنىڭ بولماۋىنان قورقۋ دەگەندىك. ناتيجەنىڭ بارلىعى كۇرەسۋدەن، ىستەۋدەن، قاجىر - قايراتتان كەلەدى. شيچىن قىستاعىنىڭ وزگەرىسى پارتيالى كادرلاردىڭ ىسكەر بولۋىنان، ناقتى ناتيجە ارقىلى سەنىمگە يە بولىپ، بۇكىل قىستاقتىڭ جىگەرىن تاسقىنداتىپ، ءىس تىندىرىپ، يگىلىك جاراتۋدىڭ تاماشا ورتاسىن قالىپتاستىرۋىنان بولدى.
باس شۋجي شي جينپيڭ بىلاي دەپ دارىپتەدى: ”پارتيالى كادرلاردىڭ ءىس تىندىرىپ، ناتيجە شىعارۋ جىگەرىن قاۋلاتۋ“، ”كوزىمىز جەتكەن سوڭ جەدەل ىستەپ، ءار جاقتىڭ كۇش - قايراتىن تاسقىنداتۋ كەرەك“. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا توتە جول جوق، تەك ناقتى ءىس ىستەۋ كەرەك. پارتيالى كادرلار ”نىسانانى كوزدەپ العان بەتتەن قايتپايتىن، باتىلدىقپەن قامال الىپ، باتىلدىقپەن ىستەپ، ناقتى ءىس تىندىراتىن“ تەبىنمەن ”قاي - قاشان دا قام جەپ تۇراتىن“ جاۋاپكەرلىك سەزىمدى كۇشەيتىپ، ”بارلىق ىستە كوڭىلدە سان بولۋ“ ارەكەت قابىلەتىن جوعارىلاتىپ، ناقتى ءىس ىستەۋ ارقىلى سەنىمدى كۇشەيتىپ، كۇرەس ارقىلى كۇش - قۋاتتى ۇيىستىرىپ، بۇقارانى اناعۇرلىم تاماشا تۇرمىس جاراتۋعا ىنتىماقتاستىرۋى، باستاۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
